Read Lashi Roma 13 Bible Online

Roma 13 - Lashi bible

Roma 13

¹Byu dangain" mo Asuya zoug: yi da" amyeing" ri tam" gyoo: ca". Khasu" wim ga ri - kha: asuya' nghoid loug Mangso: akhang" mo za: anghoid ri hang" zoug: ayo" koid'. Amyeing" yo" da: zoug: yi gi Mangsoo: wigi nyheig too" shau" mo nghoid.

²Amyeing" a: na: yo" da" Asuya ri thoug shang" tu: mhug su: hang" nghoid loug we' Mangsoo: nyheing soin' da" khyoo: ri thou' shang" tu: mhug su: nghoid. Houg su" koid' su: hang" we' nya: yooboo dam shau" kham: zoo: wa.

³Byu gi yi gi Asuya zoug: yi ri gyoug nyid anoo". Akhyeing" age moo" ri zei: nyid su: za: gyoug ca" zi nghoid. Nang gi a: na amyeing" yoo" mo ri agyug loo: nyid nau la". Houg: rigi ge da" moo" ri zei: nyid we'. Houg: lang" zoug; yi nang ri coung" ngei byid: wa.

⁴Khasu" wim ga ri nyang: gi nang ri akyu" koid' baja" ga: Mangsoo nyheing nyhed: to" da" dei zoo: nghoid. Nghoidloug we' nang age da" moo" dazei: nyid nghoid rigi hau: zoug: ri gyoug ca". Khasu" wim ga: ri nyang: gi gyeing" nyang: yooboo yo" byid: da" akhang" yoo" su: nghoid. Hau: yug gi apyaid' ato: Mangso: da" dei zoo: nghoid yoomo age da" moo" zei: mo, ri Mangso: da" gung thid' khyo" yoobo dam kaid' dang: phyed' wa su: nghoid.

⁵Houg: yoomo - nang gi mangsoo: yooboo dam kaid' wa zi ri gyoug yoomo za we' anghoid shi"- nyang: nya: da" nheigloem: soozoo: lheing: lho: Asuya zoug: yi da" amyeing" ri tam" gyoo: ca."

⁶He: khyoo: yoomo nanu" gi khang" dug ri kaid' ca". Khasu" wim ga: ri Asuya zoug: yi gi nyanu" da' moozoo" voin vu uri Mangso: da moo" bo zei khyo" nghoid yoomo nghoid nyid.

⁷Houg yoomo Asuya zoug: yi ri byid: eung: da' zi ri byid: nyid ge'. Kheing" kaid' eung: su: kheing" - khang" dug kaid' eung: su: khain" dug kaid' nyid ge' - amyeing" a: na: yoo" mo dangain" ri gyoug phau" myang: nyid ge'.

⁸Nanu" nyang: cang" jheddab go" da" jhen: mo lid lho: ce: jhen: we' adab goo" goo. Subi" ri se jheddab su: gi tarha" ri bain cang pyeing bye su: nghoid.

⁹Khasu" wim ga: ri subi" myiyi: alhoid'. Byu asaid'. subi" da" zi akhoug" - myo, no: vhoo: aboo ga: da" Moshe tarha" yo" goo tu: da" tarha" dangain" gi re" yhoem: kyoo" cang ri nanya gung yo" dakhyoo" ti" jheddab we' - ga: da" tarha" moo jhung: shoem: nghoid bye.

¹⁰Nyang: nya: yhoem: kyoo" cang" ri jheddab su: gi hau: yug ri khanham we' akyu" yoem" loo" nhang: wa zi anghoid. Houg: yoomo nya: yhoem: kyoo" cang" ri jhed' se' dab su: gi Moshe da" tarha" dangain" ri cang nyid su: nghoid.

¹¹Nanu" gi nyang: nya: yhoeb' jo yoo mo so" to' loo wa ayo, ju" bye: zi ri si' yoomo jhed' khyeing: kang: khyeing: tei" go" boem ca" bye. Khasu" ga: ri ngoonu" khyoid' yu shau" wa da" ayo, bidnyid gi ASEING Yesu' ri ngoonu" loem" jeung" shid" da" ayo mo je" ri jhang ju" lo nyid bye: yoomo nghoid.

¹²Myen" ayo, lid lo" nyid bye. Nyid" kyo' ju" loo wam bye:- houg: yoomo ngoonu" gi moug: coid' mo da thung" khing sam" ved ri acang boem looza: bidbang moo ci: ca" da" gyikhin' lagnag ri yu ci: boem ca" bye.

¹³Ngoonu" gi bidbang mo nya: zoo: yi yhang: ti" ge young" du khyoo: moo za: cang lo" boem ca. Yhid: shug foo" zo: lid khyoo: akyang byo yoin" khyoo: - shava myiyi: yug gi cang zo: khyoo: yo" aved avhu: khyoo - myeing" myo: yhoo she: zi yo" no" zo: da" khyoo: ri jang" pyam' lho: bidnyid" gung tu: yo, ti" nyang: daso" nyid shang.

¹⁴Hau: tho' moo ASEING Yesu Khristu ri gyi byi: gyimi su" void ci: ge'. Gung shoo" vho: da" nheig shid: said' nau khyoo: moo cang wa asoin' anyheing nyid goo.