Read Lashi MATHE 3 Bible Online

MATHE 3 - Lashi bible

MATHE 3

¹Hau: yo, hau: boin: moo Baptisma sara: Yohan nyid thu' lo wigi

²«Mougkhung: mungdain: ju" lo nyid bye: yoomo nheigloem: thid' loo: ge'» ga: Yuda dain" pyoid yoo moo tarha" kho" nyid.

³Lapi: Esaia tid da" dang: gi «dain" pyoid yoo moo nyho: da" thui: gi hau: ASEING khyoo: ri soin' nyheing too" ge' guid" da" khyoo: ri soin' nyheing koid ge'»› ga: wigi tid to" yug nyang: nghoid bye.

⁴Hau: Yohan koem gi gola-ug moug" yo' yo, da" byimi void lho: shooyid bicu" cu" ci:- nya: da" zoo: noem gi siyoo mo jhen" khyeig nyoug yo' byoo: yhid: nghoid nyid.

⁵Hau: uri Yerusalem mo mo, Yuda mung" mo mo, yo' Yodan gyid lang thei: tab' he: tab' mo mo, Yohan jhangmoo zheng: ju re.

⁶Nyang: nya: youg noo yooboo ri thoid shed boem wigi Yohan da" lo, moo Yodan gyid lang mo baptisma ri zheung: kham: yu boem.

⁷Akhid" Pharishe" yo' Saduke myoo" sho' mo, baptisma kham: yu wa ga: ju" re" boem zi Yohan lhoem: myang lang" nyang: bang: ri Yohan tid zigi «Akhyeing" da" myuno, Byumyu" yi we"- Mangso dang: khoo' da" zi thung" shau" zoo: wa da" yooboo shed: gyoin noo gyoin mo yo" phang: thu' loo" goo" baja" ga: nanu" ri hang" tid poin" go" lha".

⁸Houg: yoomo nheigloem: thid da" ashi" zei: ge'

⁹Abraham gi ngoonu" da" nya: phoo nghoid ga: wigi ajho: nyid goo. Nanu" ri ngoo tid kyoo" ba:- Mangsoo gi he: da" lug loem: mo Abraham nya: zoo: yo" phain" thu' byid: wa.

¹⁰Akhid" nyang: hau: da" voozung: gi shi" gam poem: moo zhung: too" bye. Houg" su" wigi ge da" ashi" azei: da" shi" gam jo, moo jo, ri thug lheing: pyam lho: myikhyoem' moo du" zei pyam' wa.

¹¹Ngoo gi nheigloem: thid' goo" baja" ein: nanu" ri gyid moo baptisma ri byid: bye. Nghoidloug we' nga" thang: moo ju" ri" wa su: gi nga" tho' mo yoem: je boo su: nghoid wigi nya: da" khyid: baid' voin byid: wa zilang" ngoo amoin: yi. Hau: yug gi gyeungshang: Venyi: moo we' myi: moo we' nanu" ri baptisma byid: wa su: nghoid.

¹²Nya: da" lo, moo gug khyoo' lhang" khang" dakhyam" ci: wigi nya: gug boem ri geig khyo' kyeing yu" lho: mo da" gug shi" rigi nya: da" gug jhi: moo kaid' too" wa. Amo da" gug shi" rigi ayo" said da" myi: moo nghe' pyam' wa» ga: tid.

¹³Hau: da" ayo, moo Yesu gi Yohan da" lo, mo baptisma yu wa ga: Galile mung" mo wigi Yodan gyid lang yam moo nyid da" Yohan jhangmoo ju" ri" bye.

¹⁴Nyang: koem gi «ngoo loem: she' re" jang" mo baptisma yu wa ca" nyid da:. Nang loem: she' nga" jhangmoo dare" rhe"» ga: nyang: ri lhoem: tid da.

¹⁵Houg: ri Yesu gi «akhid" nyang: houg: zei: byid: we' deung main" da" khyoo: ja: khang" moo" ri zei: byeung" wa zigi ge nyid bye:» ga: nyang: ri tid. Houg: lang" hau: moo" nyang: ri zei: byid: bye.

¹⁶Akhid" Yesu baptisma bain kham: yu lang" gyid thoem" mo to' thu' lo" da" uri yu" ge' mougkhoung: khoem" duang: bang" lo" lho: Mangso da" Venyi: gi pheing" kyoug" su" dang: gyoo" lo wigi nya: tho' moo zhoung: jo, zi nyang: myang.

¹⁷Hau: tho' moo gootu: «he: yug gi ngoo vho: ngei da" nga" jheddab zooshang: nyang: nghoid bye:» ga: mougkhoung: mo thui: myeing thu' lo.