Read Lashi MARKU 15 Bible Online

MARKU 15 - Lashi bible

MARKU 15

¹Nabsoin: no" mo Khainjung zeing yi yo' Ludaid yi tarha" sara yi Yuda tarha" koung si: goin" mo mo, -hain: hain: za: byen phyoo" sham: go" nyid boem bye-hau: thang: ri Yesu ri tei" wigi Pilaid ri yhe: she: ab byid: pyam ago".

²Pilaid gi Yesu ri-nang gi Yuda kho' kham" nghoid la"» ga: myid:- Houg: lang" Yesu gi nyang ri-houg: gi nang tid zi deung ga: phoug tu"-

³Khainjung zeing yi gi-Yesu ri yooboo myoo" sho' ja: foin: to" ago".

⁴Pilaid gi nyang: ri nang ci" we' aphoug tu" rhe" Nyangnu" nang ri kha myo, gyi koid-yooboo foin: nyid ziri gyo: yu" we-ga: doem myid:.

⁵Nghoid loug we' Yesu gi ce" dang: dakhoin" we' aphoug tu" nghoid da:. Houg: yoomo Pilaid gi gye" mau" nyid.

⁶Pilaid gi lhid: kaid da" pui: khang" moo" moo mung" byu yi mho' da" thung: byu dayug yug ri nyangnu" shid mo lhoung nhang: kaid byid.

⁷Hau: yo, ri goemlu to' jang" moo byu said lho: thung: khoug: moo myeug lhoung to" da"- goemlu gyiphung: mo_ Baraba ga: su byu dayug bo nyid.

⁸Meing byu yi zeung: re" lho: Pilaid ri nyang khanham we' thung" bo ziyo' dakhyoo" doem koid wa shid mo re" mho' ago".

⁹Pilaid gi-ngoo gi Yuda khokham" ri nhang: kaid byid: wa nanu" vhoo: go" la"» ga: myid.

¹⁰Khasuwimgari-khainjung agyi moo" yi gi Yesu ri zo lho:-nya: lo, moo re" ap byid: to" ziri nyang: si' yoo mo nghoid.

¹¹Nghoid loug we' khainjung agyi moo" yi gi Byu phung: moo" ri-Yesu gung thid, Baraba ri nhang: kaid wa shid re:- Pilaid ri mho' wa shid mo mho' to" ago".

¹²Pilaid gi nyangnu" ri-hougsu" nghoid lang" gi- Yuda khokham ga: nanu" myheung too" su: ri ngoo khasu koid wa la"» ga: doem myid: da.

¹³Nyangnu" gi nyang ri pyang" zeing tho' moo baid jen" said wa-ga: doem nyho: phoug tid.

¹⁴Pilaid gi nyangnu" ri nyang: ce: noem youg: shau" too" bye: lha"» ga: tid. Nghoid loug we' nyangnu" dangain" mo, gi nyang: ri pyang" zeing moo baid jen" said pyam we"- ga: daje nyho: phau: phoug tid lo boem.

¹⁵Houg: lang" Pilaid gi byu phung: moo" ri nheug deig nhang: noug yoomo-Baraba ri nhang: kaid byid:-Yesu rigi baid lho: pyang" zeing moo baid jen" said pyam wa shid re" ab byid: kaid bye.

¹⁶Gyizoo yi gi Yesu ri Pedtori ga: myeung da: mung" zoug: pho da" tarha" yab, do' moo shu" vang lo" wigi gyiddab goin" ri khe: zheung" to" ago".

¹⁷Nyangnu" gi Yesu ri byini sheung: zheung foid lho:-zu: kyang: wigi neug to" da" bidmug ri nya: vhuloem tho' moo zhung" byid: go".

¹⁸Hau: thang: ri; nyangnu" gi Yuda yi da" khokham" we"-kang: sheing: myo, myi: baja" o"-ga juang" nyab, dang: yo' phau" myang: byid ago".

¹⁹Nyangnu" gi-jam pheing" youg yo' Yesu vhuloem moo baid lho: shikain: byi" gyoin byid ziyo' poid thug thoung lho: nyang: ri goeb pid ago".

²⁰Nyangnu " gi nyang: ri nau khyo" bain juang" pyam lang"-byini sheung: ri khyoid pyam byid: lho:-nya: byimi ri doem foid byid: boem. Hougsu" nyangnu" gi nyang ri pyang" zeing moo baid jen" said pyam wa shid re"-shu" thu' lo" boem ago".

²¹Houg: lang" nyangnu" gi siyo voogung mo re" lho:-so" lid lo" nyid da" Simun ga: su: ri-Yesu pyang" zeing ri bo vu, byid wa shid mo agyoo: gyo: vu, nhang: ago" (Simun gi Kurenni mung" byu nghoid wigi Alensandru yo' Ruphu eig youg nya: phoo nghoid).

²²Nyangnu" gi Yesu ri-Golgotha ga: da" joyoo: khyoo: shu" yhe: lo" ago" Golgotha ga: zigi vhu" khang" boug ga: jo yoo nghoid.

²³Nyangnu" gi mura yo' phoung: to" da" zabyid yhid: ri-Yesu ri byid: jhoug ago". Nghoid loug we' Yesu gi ashug nghoid da.

²⁴Houg: su" nyangnu" gi Yesu ri pyang" zeing moo baid jen" said pyam ago". Nya: byimi joem ri gi-gamboem kho' to" lho: khayug kha: boem yu wa ziri-phid, baid lho: coem gam go" ago".

