Read Lashi MARKU 13 Bible Online

MARKU 13 - Lashi bible

MARKU 13

¹Yesu gi Noku yhoem: moo" mo thu' lo" nyid uri nya: cangzoo: yi mo dayug gi nyang: ri Sara we" yu" we' khayhi' gyag da" lug zeing joem yo' lug yhoem: moo" joem nghoid da" ga: tid.

²Yesu gi nyang ri nang he: yhoem: moo" ri myang la". he: lugyhoem: mo lug zeing joem daloem: we' nya jo yoo moo adeung loo: byo, gyo" lo" byug boem wa"-ga: tid kyo".

³Yesu gi Zhain Lun boem tho' moo Noku yhoem moo" shoid khyoo: myonhoo: shu: lho: zhoung: jo, da uri Petru- Yaku- Yohan yo' Andre gi sam: zoo: nya: jang" moo re" lho.

⁴He: gu: ri khanham bue" loo wa zi nghoid lha" hau: gu: bue" loo wa da" uri ce: noem alhoo: again bue" thu' loo wa lha". Ngoonu" ri tid kyoo" we' ga: tid ago".

⁵Houg: lang" Yesu gi nyangnu" ri nanu" ri hang" wigi we' ashu" vhang: loo" goo" baja"- lhid' nyid ge".

⁶Byu myoo" sho' mo, gi nga" myeung voin lho: thu' lo wigi ngoo gi Meshia nghoid bye"- ga: tid yoomo byu myo" sho' ri shu" vhang: lo" byug boem wam bye.

⁷Jhang moo vi moo gyi khaid meing: byo, ludang: shau" gyo: lo uri nanu" myid amyoo goo"- hau: gu: gi bue" loo ca" nyid nghoid lug we houg: gi lo" thang ayo, gi anghoid shi".

⁸Da moug: yo' da moug: mungdain: daloem: yo' daloem:- gyi zain: go" lo boem wa. Joyoo khyikhang" moo" moo myid leig we' leig loo wa. Zoo yoid phang" khoug we' ju" loo wa. He: gu: gi yaukhe" lo da" ashid" shi" nghoid nyid. Hau khyoo: gi zoo: khu: wa ri xang shid" no shid" zi yo' du nyid.

⁹Nanu" koem gi nyang: tu: nyang: lhid' lho: nyid ge' nyangnu" gi nanu" ri mheug yu lho: tarha" yung" khyoo: ab pyam boem wa tarha" jung moo nanu" ri baid boem wa zoug: yi yo' kho: kham" yi ri-ngeibu: ludang: tid kyoo" wa shid mo ngoo yoomo nanu" gi nyangnu" da" shid khoin" moo shau" yab jo, boem wa.

¹⁰Nghoid loug we' lo" thang ayo' aju" shi ri ngeibu: ludang: ri byumyu" bain sho' mo, ri kho" kyoo" ca" wa zi nghoid.

¹¹Nanu" ri myheug lho: tarha" yung" khyoo: ab byid: pyam da" uri khasu" tid wa la" ein: shid mo amyid ci' nyid goo"- ayo, ju" lang" nanu" ri dang tid nhang: ziyo' dakhyoo" tid ge". Khasu" wim ga: ri hau: dang: joem gi nang tid dang: anghoid- gyeungshang: venyi: mo thu re" dang: nghoid wa.

¹²Houg: lang" nya: mang: gi nya: nhung" ri shid: wa khyoo: shu" ab pyam loo wa nya pho bi gi nya zoo yi ri ab pyam wa nya: zoo: yi gi nya: myhi' nya: pho ri gyi koid lho: wigi-said pyam nhang: lo boem wa.

¹³Hougsu" nga" myeing yoomo byu dangain mo, gi nanu" ri anoug angei bue" lo" wa nghoid loug we' lo" thang sho' zeung: kham, su: gi khyoid yu zi shau" wa nghoid.

¹⁴Houg: su: wigi-hau: yu" dain sho' da" aco' ajhoid zigi atoo" eung: da" jo, yoo moo to" to" ziri nanu" shau" myang lang gi (Moug soug" nghab nyid su: gi dang: se' gyoo: kang: wa) Yuda mung" moo nyid mo, gi boem tho' khyoo: phang: loo" goo" baja".

¹⁵Yhoemkhung: tho' moo nyid sugi- zi daja: ja: ri yu ci: phang: wa shid re" yhoem: khyoug: khyoo: avang loo" loo: baja".

¹⁶Yoothung" dain" moo nyid su: we-nya: byi: sheung: yu ci: wa shid mo yhoem: khyoo: adoem tau" loo loo: ja".

¹⁷Hau: bidnyid gyoo: moo-zoonu" gung nghoid mo, yo" noug" nu" shu" mo, gi gye" gyougboem wa nghoid.

