Read Lashi MATHE 1 Bible Online

MATHE 1 - Lashi bible

MATHE 1

¹He: da" khyoo: gi Abraham da" nya: zoo: yo' David da" nya: zoo: Yesu Khristu da" byuxeig shab Jhoem: mungdang: nghoid.

²Abraham gi Isag ri khu: kaid. Isag gi Yaku ri khu: kaid. Yaku gi Yuda yo' nya: mang: nya: nhung" yi ri khu: kaid.

³Yuda gi Thama mo Phared yo' Zerag ri doem khu: kaid. Phared gi Hesrum ri khu: kaid. Hesrum gi Aram ri khu: kaid.

⁴Aram gi Aminada ri khu: kaid. Aminada gi Nason ri khu: kaid bye. Nason gi Salmon: ri khu: kaid.

⁵Salmon gi Rahab mo Bua ri khu: kaid bye. Bua gi Rutha mo Obed ri khu: kaid bye. Obed gi Yese ri khu: kaid bye.

⁶Yese gi David khokham" ri khu: kaid bye. David gi Uria da" yhoem: seing: myhi' ga: jang" mo- Sholumon ri khu: kaid bye.

⁷Sholumon gi Rehoboam ri khu: kaid bye. Rehoboam gi Abia ri khu: kaid. Abia gi Asab ri khu: kaid. Asab gi Yosaphaid ri khu: kaid.

⁸Yosaphaid gi Yoram ri khu: kaid. Yoram gi Uzia ri khu: kaid. Uzia gi Yotham ri khu: kaid bye.

⁹Yotham gi Ahaza ri khu: kaid. Ahaza gi Hezekia ri khu: kaid.

¹⁰Hezekia gi Manase ri khu: kaid. Manase gi Amon ri khu: kaid. Amon gi Yosia ri khu: kaid bye.

¹¹Yosia gi Babelon mung" moo thung: lo" lung" wa da" xeig moo Yekhonia yo' nya: mang: nya: nhoung" ri khu: kaid bye.

¹²Babelon moo thung: loung" thang: ri Yekhonia gi Salathila ri khu: kaid. Salathila gi Zerubabela ri khu: kaid bye.

¹³Zerubabela gi Abiu ri khu: kaid. Abiu gi Aliakim ri khu: kaid. Aliakim gi Azura ri khu: kaid.

¹⁴Azura gi Zadug ri khu: kaid. Zadug gi Akhim yo, Eliu ri khu: kaid.

¹⁵Eliu gi Aliaza ri khu: kaid. Eliaza gi Mathan ri khu: kaid bye. Mathan gi Yaku ri khu: kaid bye.

¹⁶Yaku gi Mari da" yhoem: seing: phoo Yoseb ri khu: kaid bye. Mari gi Khristu ein: da" Yesu ri khu: kaid bye.

¹⁷Houg: su" wigi Abraham da" pyaid mo David da" pyaid ju" sho' daxe: myid: xeig- hau: lho: David da" pyaid mo Babelon mung" moo thung: loung" lo" da" ayo, ju" sho' daxe: myid: xeig- Babelon moo thung: loung" jang mo Khristu da" pyaid ju" sho' daxe: myid: xeig nghoid.

¹⁸Akhid" Yesu Khristu khu: lo da" khyoo: gi hid: su" nghoid. Nya: myhi' Mari gi Yoseb dang: myed: too" bye: nghoid loug we' nya: eig yug gi dage" azoem" nyid shi" ri Mari gi gyeungshang: Venyi: khyo" zoonu" gung bue" loo bye.

¹⁹Nya: yhoem: seing: phoo Yoseb koem gi deung main" su: nghoid yoo mo nya: yhoem: seing: myhi' ri sho' athu' nhang: noug yoo mo nyang: ri gau" nhang: kaid wa ga: soin: nyid.

²⁰He: da" khyoo: damyid yu" nyid shi" uri yu" ge'. ASEING da" moug: lagyoo: dayug yhoeb' mo, moo nyang: ri gung re" yab shug lho: «David da" nya: zoo: Yoseb we"- re" da" yhoem: seing: myhi' Mari ri yu wa zi myid amyoo:. Nya: da" zoonu" gung gi hau: gyeungshang: da" Venyi: mo bue" lo da" zi nghoid.

²¹Nyang: gi yuggi zoo: khu: loo wa zi nghoid. Nang nya: myeing ri Yesu ein: myheing byid: ca" wa. Khasu" wim gari nya: da" Byumyu" ri nyang: nya: youg: noo yooboo mo khyoid' yu wa su: nyang: nghoid nyid».

²²He: da" khyoo: dangain" gi Lapi: bang: tid dang: byeung" loo ca" yoomo bue" loo bye.

²³Nyang: gi «yu" ge' zoomyi: gyeing" gi zoonu" gung bue" lo wigi yuggi zoo: khu: loo wa nghoid. Nya: myeing ri Emanuela ga: myheing byid: boem wa» ga: tid to". Hau: da" dangkang: gi «Mangsoo ngoonu" yo' dage" nyid» ga: zi nghoid.

²⁴Yoseb yhoeb' so" ri" lang" hau: ASEING da" Mouglagyoo: nyang: ri tid to" ziyo' dakhyoo" ti"- nya: yhoem: seing: myhi' ri jha" yu bye.

²⁵Nghoidloug we' yuggi zoo: akhu: ri" ri" gi Mari yo" azoem" goo" looza: danyid nyid. Hau: yuggi zoo: ri Yoseb gi Yesu ga: myeing myheing byid: bye.