Read Lashi ACTS 12 Bible Online

ACTS 12 - Lashi bible

ACTS 12

¹Hau: da" ayo, mo wigi Herod khokham" gi phung byu yi dayham" ri shen" yhen shid" loo bye.

²Nyang: gi Yohan da" nya: mang: Yaku ri sham: wigi jab, said' pyam' nhang: bye.

³Houg: su" koid ziri Yuda byumyu" yi gi zheung: yu" ngei da" khyoo: ri Herod Khokham" myang lang" gi Nyang: gi Petru ri we' myheug yu bye. (Hiddsu" koid zigi doo cid" akaid' da" zooyho' zo: pui" ayo, moo nghoid)

⁴Herod gi Petru ri bain myheug yu thang: ri thung: khoug: moo lhoung to" lho: wigi gyizoo: myed: yug yug bo da" gyi, myed: phung: ri zheung: zung" nhang: to. Herod gi Petru ri lhai: kaid' da" pui" bei: lo" thang: ri-meing: byu yi shid' khoin" moo dang: phyed' wa ga: soin' to.

⁵Houg: yoomo Petru gi thung: khoug: moo loung" jo,- nghoid loug we' phung byu yi gi Petru tru da" shid mo Mangsoo ri yoem: kaid' lho: akyu" mho' nyid boem ago".

⁶Herod gi Petru ri mung" byu yi da" shid khoin" khyoo: shu" thu' loo" wa da- xang: shed" myen" ri Petru gi goem loem gyizoo: eig youg da" agyoo: moo yhoeb, myhed' jo. Nyang: ri jang coo" eig khaid yo' tei" to" ago- thung: khoem" duang: moo we' goem loem gyizoo: yi zung" nyid boem bye.

⁷Mangso da" moug: lagyoo: dayug gi nyid' dain' tung" Petru da" nam, moo re" yab, kaid' lho: thung: yhoem: goin" jang" moo bang jo. Hau: moug: lagyoo: gi Petru ri lo, sain: moo zei: ci: lho: phyed' phyed' too we' ga: nhau". Houg: lang" Petru da" lo, mo jangcoo" doem' gi beug sain" gyo" pyam' bye.

⁸Hau: thang: ri moug: lagyoo: gi phyid" cu" cu" lho: khyid: baid' baid' we' ga: tid. Petru we' moug: lagyoo: tid ziyo' dakhyoo" koid bye- Houg: lang" moug: lagyoo: gi re" da" byisheing: koid: void, lho: nga" thang: moo cang we' ga: tid.

⁹Petru gi thung: yab, mo thu lo" lho: nya: thang: moo cang yhe: lo- Nghoid loug we' Petru gi moug: lagyoo: koid nyid da" moozoo" gi gi" gi, nyang: nghoid ga: ziri nyang: asi shi" nghoid da.

¹⁰Nya: eig yug gi zung" nyid da" joyoo- xang: shed" loem: yo' eig loem: ri lid thu' lo" wigi voogung khyoo: thu' lo" da" joto' khoem" duang: moo" moo ju" yhe: lo ago". Hau: khoem" duang: we' nyang: nyang: za: bang" loo" khare". nya: eig yug gi houg: khyo" thu' lo" lho: fu" moo" khyoo: dakhaid moo so" lo" nyid da" uri hau: moug: lagyoo: gi nyid' dain' tung" Petru jang" mo gang: lo" byug bye.

¹¹Hau: thang: ri Petru gi Nyang: moo bue" lo da" khyoo: ri boin: lo wigi Mangsoo gi nya: moug: lagyoo: ri nhang: kaid' lho-Herod da" lo, mo we' - Yuda byumyu" yi myed, lang" nyid ja- dangain" jang" mo we' ngoori khyoid yu bye: khyoo: ri akhid" ngoo nyang: si' bye- ga: tid.

¹²Nyang: moo khasu" bue" lid lo ziri nyeing" za: boin: loo lang" Nyang: gi Yohan Marku da" nya: myhi' yhoem: moo vang yhe: lo. Hau: yhoem: moo gi byu, myoo" sho' mo, - zeung: foem: lho: akyu" mho' phung koid nyid bom.

