Read Lashi MARKU 6 Bible Online

MARKU 6 - Lashi bible

MARKU 6

¹Houg: lang" Yesu gi nya: cang: zoo: yi yo' dage" hau: joyoo mo thu' lo" lho: nya: yhoem: moug moo tau" lo".

²Dougno: Bidnyid ju" lang" nyang gi tarha" jung moo byu myoo" sho' mo, ri jhoug" byid: nyid. nya: jhoug" myeung" ri shaug" gyoo: mo, danggain gi gyo: mau" ago". Houg: lang" nyangnu" gi He: yug gi kha: khyi, mo, hid: te" da" phajhi" ri se' la, lha".- nyang: se' yu da" phajhi" gi ce: ja" phajhi" nghoid lha". mau" pho" moo" joem ri nyang khasu" se' zei: lha".

³Nyang: gi Mari da" nya: zoo:- Yaku Yoseb Yuda yo' Simn da" nya: mang:- Lagsama phoo anghoid la". nya nham mo we' hid: moo nyhang" yo" dage" nyid mo, anghoid goo" la"» ga: nyangnu" nyang ri ngeug he: boem.

⁴Yesu nyangnu" ri tid zigiLapi: gi nya: moug- nya: bidnoem oug: zoo:- oug" khu deung khu: mo jain" lho: khyayoo: we myonhoo: bo da ga: tid.

⁵Nyang: gi noophyoo" shau" mo, meing: byudajhi dathang ri lo, ke" lho: ge loo nhang" jang" mo lid lho: hau: voo moo mau" - pho" moo" ci" we' ayo" zei: nghoid da.

⁶Nyang: gi mung" byu yi loem" jeung" myid - azheung: bo boem yoomo gye" mau" nyid. Houg: lang" Yesu gi hau: ayam aqei: mo voogung joem dangain" jang" khyoo: yhe: lho: meng: byu yi ri jhoug" byid.

⁷Hau: lho nyang gi cangzoo: daxe: eig yug ri khe: yu lho: eig yug dazoem" zoem" koid lho: nhang: kaid da- yu joem ri oung" doid loo" wa da" amyeing" a: na nyangnu" ri byid: kaid.

⁸Yesu gi nyangnu" ri gyung: khyoo: mo shid re" lham: dung: mo jain" lho: zookhoo:- thung: nghui" yo' nanu" da" byi: thung: moo ngei avoingoo".

⁹Khyid baid zhung" ge'. nghoid lug we' byimi ajain" awoin yen" goo".

¹⁰Hau: lho: nanu" ri beung" lhoem: tau yu da" voo mo yhoem: khyoo:- kha: yhoem: moo nghoid loug we' hau: voo mo doem thu' loo" yo, ju" sho' hau: yhoem: moo za: theung: nyid ge".

¹¹Davoo mo mo, gi nanu' ri beung" alhoem: tau: yu loo:- nanu" kho" kyo" da" dang ri alheom: tam" gyo; boem nghoid rigi hau: joyoo mo thu' loo" ge' houg: mo thu' lo" da" uri nyangnu" shoid mo sadi byid: zi bui" wa shid re" nanu" khoo: ovoo mo phei" lhoug: ri ko: khyo, too" kho' ge' ga: tid.

¹²Houg: lang" nyangnu" thu' yhe: lo" boem wigi mung" byu yi ri nyangnu" yooboo mo nheigloem: thed lo boem wa shid re" kho" kyo" ago".

¹³Nyangnu" gi yu myoo" sho' khaid thu' pyam byid: ziyo' noo phyoo" shau" mo, myoo" sho' ri zhainlun xu: joid byid: lho: ze: gi byid: boem ago".

¹⁴Akhid" Yesu da" klhyoo: dangain" ri Herod khokham" shau" gyo:-Khasu" wim ga: ri Yesu myeing ri khyi khang" moo" moo sube" fu" gyi: lo nyid bye. Byu dayham" gi Baptisma byid: su:- Yohan doem dei to'' lo zi nghoid ga: houg yomo mau" pho" moo" yo" zei: ga: tid nyid boem.

