Read Lashi Roma 12 Bible Online

Roma 12 - Lashi bible

Roma 12

¹Hougsu" nghoid yoomo Mang: nhung" yi we" - Mangsoo: gi ngoonu" ri gye jheddab nheig khyeug yoomo Mangso: moo" bo voin zi yo" dei nyid da" xoin" du: yhang: ti" bue" wa shid' re" nanu" da" gungdoem: ri xoin" to" ab noung" pyam' ge'. Houg lang" she' nanu" gi Aseing: ri deingbyeing" khyo" yo" noku boem wa.

²Nanu" gi mougmyid asam" aved ri acang nyid goo" nanu" gi Mangsoo: ri nyang: tu: nya: da" nheigloem: xoug" bain' sho' thed' pyam' lho: nheigloem: ung: khoug: aseig khyo" kham: yu ge". - Hougsu" koid' lang" gi geda" khyoo: - Mangsoo: vho: da" khyoo: ce: yooboo foin: jang: ajo lo: da" khyoo: ga: da" Mangsoo: vho: da khyoo: gi ci nghoid ga: ziri nanu" yo" se' lo boem wa.

³Nanu' gi nyang: nyang: te: nghoid da tho' mo jain" lho: nghoid aboin: goo" wa shid' re" - ngoori Mangsoo: byid da" Venyi jhe" ju" jhung: shug ri yu" lho: - nanu" dangain" mo jhang khyoo: ngoo tid pyeing: kyo" kaid'. - Nanu" yug khang" moo" gi nyang: nya: gung doem: ri phung yau shang apyang: wa khyo" myid yu" nyid boem ge'.

⁴Ngoonu" da" gungdoem: moo akung: ako'' myoo" sho' bo wigi hau: akung: ako'' loem: khang" moo" gi nyang: moo" nyang: bo boem.

⁵Houg: yo" dakhyoo" ti" - ngoonu" gi myo" sho' bang: nghoid loug we' Khristu yo" dadeing: daloem: za nghoid boem yoomo gungdu: daloem: mo da" akung: ako'' za danghoid. ngoonu" dangain" mo gi - daloem: yo" daloem: tei" xo' go" to" da" gungdu: akung: ako'' za danghoid nyid.

⁶Hougsu" nghoid yoomo - ngoonu" yug kang" moo" gi nyang: nyang: yo" kham' zoo: da" jeju" yo" dakhyoo" ti" Mangsoo: byid: da" jeju" ri se' ci yhoung: boem ca". Ngoonu" yo" yu da" jeju" yo" Mangso: mungdang: ri tid nghoid rigi nyang: nya: da" loem" jeung" jo, gyam: yo" dakhyoo" ti" hau: jeju" ri ci: yhoung: nyid boem ca".

⁷Gyeing" ngyeing" nyang: ngoonu" yo" jeju" gi - subi" ri pang" thoug wa jeju" nghoid rigi pang" thoug nyid boem ca. Jhoug" byid: wa jeju" yoo" su: gi - jhoug" byid: nyid ca".

⁸Ngoonu" yo" yu da" jeju" gi - subi" ri yoem: foin: byid wa jeju" nghoid rigi - yoem: foin: byid: ca" nyang: nya: da" soid' gain jo nu" subi" ri gam byid: jeju" yoo" su: gi ngei" ngei pyoo: pyoo: gam, byid: ca". U" jhung: bui" wa jeju" yoo" su: gi yoem: kaid' lho: vho" jhung: koid' nyid ca. Jam joug shau" mo ri pang" thoug wa jeju" yoo" su: gi ngei pyo: gau yi ziyo' pang" thoug nyid baja".

⁹Nanu" da" jheddab nheigloem: moo ayid void khyoo: dajhi' we' age boo.Nanu" gi anyhoin: athoung" da" khyoo: ri ngheing" lho: wigi ge' lho' da" khyoo: ri vho: ngei nyid ge'.

¹⁰Nanu" dayug yo' dayug gi mang: seing: nhung" seing: ri yhang: ti" jheddab kang: tei" go" nyid ge'. Dayug wigi dayug ri coung" byid wa so' phyed' nyid ge'.

¹¹Anei" ashu: loo: - moozoo" jid, zoo" ri yoem kaid zei: nyid ge'. Nheugloem: yoem: booboo Mangso: da" moozoo" ri zei: so voin vu nyid ge'.

¹²Nanu" moo nheig nhei: jang: boo yoomo - gau yi ngei pyo: nyid ge'. Koug shu: sho" jhen: lo da bidnyid ri geing: geing: teing teing koid' nyid ge'. Ano: ayab loo: akyu" damho' nyid ge'.

¹³Phung: byu mang: nhung" yi sho" jhen: lo da" uri coem' pang" thoug go" nyid ge'. Gyung: so" yen" da" Khristan mang: nhung" yi ri pang" thoug being" de" nyid ge'.

¹⁴Nanu" ri pyi: sho: shen" yhen loo mo ri mainkaid dang: tid byid: ge'. Nghoidbye nyanu" ri atau" nheing" looza: mainkaid dang: da tid nyid ge'.

¹⁵Gau yi mo yo" dage" gau yi nyid ge'. Ngau nyid mo yo" dage" bo ngau nyid ge'.

¹⁶Nyang: cang" nyang: myid so" nheig tei" go" nyid ge'. Phoug" ashoid' goo" - azhei: kyeing" moo" ri we' bo pang" zei ge'. Nanya: gung ri phajhi" bo ein: nghoid aboin: nyid goo.

¹⁷nanu" ri akhyeing" ashoeb khyo" re" koid' su ri latoo: aphug goo. Byu dangain" mo yo" veing" goo" wa shid' re" yoem: kaid' nyid ge'.

¹⁸Byu dangain" yo" myenjham" ngei pyoo: za: zoem" jeung" nyid ge'.

¹⁹Bid noem yi we" - khanham we' dam co' latoo: aphug goo. Mangsoo: za: dam co' latoo: daphug baja". Jhoem: mungdang: moo Mangsoo: gi - ngoo gi dam co' latoo: phug wa. Nya: yooboo yo" dakhyoo" latoo phug byid: wa ga: tid nyid.

²⁰Houg: yoomo latoo: phug wa tho' re" - jhoem: dang: moo bo zi yo" dakhyoo" ti" koid' nyid ge' - Jhoem: dang: moo nanu" da" gyivoo yi zooyoid' nyid uri voem: zhoo" ge'. Gyid shed' nyid ri gyid byid: jhug ge'. Hougsu" koid' lang" gi - nya: da" u" leom tho' moo dab jo, da" myigyu: foid' boem" byid: zi nghoid ga: tid to.

²¹Age khyo" wi nang ri aoung: loo" nhang: - ge khyo" wigi - age da" khyoo ri oung: loo" nhang: ge'.