Read Lashi ACTS 1 Bible Online

ACTS 1 - Lashi bible

ACTS 1

¹Jheddab da" Thophilu we' Yesu gi nya: moozoo" zei: shed" da" bidnyid mo wigi-Nyang: ri moug: khung: khyoo: to' yu" da" bidnyid moo ju" sho-zei: lo ziyo' jhoug" byid: lo da" khyoo: dangain"- ngoo xang: shed" lhid" kaid' jang" moo boo bye.

²Yesu gi moug: khung: khyoo: to' yu zi ashug" shi" uri nya: lagyoo: yi ga: nyang: khyen: yu too" mo, ri-Nyang: gi gyeungshang: da" Venyi khyo" wigi pyein: dang: joem ri byid: too" khari" bye.

³Nyang: shid: kham: thang: ri myed: xi: nyid" agyoo: moo nyang: gi myoo" sho' lheing: lagyoo: yi jang" moo nya: gung ri cang toin" shid lho: nyang: gi dadei nyid khyoo: ri loem' ge" da" sagsi: myoo" sho' yug ri toin" shid too" bye. Lagyoo: yi gi yesu ri shau myang boem wigi-Nyang: gi nyangnu" ri Mangso mungdain khyoo: tid kyo.

⁴Nyang: nu" gi dage" zeung: lo boem uri Yesu gi lagyoo: yi ri Yerusalem voomoo" mo a thu loo" goo- nanu" ri tid kyo" too" gu nghoid- nga" phoo Mangsoo byid: to" jhung: shug ri dalang" nyid ge'.

⁵Yohan gi gyid yo' Babtisma byid: bye- nghoid loug we' khamyhoo, nyid" akyoo: ri nanu" gi gyeungshang: venyi wigi babtisma kham byid: zi shau" goo" wa nghoid.

⁶Yesu gi lagyoo: yi yo' dage" zeung: phoung nyid da" uri nyangnu" gi Yesu ri Aseing: we" Israela byumyu" yi ri he: ayo moo hau: mungdain ri doem toug" byid: wa la"» ga: myed: ago".

⁷Yesu gi nyangnu" ri-Nga" pho, da" myonhoo: phung" yoeb, yo' mhe, phyed' to" da" ayo, ri nanu" gi asi noo" ga: tid.

⁸Nghoid loug we' nanu" da" a tho' moo gyeungshang: Venyi ju" gyoo" loo lang" gi-nanu" gi yoem vhoo" pyeung byid: zi shau" wigi Yerusalem voomoo" mo zi Yuda meing: goin- Samari meing: yo' moug: myed thang sho' moo nga" sagsi: yi bue" loo" goo" wa-ga: tid.

⁹Hid: su" ga: bain tid thang: ri lagyoo: yi yu" go" nyid uri nyang- Yesu gi moug: khung: khyoo: to' yu zi shau" bye- hau: thang: ri jhoem" moug" thei" gi nyang: nu da" myo, shid' ti: mo-Nyang: ri nghoeb ci: lho: do, lo" byug bye.

¹⁰Lagyoo: yi gi Yesu do, lo" nyid uri moug: khung: khyoo: nghang yu" go" nyid ri-byimi phyu: void ci: da" byu eig yug- nyed' dain tung" nyangnu" nam" moo re" yab, kaid' lho:

¹¹Galile byu yi we"- nanu" ciwim wigi moug: khung: khyoo: nghang yu" nyid go" la". Nanu" shid khoin" mo moug: khung: khyoo: to' yu shau" da" hau: Yesu gi-moug: khung: khyoo: do, lo" ziri nanu" myang ziyo' dakhyoo" ti-houg: su" nyang: doem gyoo" ri" wa zi nghoid- ga: tid kyo.

¹²Hau: thang: ri lagyoo: yi gi Yerusalem voomoo" yo' khyoo: main: agung kho' koo: vi: go" da- Zhainlun boem mo wigi Yerusalem voomoo" khyoo: doem lo" boem.

