Read Lashi ACTS 5 Bible Online

ACTS 5 - Lashi bible

ACTS 5

¹Anani ga: da" byu dayug yo' nya: yhoem: seing: myhi' Saphira gi nya: eig yug seung: da" yoo moug: myed dayham" ri oung" pyam ago".

²Nghoid loug we' nya: Yhoem: seing: myhi' myed veung" ziyo' dakhyoo" ti" ngei dayham" ri nya: eig youg shid re" myho, yhoem" to" lho: wigi-deung da" ngei ri lagyoo: yi da" lo, khoug: moo yhe: ab, byid: da.

³Petru tid zigi Anani we" nang gi yoo moug: myed ri oung" pyam' da" ngei- dayham" ri myho, yhoem" to" lho: gyeungshang: da" Venyi ri mhau' pyam bye: da- Re" gung du: ce: noem koid wigi zha: dain ri vhoeb, khang" nhang: lha".

⁴Hau: moug: gi a- ung" shi" gu: we' nang seing: shi" - oung" pyam' thang: ri we' hau: yoo moug: myed phoug" ngei we' Re' ngei nghoid. Houg: su" nghoid ri ciwim wigi hougsu" koid wa shid re myed phyed' pyam' lha". Nang gi byu ri mhau' zi anghoid- Mangsoo ri mhau' zi nghoid- ga: nyang: ri tid.

⁵Anani gi he: da" dang: ri shaug" gyoo: yo' dage" dalheing: dam shid: leung loo" khare" khyoo: ri shaug" gyoo: mo, gi gye" gyo: gyoug nyid boem ago".

⁶Zoolu: yi re" lho: - Anani manggung ri pain" du wigi thoeb, lho: nghi: khyoo: dang thu' lo" boem wigi yhe: myhoeb, pyam' boem ago".

⁷Nayi: ayo, soem" loem: koo: kyo: ri Anani da" yhoem: seing:" nyhi, gi cibue" nyid ziri asi loo: za: ju" vang re.

⁸Houg: lang" Petru gi-re" eig youg da" yoo moug: myed oung" da" ngei dangain" he: gu: za: nghoid bye: la". ngoori tid kyoo" we' ga: nyang: ri lhoem: myed, Houg: lang" nyang: tid zigi" Nghoid bye ngei dangain" "Hau: gu: nghoid bye ga: phoug tu" da.

⁹Houg: yoomo Petru gi-re" yhoem: seing: phoo yo' re" eig yug gi Mangso Venyi ri ca: yu" wa shid re" ciyoomo wigi nheigloem: sham: shoin" lho: myed phyed' go" lha". Re" yhoem: seing: phoo ri yhe: dang nynhoeb, pyam' bang: gi akhid" khoem" duang: nam, moo ju" lo abye: go- nyangnu" gi nang ri we' tung: gung khyoo: shau" dang thu' lo" boem wa nghoid.

¹⁰Hougsu" tid hau: myiyi: myhi, gi Petru da" khyid: yang: moo shid: leung loo" bye. Zoolu: yi ju" vang lo ri hau: myiyi: myhi, shid: leung jo, ziri lo zheung: myang wigi nyangnu" gi hau: myiyi: myhi, da" manggung ri tung: gung khyoo: dang thu' lo" lho: yhoem: seing: pho, da" anam, moo yhe: zheung: myhoeb pyam ago".

¹¹Phung goin" bang: yo' gootu: dangain" bang: hau: khyoo: ri zheung: shau" gyo: lo" boem wigi gye" gyoug nyid boem bye.

¹²Lagyoo: yi da" lo, khyo" wigi mung" byu yi da" mo, phung: moo mau" pho" moozoo" joem ri myoo" sho' zei: shug ago". Loem" jeing" bang: dangain" mo, gi Sholumon mug byam" khoug: moo dage" za: foem: phoung nyid boem ago".

¹³Meing: byu yi gi nyangnu" ri gye" coung" dang: sang: boem nghoid loug we' gooji gi hang" we' nyangnu" ri avoem" zoem" nghoid ago".

¹⁴Nghoid loug we' Mangsoo ri loem khau: da" yug gi myiyi: yi gi hau: phung: moo daje, loung: lo nyid boem.

¹⁵Petru lid lo" da" uri noo, phyoo" shau" bang: dayham" gi nya: yoeb, byoo, moo khyalhang" shau" zang" baja" ga- noo, phyoo" shau" mo, ri fu" moo" khyoo: dang thu' re" lho: yhoeb, yoo tho' moo pheing" thain: tho' moo re" lhang: to" boem ago". Nyang: nu" houg: su" koid boem zigi lagyoo: yi da" ge, lo, moo" ashi" joem nghoid.