¹³Petru gi tung: goung shoid mo khoem" moo lo" ko' kaid- houg: lang" ludi ga: da" dei dei myi: vhukung: zoo: gi khoem" phang byid: wa shid mo thu' yhe: lo.

¹⁴Nyang: gi Petru thui: ri shaug" gyoo: yoomo gye" gyo: gau, yoomo khoem" shigi aphang byid: loo: za: yhoem: khoug: khyoo: doem, tau" gei vang lo" lho: tung: goung shoid moo Petru yab, jo, ga: lo" tid kyo".

¹⁵Yhoem: khoug: moo nyid mo, gi nang gi foin" abye:- ga: nyang: ri zheung: tid boem. Nghoid loug we' nyang: gi deing" deing nyang: nghoid- ga: zhug zhug da tid nyid. Houg: su" nyangnu" tid zigi hau: zigi Petru ri zung" lhug da" moug: lagyoo: danghoid wa ga: tid ago".

¹⁶Petru gi atheing: loo: khoem" ri dako' nyid lo" thang moo nyangnu" gi khoem" yhe: phang kaid' wigi nyangnu" gi Petru ri myang lang" mau" hang" to" ago".

¹⁷Petru gi nyangnu" ri sam" zoo: nyid boem wa shid re" - lo. tu, tu, wigi Aseing: gi nyang: ri thung: khoug: mo khasu" shu" thu' lo da" khyoo: nyangnu" ri tid kyo. Houg: lang" Petru gi he: khyoo: ri Yaku yo' loem" jeing" bang: gooji yi ri we' - tid kyoo" ge" - ga: tid lho: houg: mo, wigi goo" khyoo: so" lo.

¹⁸Nab, kyoo myo, myang loo lang" thung: yhoem: zung" da" goem, loem, gyizoo: yi gi Petru khakhyoo: lo" byug bye: lha"» ga: mothei" mo, yug bue" nyid boem bye.

¹⁹Herod khokham" gi Petru ri shoo: wa shid mo amyeing" khyo' kaid' bye. Nghoid loug we' nyangnu" gi Petru ri ashau" shoo: loo: nghoid ago- houg: yoomo Herod khokham" gi goem, loem gyizoo: yi ri myed: ca: yu" lho: nyangnu" ri said' pyam' wa da" amyeing" khyo' kaid' bye. Hau: thang: ri Herod khokham" gi Yuda mung" mo thu' lo" lho: Kesare voogung moo dayo, daboin: yhe: nyid nyid.

²⁰Herod khokham" gi Turu yo' Sidun voobyu yi gi gye" nheig yo. Houg: yoomo hau: eig voo, mo bang: gi daphung: za: koid lho: khokham" pho, jhang khyoo: yhe: lo" ago- Nyang: nu" gi Khokham" khoo" goin" ri vhoeb, su- Blastu gi nyangnu" ri, pang" yu wa shid re" xang: shed" yhe: mho' boem ago". hau: thang: ri nyangnu" gi khokham" pho, jhang khyoo: vang yhe: lho: ngei pyo: yug yo khyoo: ri mho' ago". khasu" wim gari nyangnu" da" mungdain gi Herod Khokham" mungdain mo zookhoo: ri shau" yu nyid boem yoomo nghoid ago".

²¹Herod Khokham" gi deing go" to" da" bidnyid moo nya: da" Khokham" byimi ri void, ci: lho: khokham" tang myhang: moo zhoung: jo, wigi mung" byu yi ri dang: tid nyid.

²²Houg: lang" mung" byu yi gi he: dang: thui: gi xangsu: byu yi da" dang: thui: anghoid- Mangsoo tid nyid da" thui: danghoid- ga: nyho: nyid boem ago".

²³Herod khokham" gi Mangso myonhoo: ri atu: to' byid: yoomo houg: jang: nyang: Aseung: da" moug: lagyoo: gi nyang: ri yoobo dam kaid' byid: wigi zain' joem wigi zo: said' pyam.

²⁴Mangso da" mungdang: gi je" byo, sain" lo" wigi loem" jeung" da" byu yi gi je" myo: tham: lo nyid boem bye.

²⁵Sholu yo' Barnaba eig yug gi nya: eig youg da" moozoo" ri bain, zei: lang" Yohan Marku ri shu" lho: Yerusalem voomoo" mo doem, phang: thu' lo" ago".