Read Lashi TARHA" TID POIN" 19 Bible Online

TARHA" TID POIN" 19 - Lashi bible

TARHA" TID POIN" 19

¹Nanu" da" ASEING Mangsoo gi nanu" ri byid: wa mung" mo byumyu" yiri phyo' shoin pyam thang: nyangnu" da" voomoo" joem yo' yhoem: joem ri nanu" seing: yu lho: houg: moo nyid nyid thang: ri

²Hau: mung" ri soem" gang kho' ge'. Gang khang" moo" mo voomoo" daloem: yo' daloem: lei lei za: yo" myhi: ju" wa khyo" koid ge'. Houg: lho: byu dayug yug said da" yug gi goug" wa shid re" hau: voomoo" joem mo daloem: moo yo" phang: goug" wa zi nghoid.

⁴Byu dayug yug gi nya: gyivoo anghoid yug ri pa: yhi: akoid loza: zang" said pyam nghoid rigi nyang: gi he: voomoo" joem mo davoo voo khyoo: phang: khau: loid lo" lho: goem loem nyid wa zi nghoid.

⁵Dang: tu'- byu eig yug gi thang" shoo: wa shid re" siyoo khyoo: dage" yhe: wigi nya: eig yug mo dayug gi seig thug nyid uri voozung: zhug mo voozung: doid thu re" lho: goo" yug ri zang" said pyam nghoid rigi nyang: gi hau: voomoo" soem" loem: mo daloem: khyoo: yo" tang" phang: wigi goem loem nyid wa zi nghoid.

⁶Voomoo" daloem: kyeing" jo, wigi sung ve: nghoid rigi byu said moo" ri latoo: phug wa shid re" yoovoin bo da" bidnoem dayug yug gi cang khaid wigi yooboo ayo" yug ri nya: neig yo: myid yo' zang" said pyam wa. Gyeing" ga: rigi hau: yug gi nya: da" gyivoo anghoid yug ri pa: yhi: akoid loo za: zang" said yug nghoid da:.

⁷Hid: su" wigi voomoo" soem" loem: ri ngoo kho' too" nhang: zi nghoid.

⁸«Nanu" ASEING Mangsoo gi nanu" phoug" phyid" yiri tid to" ziyo' dakhyoo" ti" nanu" da" mung" ri ci" byid: wigi nyang: wigi dangsoo" byid: to" da" mung" dangain" nanu" ri byid: da" uri

⁹nanu" gi gootu: voomoo" soem" loem: doem khyen: ca' wa. (Akhid" nyid" ngo wigi nanu" ri amyeing" byid: to" zi ja: khang" moo" ri nanu" cang koid wigi nanu" da" ASEING Mangsoo ri jheddab ziyo' nya: da" jhoug" shid dang: khyo" dei nyid go" nghoid rigi nyang: gi nanu" ri he: mung" ri byid: wa zi nghoid.)

¹⁰ASEING gi nanu" ri byid: wa da" mung" moo yooboo ayo" da" byu yi ashid: wa shid re" we' nyangnu" ri said pyam da" yooboo nanu" adang moo: aju" wa shid re" he: ziri cang koid ge'.

¹¹«Nghoid loug we' byu dayug gi nya: gyivoo ri pa: yhi: koid wigi sam: za: said pyam lho: goem loem yu wa shid re" hau: voomoo" joem cang phang: yhe: ein: shang

¹²He: moo" moo nya: da" voo mo vhujhung: yigi nyang: ri khe: yu lho: byu said moo" yo' sen: wigi latoo: phug wa yoovoin bo da" bidnoem yi lo, khyoo: lhid: byid: ca" zi nghoid. Houg: lang" nyang: ri yo" said pyam wa zi nghoid.

¹³Nyang: ri nheig khyeug khyoo: aci: shug goo". Nanu" dangain" bang: nyeing" za: yo" nyid wa shid re" he: byu said bang: ri Israela mo yu pyam ge'.

¹⁴Nanu" ASEING Mangso wigi nanu" ri byid: wa shid re" goonham' mo zhug to" da" mougmyid mo nanu" yhoem: kyoo" cang" da" moug: khyoo" zeing ri ashu" pyam byid: goo".

¹⁵«Byu dayug ri yau: yooboo dam byid: wa shid re" sagse: dayug za: atham:. Byu dayug ri yooboo zhug wa shid re" atham: thang sagse: eig yug nghoid ca" da:.

¹⁶Byu dayug gi gootu: dayug ri anghoid khyo" yooboo zhug wa yoem: kaid nghoid rigi

¹⁷Eig yug goin" daloem: kyeing" da" noku joyoo khyoo: yhe: wigi khainjung yi yo' rung" moo" voin eung: da" tarha" agyi yi dang: phyed ziri kham: yu ca" da:.

¹⁸Tarha" agyi yigi hau: moo" zoo" ri jid" jid" nug nug myid: gyo: yu" wigi hau: yug gi nya: Israela byencang" ri ajo khyo" sagse: kham nghoid rigi

¹⁹Yooboo zhug shoug" su: kham zoo: ca" da" yooboo dam nyang: ri byid: ca" da:. Nanu" gi hid: su" khyo" wigi akhyeing" ashoeb mo" ri to" pyam ca" da:.

²⁰Hau: thang: gootu: yugkhang" moo" gi bue" lo ziri shau" gyo: wigi gyoug loo goo" wa. Houg: lang" houg: te" da" akhyeing" ashoeb moo" ri khanham we' hang" adoem koid loo wa.

²¹Houg: yhang: te" moo" moo nheig ayu" khyeug goo". Yooboo dam byid: zigi kangso' shid re" kangso'- myojid" shid re" myojid"- zei shid re" zei- lo, shid re" lo,- khyid: shid re" khyid: nghoid ca" da:.