¹³Nyangnu" gi voomoo" khoug: moo vang lo" lho: nyangnu" lhoung nyid da" yhoem: tho' pyam: khyoo: do, lo" ago". Nyang: nu" gi Petru Yaku Ander-philib thoma Batholume- Mathe Alphe nya: zoo: Yaku myu" jhed nheugloem: gyi: da" Simun yo' Yaku nya: zoo: Yuda zheung: nghoid ago".

¹⁴Nyangnu" gi Yesu nya: myhi' Mari yo" we-goo tu: myi: myi: yi yo" we' Yesu da" nya: no, yo" we' atheing: loo: foem: phoung akyu" mho' lho: danyid nyid boem.

¹⁵Hau: thang: atoung" myang" ri loem" mo, dasho: eig xi: yug koo- zeung: foem: phoung nyid boem ago, Houg: lang" Petru gi to' yab, lho: wigi

¹⁶Nga" Mang: nhung" yi we-Yesu ri myheug mo, ri khyoo: shu" shed su- Yuda yo' sen: lho: wigi gyeungshang: da" Venyi khyo" David da" nhoid mo tid to" da-Jhoem: mungdang: gi zung: loo wa zi nghoid bye.

¹⁷Khasu" wimgari- Yuda gi ngoonu" yo' dage" moo" zei: wa shid re" khyen: too" su: nghoid yoomo nyang: gi ngoonu" phung moo boo su: nghoid nyid. (

¹⁸Nyang: gi akhyeung" lo, moo" khyo" yo" da" ngei wigi myed jang: dacu, qei yu lho: houg: moo byid gyo" shid: pyam bye. Nya: voem: doug: we' boug dang: lo" wigi u: joem dangain" boug sain" pyam bye ga: tid kyo.

¹⁹Yerusalem voomoo" moo nyid mo, dangain- hau: khyoo: ri shau" gyo: boem bye- Hougsu" wi nyangnu" gi hau: nya: da" myed jang: cu' ri nyangnu" da" myeing" khyo" Akeladama ga: myheung to" ago- Akeladama ga: tid zigi suid" moug: myed ga: zi nghoid.)

²⁰Khasu" wimgari- Coung" nghei pug moo nya: yhoem: gi yhoem: koem: bue" lo" wigi houg: moo hang" we' anyid loo: goo" baja-ga: we' hau: lho: nya: da" aya: ri we' goo tu: byu dayug yu pyam byid: baja" ga: wigi we' lhid" to-ga: tid.

²¹Hau: yug gi Yohan Babtisma mungdang: kho" kyo" ayo, mo shed" lho: Yesu ngoonu" da" shid khoin" mo moug: khung: khyoo: shu" do, lo" bidnyid ju" sho' Yesu gi ngoonu" yo' dage" so" yen" da" ayo, bain sho' ngoonu" da" phung moo boo su: dayug nghoid da-

²³Hougsu" wigi nyangnu" Yustu ga: myeung zoo: we' yoo" su--- Barsaba ga: su: Yoseb yo' Ma Thia ga: su: mo dayug yug ri doem khen: yu wa dang: fang kaid' ago".

²⁴Hau: thang: ri nyangnu" akyu" mho' zigi Aseing: we" Nang gi yug khang" mo" da" nheigloem: ri sisu: nghoid- Yuda gi nyang: yo' sen: da" joyoo khyoo: yhe: loo" bye.

²⁵Too" kho' da" nya: jo yoo moo lagyoo: dayug khyo" moo" voin vu, wa shid mo-he: eig yug mo kha: yug ri nang khyen: yu bye: khyoo: ri ngoonu" ri toin" shid' byid: we-ga: mho' nyid ago".

²⁶Houg: lang" nyangnu" gi-hau eig yug mo khyen: yu wa shid re" me" coem kaid' ago- Mathia gi me" ung: yoomo lagyoo: daxe: dayoug phung: moo bo kaid' loung: yu boem bye.