Read Lashi 1Korinthians 8 Bible Online

1Korinthians 8 - Lashi bible

1Korinthians 8

¹Akhid" nanu" moug soug" khyo" myid: kaid da- phara" soolhoo: ri xoin" to' pyam bye: da" zoo: noem yo' sen: wigi- ngoo tid kyoo" wa nghoid. Nyhang" dangain" bang: gi lasi, laleig myid boo bang: za: nghoid boem, ga: wigi: nyangnu" tid nyid zigi: deung nyid. Nghoid loug we' houg: te" da" lasi, laleig gi byu yi ri phau: khyeung nghoid boin: nhang: nyid- nghoid loug we' jheddab da" emyid gi so' koid so' nyheing byid: se' nyid.

²Byu dayug yug gi ngoo gi daja: se' ga: myid nghoid rigi- nyang: si' eung: ziri: lang" asi' shi" su: nghoid nyid.

³Nghoid loug we' Mangsoo ri si' su: gi Mangsoo yo' zoem" khau: khyoo: ri kham: yu se' nyid.

⁴Houg: yoomo phara" soolhoo: ri xoin" to' pyam bye: da" shoo" yo' sen: lho: tid shang ein: rigi: phara" soolhoo: ga: zigi- gyeing" nyang: kangso dei lho: so" yen" khyoo: ajo, ziyo'- dayug kyeung" da" Mangsoo mo lai wigi- gootu: Mangsoo anyid lo: ziri ngoonu" se' nyid boem bye.

⁵Moug: khung: moug: di yo' moug: myid yooso" tho' moo" phara" joem, ga: myeing mo, nyid nyid boem wigi- phara" joem myoo: sho' yo' Aseing ga: bang: myoo" sho' nyid ago".

⁶Nghoid loug we' ngoonu" shid re" gi phoo, ga: da" Mangsoo dayug za: danyid. Nyang: gi jo, moo: jo, ri phain" too" su: nghoid yoomo- nya: shid re" ngoonu" kangso dadei nyid boem. Aseing Yesu Khristu ga: da" khyoid yu su: we' dayug za: nghoid wigi- nyang: yoomo jo, moo: jo, bue" lo ziyo'- nyang: yoomo ngoonu" kangso dadei nyid boem.

⁷Nghoid loug we' byu yug khang" moo" gi he: deingmain" khyoo: ri asi' nghoid ago- byu dayham" gi phara" soolhoo: ri loem khau: lai lo yu" boem bye: yoomo- akhid" ju" sho' xoin" to' bye: da" zoo: noem ri shoug" zo: uri- he: zigi: soolhoo: ri ab nung" byid: zoo: noem nghoid ga: myid boin: nyid ago". Nyangnu" da" phug soo" lheig: myid yu" da" emyid yoem: nu" boem yoomo- nyangnu" zo: da" zoo: noem gi nyangnu" ri aco' ajhoid bue" loo" nhang: ga: myid yu ago".

⁸Zoo: noem gi Mangsoo yo' ngoonu" tei" xo' go" da" khyoo: moo- ce: noem myo: loung: loo nhang: khyoo: ci: ajo. azoo: nghoid loug we' ngoonu" moo: ce: noem yoem" soem" loo" wa khyoo: ajo, zo: nghoid loug we' ci: loung: loo wa khyoo: aboo.

⁹Nghoid loug we'- nanu" hidsu" agyug aci, loo: zo: shoug khyoo: gi Mangsoo ri loem khau: khyoo: moo: yoem: neung: nyid bang ri khyoo: shu" vhang: ziyo'- yooboo koid nhang: da" khyoo: abui" wa shid re" zed" nyid ge'.

¹⁰Dang: tu,- he: da" khyoo: moo: phug soo" lheig myid yu" da" khyoo: moo- yoem: nu: nyid su: dayug gi lasi, laleig myid yu" emyid boo bang: nanu"- phara" soolhoo: jo, da" yhoem: moo: voem: zo: nyid ziri: myang rigi- phara" soolhoo: ri xoin" to' byid: da" zoo: noem ri voem" zoo: goo" baja" ein:-yoem: byid: zi abui" wa goo" la"

¹¹Houg: yoomo phug soo" lheig se' myid soin: yu da" emyid, yoem: nu: da re" mang: nhung" pho, shid re" Khristu gi shid: kham, byid: bye: nghoid loug we'- nang ase' myid yu" yoomo hau: yug gi byo, yoin" loo" wa zi anghoid la"

¹²Hid: khyo" wigi- nanu" gi nyang: tu: nya: da" Khristain mang: nhung" yi ri shoid vhang: khyoo: lo" eung: wigi- yoem: neung: da" phug soo" lheig myid yu" da" emyid ri noo, nhang: nghoid rigi- nanu" gi Khristu ri shoid vhang: bang: bue" loo wa zi nghoid.

¹³Hougsu" nghoid yoomo zo: noem khyo" nga" mang: nhung" phoo, ri- nheigloem: leung nhang: wigi- yooboo dakoid nhang: wa nghoid rigi- nga" mang: nhung phoo, aleung loo" wa shid re"- ngoo dapyaid' goin" shoo" azoo: loo: za: nyid wa.