¹⁶Yerusalem voomoo" ayam, aqei: mo da" mung" byu yi we' noo phyoo" shau" mo, yo' akhyeung" da" yu vang ci: mo, ri shu" re" boem ago". Houg: bang: dangain" mo, gi noo phyoo" ge, shang lo" byug boem bye.

¹⁷Houg: lang" khainjung zeing yo' nya: byen cang" yi nghoid da- Saduke phung bang: gi lagyoo: yi ri gye" anoug angei zi bue" lo wigi nyangnu" gi lagyoo: yi ri myheug wa khyo" soin' lo boem bye.

¹⁸Houg: yoomo nyangnu" gi lagyoo: yi ri zheung: myheug yu lho: thung: khoug: moo lhoung to" abye: go.

¹⁹Nghoid loug we' hau: da" myen" ri Aseing: da" moug: lagyoo: dayug gi thung: khoem" duang: joem ri phang pyam' byid: boem lho: lagyoo: yi ri nghe: shoid khyoo: shu" thu' lo" wigi

²⁰Nanu" yhe: ge' -noku yhoem: moo yhe: yab, jo, lho-he: kangso' dei khyoo: dangain" ri mung" byu yi ri tid kyoo" ge" ga: nyangnu" ri tid kaid da.

²¹Lagyoo: yi we' tid da" dang: ri tam" gyoo: yoomo nyangnu" gi nabsoin: myo myang yid' moo noku yhoem: moo" khoug: moo vang yhe: lho: jhoug" byid: nyid boem ago". Hau: khainjung zeing gi nya: byen, cang" yi yo' Yuda tarha" yabdo zoeb phung koid wa shid re" Yuda ludaid' Vhu" jhung: yi ri khe: zheung" to" ago". Hau: thang: ri nyangnu" gi lagyoo: yi ri nyangnu" da" shid' khoin" moo shu" vang ri" wa amyeing" byid: lho: thung: yhoem: mo, shu" nhang: kaid ago".

²²Nghoid loug we' - goemloem gyizoug: mo" jang" moo ju" yhe: lo boem uri nyangnu" gi thung: khoug: mo, lagyoo: yi ri ayhe: myang boem nghoid da- houg: lang" tarha" yab, do, phung: khyoo: doem zheung: tau" lo wigi

²³Ngoonu" thung: moo ju" yhe: ri thung: khoem" joem gi teing teing za: myhed" to" ziyo' - zung" mo, we' khoem" duang: moo nyeing" za: zung" nyid boem ziri yhe: myang. Nghoid loug we' ngoonu" khoem" yhe: phang kaid' ri akhoug: moo hang" ri we' amyang loo- ga: ludang: ri lo doem tid kyo" boem.

²⁴khainjung agyi moo"' yi yo' noku yhoem: moo" mo goem loem gyizo yi gi he: da" ludang: ri shaug" gyoo: lang" he" lagyoo: yi gi ce: noem bue" boem bye: lha"» ga: gye" mau" nyid boem bye.

²⁵Hau: thang: ri byu dayug ju" re" lho" gyo: yu" ge' -nanu" thung: moo lhoung to" da" byu yi gi noku yhoem: moo" khoug: moo- mung" byu yi ri dajhoug" byid: nyid ago" - ga: nyangnu" ri tid kyo.

²⁶Houg: lang" noku yhoem: moo" mo, goemloem zoug: phoo gi nya: gyizoo: yi yo' thu' lo" lho: lagyoo: yi ri yhe: doem shu" tau" lo. Nghoid loug we' mung" byu yi gi nyangnu" ri lug zeung du" wa ziri gyoug boem yoomo lagyoo: yi ri anoug akhyoid' akoid nghoid ago".

²⁷Nyang: nu" gi lagyoo: yi ri shu" vang re" lho: wigi tarha" yab, do, phung: bang: da" shid khoin" moo yab, jo, nhang: ago". khainjung agyi moo" gi lagyoo: yi ri dang: myed: nyid.

²⁸Nyang: gi hau: youg myeing ri lang: lho-ci" we' ajhoug" byed: wa shid re" nanu" ri ngoonu" gi jhug jhug nyang: amyeing" byid: too" bye- nghoid loug we' yu" ge'- nanu" gi Yerusalem davoo goin" jang" moo nanu" da" jhau" mho' khyoo: za: byeung" shoin: loo" sho' koid to" abye: go- houg: yoomo nanu" gi nyang: shid: da" xang: gyoug: ri ngoonu" da" atho' moo foin: nau boem ago- ga: lagyoo: yi ri tid.