²⁵Yesu ri pyang" zeing moo baid jen" pyam da" ayo, gi nab, kyoo goug: nayi koo mo nghoid bye.

²⁶Pyang" zeing tho' moo-Yuda yi da" Khokham" ga: nyang: ri yooboo foin: da" dang: ri lhid" tab to" ago".

²⁷Houg: su" wigi-nyangnu" gi nyang yo' dage" khyangtoug: eig yug ri we'-nya: lo, yo shoid khyoo: dayug lo, koung" shoid, khyoo: dayug pyang" zeing moo jen" tab to" boem.

²⁸

²⁹Khyoo: moo so" lid loo" mung" byu joem we' Yesu ri juang" ziyo'-vhu" nghui" nghue" lho" nang Mangso da" yhoem: ri phyo' pyam lho: soem" nyid gyoo: moo doem yo" koid too" wa ga: su: we".

³⁰Re" gung ri nanyang: khyoid yu lho: pyang" zeing tho' mo gyoo" loo we» ga: tid boem ago".

³¹Houg: yo' dakhyoo" ti" khainjung agyi moo" yi yo' tarha" sara yi we Yesu ri juang" lho: subi" goo" ji ri gi nyang: khyoid yu lho: nya: gung rigi nyang: ayo" khyoid yu nghoid da" ga: juang".

³²Ngoonu" shau" myang lho: loem" jeung" wa shid re" Israela khokham" Meshia gi hau" pyang" zeing mo gyoo" loo baja" ga: nyang: cang" nyang" tid go" nyid boem. Nyang: yo' dage" pyang" zeing moo bo jen" tab to" khyangtoug: eig yu we nyang: ri bo juang" nyid ago".

³³Houg: su" wigi bid gung tu: lo ayo' mo zi myenthang: soem" nayi ju" sho' damung" goin" no, seing" kyid: moug: coid coid lo" byug.

³⁴Myenthang: soem" nayi moo Yesu gi thui: moo" kaid lho: Elo-i Elo-i Lamasabagthani ga: yoid nyho: tid- hau: zigi Nga" Mangsoo we"-Nga" Mangsoo we"- ce: noem wim wigi nang ngoori she: pyam' to" lha"» ga: tid zi nghoid.

³⁵Meing: byu dayham" gi-nya thui: ri shaug" gyoo: lang"-gyoo: ge'. nyang gi Elia ri yoid nyid da: ga: tid boem.

³⁶Nyangnu" mo yu dayug gi tang" yhe: lo" lho:-gyid nyoeb soid moo phoug" adab da" zabyid yhid: joem yu lho: jam pheing" gyung: yang: vhu" moo thau" zab ci lho: Yesu ri byid: jhoug zoore" lang" nyid yu shang-Elia gi nyang ri pyang" zeing mo re" shu" yu la". ngoonu" yu" nyid boem shang ga: tid boem.

³⁷Yesu gi thui: moo" zeing yo' ngau lho: kang: gyo" loo" bye.

³⁸Houg: lang"-Noku yhoem: moo" mo yab, kyo' pain luang gi-aphyoo" mo apoem: ju" sho' eig gang gyam: gyo" loo" bye.

³⁹Yesu hougsu" kang: gyo" lo" ziri-pyang" zeing shid moo yab jo, da" gyidzoug: pho myang lang" «He: yug gi gyeung" nyang:-Mangso da" nya: zoo: nghoid» ga: tid da.

⁴⁰Myiyi: yi dayham" we-vi" vi: mo yu" nyid boem ago"- houg: bang: phung: moo Magadala Mari Yaku tang: Yoseb da" nya: myhi' Mari yo' Salome we bo ago".

⁴¹Nyang gi Galile mung" moo nyid shi" u ri nyang ri bo pang" thoug da" bang: we' nghoid. Yerusalem moo nyang: yo' dage" do lo da" myi: yi: yi myoo" sho' bang: we' bo nyid ago".

⁴²Myenthang: moug coid lo nyid uri Armamathi voobyu Yoseb ju" re"-nyang: gi Yuda Tarha" yabdo, phung: moo boo su: nghoid ziyo' phau" myang: tho su: we' dayug nghoid. Mangso mungdain ju" ri" ri" wa ziri lang" nyid su: we' dayug nghoid. Hau: nyid" gi (Dougno: Bidnyid aju" shi" da" shid nyid) soin' jen" da" bidnyid nghoid yoomo Yoseb gi agyug avoem Pilaid jang" moo vang yhe: lho:-Yesu nghain" doem: ri yhe: mho' yu da.

⁴³

⁴⁴Houg: lang" Pilaid gi Yesu kang: gyo" ziri shaug" gyoo: lang" mau" wigi nyang: gi gyizoug: phoo ri khe: yu lho: Yesu kang: gyo" zi khamyhang nghoid bye: khyoo: ri myid: yu".

⁴⁵Pilaid gi gyizoug: phoo tid kyo" ziri shaug" gyoo: lang"-Yoseb ri nya: nghin" doem: ri yu wa shid mo akhang" byid: kaid.

⁴⁶Houg: lang" Yoseb gi jid: moo" pain" du qei yu lho:-Yesu da" nghain" doem: ri yhe: phoid: khyo, yu wigi jid: moo" pain" du yo' bain thoeb lang"-lug thain: moo kyoung" to" da"-lug khyung: loeb khoug moo- yhe: dang to" lho: lug zeing" moo" daloem: wigi loeb khoem moo-lheung: jhed' to".

⁴⁷Yesu ri myhoeb da" joyoo ri-Magadala Mari yo' Yoseb nya: myhi' Mari eig yug myang ago".