¹⁸Hau: ayo' gi ngam" yo' ri anghoid wa shid mo Mangsoo ri akyu" mho' nyid ge'.

¹⁹Khasu" wim ga: ri Mangsoo phain" to" da" moug myid jo, shid" jang" mo akhid" nyid" ju" sho' abue" yu" shi" ziyo' thang" phyang" kha" nham we' abue" yu" loo wa da" yaukhe" kyi" khyeug khyoo: gi hau: bidnyid gyoo: moo bue" thu loo wam bye.

²⁰Houg: yoomo ayo' bidnyid yi ri Aseung wigi ashoung" pyam byid: nghoid rigi hang" we' yo" dei nyid wa zi anghoid. Nghoid loug we' nyang: khen: yu too" mo, shid mo hau: bidnyid joem ri nyang shoung" pyam byid: wa.

²¹Byu dayug yug gi nanu" ri yu" ge' hid: moo Meshia nyid yu" ge'-thei" thei moo Meshia nyid ga: tid nghoid loug we' aloem" goo".

²²Mhau da" Meshia joem yo' mhau' da" lapi: apyeug joem thu lo boem wa nghoid. ge bue" nghoid rigi-nyangnu" gi Mangsoo khyen: yu too" bye: mo, ri lang" yo" shu" vhang: loo" sho' ga: alhoo: again aja: ja: yo' mau" pho" moozoo" aja: ja: toin" shid' loo goo" wa.

²³Nanu" koem gi lhid' lho: nyid ge"-ngoo gi abue" loo shi" mo nanu" ri ja: khang" moo" he: gu: tid too" bye.

²⁴Hau: lho: hau: da" yaukhe" kyi" khyeug zi shau" thang: ri bid, gi no, lo" byug wa lham" moo" we' azhoo: loo: wa.

²⁵Kyi: joem we' moug: khung: mo byid, gyo" lo" byug wigi-moug: khung: mo yoem: so' joem gi noin" lo boem wa.

²⁶Houg: lang" byu nya: zoo: gi yoem: so' phung" yoeb yo' dage" jhoem: moug khyoug: moo re" ziri nyangnu" myang boem wa.

²⁷Byu nya: zoo: gi mau: lagyoo: joem we' moug: thang myid thang mougmyid myid khyoug: goin" khyo" nhang: kaid wigi nyang: khyen: yu too" bye: mo, ri cang zheung" yu re" boem wa.

²⁸Lafoem gam ri yu" lho: jhau" yu ge' Lafoem kung joem mo anyug thoid, lo wigi fu, nu" toid loo lang" gi zain vang khoem" ju" loo bye: ziri nanu" se' ago".

²⁹Houg: yo' dakhyoo" ti"- hau: gu: bue" lo ziri nanu" shau" myang lang" gi nyang: ju" ri" wa ayo, jen" jen" nghoid bye: ziri nanu" si' ge".

³⁰Akhid" nyid nyid da" byu he: yam: dangain"- ashid: shi" ri" hau: khyoo: dangain" bue" loo wa zi ri myid boin: ge'.

³¹Moug: khung: yo' myidjang: lid lo" byug nghoid loug we' nga" mungdang: gi khanham we' alid loo" wa.

³²Nghoid loug we' bidnyid ayo' ri gi Moug: khung: tho' moo nyid da" mau: lagyoo: yo' hau: nya: zoo: ve' asi nghoid da. Nya: phoo za: se nyid.

³³Hau: bidnyid yo' ayo, khanham ju" ri wa ziri nanu" asi yoomo lhid zed" lho: gyeing" gyeing: za: yu nyid ge".

³⁴Houg: su" wigi hau: khyoo: gi byu dayug nya: yhoem mo:- gyung: so" loo" wa nghoid lang" nya: join yi ri dayug yo' dayug-nya: moo" yo' nya: yhoem: moo" ri pyo: too" byid: kho' wigi khoem" zung" su: ri we' lhid' lho: zung" nyid wa shid mo amyeung" byid: kho' ziyo' du nyid.

³⁵Khasu" wim ga: ri hau: a seing: gi myenthang: zoo" la'- gamgung myen: ri la'- gyo, toin: boem: ri la'- bidxain" zoo" ri la'-khanham ju" loo wa zi nanu" ase' too" yoomo lhid lho: zung" nyid ge'.

³⁶Houg: su" nghoid yoomo yhoem: seing: gi nyeigdain tung" ju" lo uri nanu" yhoeb myed, jo, ziri alo myang wa.

³⁷Ngoo nanu" ri tid bye: zigi Nanu" dangain" mo ri tid zi nghoid lhid' lho: zung" nyid ge".