¹⁵Nghoid loug we' gootu: dayham" gi nyang: gi Elia nghoid ga: tid boem- dayham" gi goo" nham, pyaid mo lapi: yi yo' du da:- lapi: dayug nghoid ga: tid nyid ago".

¹⁶Herod gi hau: ziri shaug" gyoo: lang" Babtisma byid: su: Yohan doem dei to'' lo zi nghoid la"» ga: nya: vhuloem ri ngoo phyed' pyam bye: nghoidloug nyang: doem dei to'' lo la.

¹⁷Herod nyang: gi Yohan ri myheig a amyeng" byid: ziyo' myhed tei" lho: thung lhoung to". Ciwim hid: su" Ko Bod hid: su" koid' lha" ga: ri nya: mo Philib, da" yheom seing: myhi' Herodi yo' xo' yoo mo nghoid.

¹⁸Herod giBaptisma byid: su: Yohan ri myheug lhug to" thoug ru wigi re" nhoung" da" yhoem: seing: myhi, ri lo xo yu wa zigi re" shid' re" ajoo, aeung nghoid da:- ga: vigi da tid poin" nyid.

¹⁹Houg: su" nghoid yoomo herodia gi Yohan ri thoutheung anoug angei- said pyam noug nghoid loug we' nyang: gi Herod yoo mo khasu" ase' said pyam nghoid da.

²⁰Khasu" wim ga: ri Yohan gi deungmain" ziyo' gyeungshang: byu dayug nghoid ziri Herod se' lho: nyang: ri gyoug phau" ziyo' yu" goem byid: nyid. Yohan da" mungdang: shaug" gyoo: khang" moo"- nya: nheigloem: moo gyi" sho' nheigloem: amyen nghoid loug ri we' nya: mungdang: ri ngeibu: tung" za: tam" gyoo: nau nyid.

²¹Lo" thang moo Herodia gi Herod khokham" khu: lo da" bidnyid ju" lang" nyang: myid to" zi koid wa ayo, gi ri yo" yu abye:- Khasu wim ga: ri Herod gi nyang: khu: lo da" bidnyid ayo, moo Galile meing: mo vhu" she: nyid da" ludaid yi meing: zoug: yi yo' nya: gyi zoug: moo" yi ri khe: lho: zoo: pui" zeung doo" zho" nyid.

²²Hau: zoo: pui" moo Herodia da" nya: zoo: zoomyi: gi voem: zoo: pui" moo vang re" lho" re" go" nhoin, shug da- hau: ziri Herod yo' nya: beung" voo yi gi yu" ngei nyid ago". Houg su" kho' kham" gi hau: myiyi" nu" ri Nang ci who:- nang vho" ja: ci cvoo: ci - ngoo nang ri byid: wa"- ga: tid.

²³Nang ngoori mho' da" gu:- nga" mungdan agung dago" yi" ju" sho' ngoo nang ri byid: wa" ga: jham, tang: lho: tid to".

²⁴Houg: lang" myiyi nu" gi; thu' lo" lho: nya: myhi ri ngoo ce: ja" mho' wa lha" ga: lo" myid:. Nya: myhi' gi Baptisma byid: su:- Yohan vhuloem ri mho' yu we' ga: phoug tid.

²⁵Houg: lang" jang: myiyi: nu" gi hain: hain: za: khokham" jhang doem tau' vang lo" wigi Baptisma byid: da" Yohan vhuloem ri bain hto' moo ke" lho: akhid" nyang: ngoori byid wa zi vho: ga: amyeing" byed.

²⁶Khokham" -phoo gi nheigloem: gye" angei apyoo: loo: bue" lo". nghoid loug we' nya: being" vhoo yi da" shid khoin" moo nyang: jham, tang: lho: tid pyam bye: dang: khoin" yoomo myiyi: nu" ri ayo" he: pyam loo: nghoid da.

