Read Lashi TARHA" TID POIN" 10 Bible Online

TARHA" TID POIN" 10 - Lashi bible

TARHA" TID POIN" 10

¹«Hau: thang: ASEING ngoo ri ‹Xang: shi" ziyo' du da" lug pyi" eig pyi" ri ke' phyed yu lho: hau: ziri kaid wa shid re" seig kuid: daloem: koid we'. Boem mo nga" jang" khyoo: do, loo we'.

²Houg: lang" nang du" kho' pyam da" lug pyi" eig pyi" adang moo lhid" to" da" dang: joem ri hau: lug pyi" eig pyi" tho' moo ngoo lhid" wa. Hau: thang: nang gi hau: eig pyi" ri kuid: daloem: khoug: moo kaid wa zi nghoid› ga: tid.

³«Houg: yoomo ngoo gi shug seig koid: daloem: koid lho: xang: shi" yo' du da" lug pyi" eig pyi" ri phyed yu wigi boem tho' khyoo: yu do, loo" bye:.

⁴Hau: thang: ASEING gi nanu" boem moo zeing: foem: nyid da" bidnyid moo myi: khyo" nyang: dang: tid uri nanu" ri byid: bye: da" hau: Dang: theing khoin" daxi: loem: ri xang: shi" lheing: lhid" bye: da" dang: joem yo' dakhyo" za: hau: lug pyi" eig pyi" tho' moo lhid" tab bye:. ASEING gi hau: lug pyi" eig loem: ngoo ri byid: bye:.

⁵Houg: lho: ngoo doem tau" wigi boem mo gyoo" loo bye:. Hau: thang: ASEING wigi amyeing" byid: to" ziyo' dakhyo" hau: joem ri ngoo koid da" koid: moo kaid too" bye:. Hau: zigi hau: ayo, mo houg: moo bo jo, bye:». (

⁶Israela byumyu" yigi Yakan byumyu" yi seing: da" gyid thung" joem mo to' lo" lho: Mosera khyoo: yhe: lo" ago". Houg: moo Arun shid: lo" byug wigi myhoeb shoung: pyam ago". Houg: lho: nya: yuggi: zoo: Eleaza gi khainjung khyo" nya: khoo: moo xo' nyid da:.

⁷Hau: joyoo mo zi nyangnu" gi Gudagoda khyoo: yhe: lo" lho: houg: mo zi gyid myoo: sho' yau da" Yobatha khyoo: xo' yhe: lo" ago".

⁸Hau: ayo, moo ASEING gi Levi byumyu" yiri Dang: Theing Kuid: ri yoovoin yu wa khainjung yi khyo" nyang: ri dei byid: lho: nya: myeing yo' mainkaid byid: wa shid re" khyen: nyheing to" da:. Hau: zigi akhid" ju" sho' nyangnu" da" yoovoin nghoid nyid ashi".

⁹Houg: yoomo gootu: byumyu" kung: yi yo' dakhyo" Levi byumyu" kung: yi gi mougmyid ayo" seing: yu da" khyoo: nghoid. Nanu" ASEING Mangsoo dangsoo" byid: to" ziyo' dakhyo" nyangnu" gi ASEING da" khainjung aya: ri goo" ki" lid yo" kham yu boem ago".)

¹⁰Ngoo gi xang: shi" lheing: yo' dakhyo" boem dang moo myid: xi: nyid" myid: xi: myen theing: nyid da:. ASEING gi ngoo ri dalheing: doem tam" gyoo: byid: lho: nanu" ri asaid toem" pyam wa shid re" myid veing" da:.

¹¹Hau: thang: nyang: gi nanu" phoug" phyid" yiri byid: wa ga: nyang: dangsoo" byid: to" da" mungdain: ri yhe: yo" seing: yu wa shid re" yhe: wigi nanu" ri shu" vhu" she: nyid we' ga: ngoo ri tid.

¹²«Akhid"- Israela byumyu" yi we"- nanu" ASEING Mangsoo nanu" mo ce: ja: mho' da: ein: ziri tam" gyoo: ge'. ASEING ri ngi: shab byid: lho: nyang: amyeing" byid: da" ja: dangain" ri koid nyid ge'. Nanu" emyed nheigloem: dangain" yo' Jheddab wigi dei byid: nyid ge'.

¹³Nya: tarha" dangain" ri cang nyid ge'. Nanu" akyu" shid re" akhid" nyid" hau: joem ri ngoo nanu" ri byid: nyid zi nghoid.

¹⁴Myhang: thang da" mougkhung: lang" ASEING da" zi nghoid da:. Mougmyid yo' houg: mo ja: khang" moo" ri we' nyang: seing: nyid.

¹⁵Nghoid loug we' nanu" phoug" phyid" yiri ASEING jheddab zigi gye" gyi: sheung: nyid yoomo gootu: byumyu" yi gungthid nanu" ri nyang: khyen: yu bye:. Nanu" gi nyang: khyen: yu to" da" byumyu" yi nghoid boem ashi".

¹⁶Houg: yoomo akhid" mo gi ASEING ri tam" gyo: cang yhe: wigi nheigloem: gyi: khyoo: ri theing: pyam ge'.

¹⁷Nanu" ASEING Mangsoo gi yu phara" dangain" tho' moo we' yoem: so' dangain" tho' moo we' je" gyi: myhang: su: nghoid. Nyang: gi gyi: sheung: ziyo' yoem: bo yug nghoid lho: nyang: gi phau" myang: moin: su: nghoid. Nyang: gi myonhoo: akhyen: nghoid da:. Nyang: gi khougvhoid jhungshug we' akham yu nghoid da:.

¹⁸Coug" zoo: yi yo' cougmoo" yiri tarha" nyeung veung" khyo" koid ziri nyang: si' nhang: da:. Nyang: gi ngoonu" byumyu" yi yo' dage" nyid da" tungbau byu yiri jheddab da:. Houg: lho: nyangnu" ri zoo: noem yo' byimi joem byid: da:.

¹⁹Houg: yoomo tungbau yiri jheddab myid ci: shug ge'. Ciwim gari goonham' nanu" we' Egutu mung" moo tungbau byu bue" lid lo ago".

²⁰Nanu" ASEING Mangsoo ri gyoug phoug" lho: nyang: ri kyeing" noku ge'. Nyang: moo jhug zug nyid ge'. Nanu" da" dangsoo" joem ri nya: myeing ri kyeing" lang: lho: koid ge'.

²¹Nyang: ri coung" ge'. Nyang: gi nanu" Mangsoo nghoid. Nanu" shid re" gye" mhau" pho" moo" zoo" zeing joem ri nyang: koid bye: ziri nanu" nya: myojid" yo' myang abye: go".

²²Nanu" phoug" phyid" yi Egutu mung" khyoo: yhe: lo" boem uri nyangnu" gi nyhed xi: yug za: danghoid ago". Nghoid loug we' akhid" nanu" ASEING Mangsoo gi nanu" ri moug: mo kyi: nhoo' myo: je: loo nhang: bye:.