²⁹Petru yo' lagyoo: yi gi ngoonu" gi byu yi da" jhoug" myeung" tho' moo Mangso jhoug" myeing" ri je" tam" gyoo: ca" ga: phoug tu" ago".

³⁰Ngoonu" phoug" phyid" yi da" Mangsoo gi nanu" wigi pyang" zeing tho' moo baid' jen" said' pyam da" Yesu ri shid: jang" mo doem dei to'' loo nhang: bye.

³¹Israela byumyu" yi we' nheigloem: thid' wa ziyo' nyangnu" da" yooboo ri khyoid pyam byid: zi shau" wa shid mo akhyoo" bo nyheung byid: wa shid re" Mangsoo gi nyang: ri khyoid yu su: yo' vhu" jhung: khyo" nya: lo yo, shoid' moo tu: to' to" abye:.

³²Hau: da" khyoo: joem yo' sen: lho: wigi nyangnu" gi sagsi: yi nyang: nghoid boem bye- Mangso mungdang: phau" cang mo, ri byid: da- Mangso jhung: shug gyeungshang: Venyi gi sagsi: nghoid- ga: phoug tu" ago".

³³Tarha" yab, do' phung: mo, gi he: dang: ri shaug" gyoo: lang" gi nheig gye" gyo: yo: boem wigi nyangnu" gi lagyoo: yi ri said pyam' myau" boem abye: go.

³⁴Nghoid loug we' nyangnu" mo mung" byu yi dangain" mo, wigi coem, phau" myang: nyid da- tarha" sara Gamale ga: su: pharishe" dayug gi tarha" yab, do' phung: mo, bo, to' yab, re" lho:

³⁵Lagyoo: yi ri nghe: shoid khyoo: shu" thu' loo" wa amyeing" byid: kaid lho: wigi Tarha" yab, do' phung: mo bang: ri Israela mang: nhung" yi we" hid: bang: ri nanu" ce" noem koid wa nghoid loug we' - lhid' lho: dakoi ge'.

³⁶Khasu" wim la"» ga: ri shid' phyang" we' a toung" myang" shi" ri Thuda ga: su: gi nya: gung ri vhu" jhung: dayug nghoid ga: tid lho: wigi. thu' lo" da" uri Byu myed: shoo: koo: nya: thang: moo cang lo" boem ago- Nghoid loug we' nyang: ri said' pyam' thang: rigi nya: thang: cang mo, gi dayug dagang khyoo: byo, sain" lo" byug boem wigi nya: moozoo" we' bei: lo" byug bye.

³⁷Hau: thang: ri gam gung zhayen" ri koid: yu da" ayo, moo Galile byu Yuda ga: su: doem thu' lo wigi mung" byu yi ri nya: thang: moo cang boem wa shid re" shu" pe: bye. Nghoid loug we' nyang: ri said pyam thang: rigi nya: thang: cang bang: we' dayug dagang byo sain" lo" byug boem bye.

³⁸Houg: yoomo nanu" ri ngoo tid ba- hid: bang: ri nanu" aye" ayu goo- nyangnu" ri sam" zoo: dayu" too" ge' - nyangnu" soin: to" ziyo' koid da" moozoo" gi xang: su: byu yi mo pe: shid" zi nghoid rigi hau: zigi bei: lo" byug wa zi za: danghoid.

³⁹Nghoid loug we' hau: gu: gi Mangso jang" mo nghoid rigi nanu" gi nyangnu" ri ayo" ge, oung: pyam boem wa nanu" gi Mangsoo ri gyi koid zi danghoid goo" wa ga: tid. Yuda tarha" yab, do' phung: bang: gi Gamale phajhi" byid: dang: ri tam" gyo: lhoem: yu boem ago".

⁴⁰Nyang: nu" gi lagyoo: ri khe: fang yu lho: nyangnu" ri baid' lho: wigi Yesu da" myeing ri lang: lho: khanham we' akho" kyoo" loo: goo" ga: nyangnu" ri amyeing" byid: kaid' ago". Hau: thang: rigi nyangnu" gi lagyoo: yi ri nhang: kaid' abye: da.

⁴¹Lagyoo: yi gi Yesu da" myeing yoomo sho' thu' khyoo: thoung" shau" zigi kham' zoo: moin: da" khyoo: nghoid ga: - Mangsoo gi nyangnu" ri soin: yu byid: bye: yoomo nyangnu" gi ngei pyo: ziyo' Yuda tarha" yab, do mo thu lo" boem bye.

⁴²nyid" Khang" moo" noku yhoem: moo" moo we' - mung" byu yi jang" moo we' Yesu gi Meshia nghoid ga: da" khyoo: ngeibu: ludang: seig ri xo' lho: jhau" mho' kho" kyo" nyid boem ago".