²⁷Hougsu' wi nyang: gi houg: lang" - goem loem gyizoo: dayug ri Yohan da" vhuloem ri ci: loo wa da" amyeung" yo' dage" nyang: ri nhang: kaid bye- zung" lhug su: gi phoo gi thung: khyoo: yhe: lho: Yohan da" vhuloem ri phyed pyam bye.

²⁸Hau: thang ri hau: vhuloem ri bain tho' moo ke" ci: lo wigi myiyi: nu" ri lo byid:- myiyi: nu" we' nya: myhi' ri doem byid bye.

²⁹Yohan da" cangzoo: yi gi he: khyoo: ri zheung: shau" gyo: lang" nyangnu" re" lho: nya: mang ri zheung: koid: myhoeb pyam byid: boem bye.

³⁰Lagyoo: yi gi Yesu jang" moo doem tau" lo lho: nyangnu" zei: loo bye: da" moozoo" yo' jhoug" byid: da" khyoo: joem bain sho nyang: ri lo tid kyo" ago".

³¹Meing byu yi myoo" sho' yhi: yhi: loo byeung abyid: boem yoomo Yesu yo' nya: cangzoo: yi gi voem: zoo: wa ayo' lang" ayoo" nghoid da. Houg: su" Yesu gi nya: cangzoo: yi ri nyhang" nu" myen, jham" da" yo, yoo dakhyi, khyi, moo yhe: lho: nyhang" nu" kyeing" daso' zoo: yhe: no: yu shang ga: tid.

³²Hougsu" nyangnu" gi myenjham" joyoo khyoo: lhid yo' nyangnu" za: thu lo" boem.

³³Nhgoid loug we' mung" byu yi myoo" sho' mo, gi nyangnu" thu' yhe: lo" boem ziri cang myang kaid ziyo' nyangnu" hang" nghoid ziri se' yu" kaid lang" voo khang" moo" mo mung" byu yi gyidyam khyo" gei yhe: lo" wigi Yesu yo' nya: cang: zoo: yi da" shid moo ju" nyid lang" boem bye.

³⁴Yesu lhid' khyoug: mo thu' ri" lang" nyang: gi byu phung: zeing: ri myang bye- yang zung" su: abo da" yang joem yo' du boem yoomo Yesu gi nyangnu" ri gye" nheug yu" kyeug- houg: yoomo nyang: gi nyangnu" ri myoo" sho' ja: jhoug" byid: bye.

³⁵Ayo, myang" lang" nya:Yesu da" cang: zoo: yi gi nya: jhang lo lho: He: joyoo gi siyoo nghoid ziyo' ayo, we' gye" thang: gyo" lo" nyid bye- ga: tid.

³⁶Zoo: noem daja: ja; ri qei wa shid mo nyangnu" ri aqei: ayam mo voo khyoo: yhi: wa amyeing" byid: kaid we' - ga: nyang: ri tid ago".

³⁷Yesu gi nanu" khyo" nyangnu" ri zoo: neom daja: ja: zhoo: ge' ga: nyangnu' ri tid. Houg: lang" nya: cangzoo: yi gi ngoonu" ngei eig shoo: kyab phoug" mo zooyho' yhe: qei lho: nyangnu" ri byid: zhoo" wa nang anoug la"» ga: myid: ago".

³⁸Yesu gi nanu" zooyho' khamyoo yoo" go" yhe: yu" yu" ge" ga: nyangnu" ri tid- nyangnu" yhe: sho: myang lang" zooyho' wu: loem: yo' ngoo: eig du: nghoid ga: nyang: ri tid ago".

³⁹Houg: lang" yesu gi - Meing: byu dangain" ri khe lho: vu, fu" yoo moo afoem: foem: zhung nhang wa shid re" nya: cangzoo: yi ti: tid.

⁴⁰Houg: yoomo mung" byu yi gi dafoem: moo dashoo:- dafoem: moo wu: xi: koid lho: zhoung: jen yoin" to" ago".

⁴¹Hau thang: Yesu gi zooyho' wim: loem: yo' ngoo: eig du: yu lho: moug: khung: khyoo: yu" lho: Mangso da" jeju" ri coung" byid:- nyang: gi zooyho' ri khyu, phe, yu lho: mung" byu yi ri gam byid: wa shid re" nya: cangzoo: yi ri byid: kaid. Houg mo Yesu gi ngo eig du: ri we' nyang nu' ri gam byid.

⁴²Yug khang" moo" gyi" gyi: shau" zo: boem bye.

⁴³Hau: thang: ri cangzoo: yi gi deung myed da" ngoo: yo' zooyho' ajab amoin" daxe: eig gyoin byeung" sho' koid: zheung" to".

⁴⁴Zooyho' zo: da" yug gi yi za: wim: khyeung" ri zho" kaid bye.

⁴⁵Yesu gi meing bu yi ri nhang: kaid zoore"- nya: cangzoo: yi ri we' myab, myab, lhid tho' moo do, zhoung: lho: thoem" thei: tab mo Bedsaida voo khyoo:- gu: dab loo" lang" wa shid re" nhang: kaid.

⁴⁶Mengbyu yi ri vhu: kaid thang: ri Yesu gi akyu" mho' wa shid mo boug gung daloem khyoo: do, yhe: lo".

⁴⁷Myenthang: ju" lang" cangzoo: yi zhoung: lo" da" lhid gi thoem" gung moo gu: yhe: lo" nyid boem bye- Yesu gi nyang: kyeing" tung: gung moo nyid nyid.

⁴⁸Yesu gi nya: cangzoo: yi lid agi yoomo lid toug" doin: thoung" loo wigi lhid' gu: yau: nyid ziri myang kaid lang" nabkyoo seem" nayi: yo' khyug nayi: agyoo: moo gyid dang khyo" nyangnu" jhang khyoo: so" yhe: lo" Yesu gi nyangnu" anam, khyo" so" lid loo" wa soin lo".

⁴⁹Nyangnu" gi Yesu gyid dang moo khyoo: so" nyid ziri myang lang"-soo" byoo nghoid ga: myed soin: lho: nyho: nyid boem.

⁵⁰Nyang: ri myang lang" nyangnu" gye" gyoug pyam boem bye- Houg: lang" Yesu gi dalheing: dam nyangnu" ri dang: ji wigi agyug goo" ngoo danghoid- ga: tid.

⁵¹Yesu gi nyangnu" zhoung: jo, da" lhid' khyoug: khyoo: vang yhe: thang: ri lid gi noem: loo" khare" yoomo cangzoo: yi gi atho' tid loo: sho' mau byaug boem bye.

⁵²Khasu" wim ga: ri byu wim: khyeung" ri zho" da" mau" pho" moozoo" dangkang: ri nyangnu" gyeing" nyang: ase' gyo: boem yoomo nghoid. nyangnu" nheigloem: atho' myid boin jhu: lo" boem.

⁵³Yesu yo' nya: cangzoo: yi gi thoem" thei: tab khyoo: gu: yhe: lo" boem ri Genesared moo ju" lang" yhe: theung: wigi Lhid, ri houg: moo tei" to" ago".

⁵⁴Lhid, khyoug: mo nyangnu" thu' ri" yo" su- mung" byu yi gi Yesu nghoid zire: dalheing: dam se boem.

⁵⁵Nyangnu" gi ayam aqei: mo mung" goin" jang" moo gei yhe: lo" boem wigi noo phyoo" shug mo, we' yhoeb myhu" pheung" thain: yo' zuang goin" goin"- Yesu nyid ga: shau" gyo: da" joyoo khang" moo" khyoo: dang re" lo boem ago".

⁵⁶Houg: yoomo Yesu vang yhe: da" voo zeing voo zoo: mo mo, fu" moo" khyoo: yam cang noo phyoo" shau" mo, ri re" shu" lheung: yoin" to" wigi noo mo, we' nya: byi: sheing thang: moo khyalhang" shau" tain" nhang: wa shid' re" mho' nyid ago". Nya: byi: sheing thang: moo shau' tain" yu mo, dangain" gi noophyoo" ge shang lo" byug boem da.