Read Lashi 2~KORINTHU 10 Bible Online

2~KORINTHU 10 - Lashi bible

2~KORINTHU 10

¹Nanu" da" shid khoin" moo sam" dab nu: nham wigi nheigloem: khyo' nyhoem: khyoo: toin" shid' wigi nanu" yo' we: gang: loo" lang" asho, agyug nheigloem: toin" shid" su: nghoid ga: juang" yi shau" su: ngoo Polu nyang:- nanu" ri mho' tid kaid.

²Khristu da" nu" nham, khyo' nyhoem: da" emyid ri yu" lho: nanu" jhang khyoo: ju" re" uri athoug" akhyoug: akhyoin' da" tid jang" moo aju" baja"- mho' tid kaid. Khasu" wim gari ngoonu" ri moug myid da" vhoo: boo myo, no, khyo" cang: lho: gau" soin' nyeung lo da" emyid yo' kang: dei nyid mo, nghoid ga: wigi tid nyid mo, ri zu" akhyoin" ein: gyeing" nyang: voem" tid.

³Nanu" gi mougmyid dang: moo nyid mo, deung: nghoid loug- moug myid da" nyheung soin' khyo" meing: zain: nyid zi anghoid.

⁴Ngoonu" da" meing: zain: jang: moo ci: da" gyizi gyikhoo: gi mougmyid xangsu: byu yi ci: da" gyizi gyikhyoo: anghoid. geung: teung jo, da" gyidab: joem ri yo" phyo' pyam da" Mangso yoem: so' yo' byeung" da" gyizi gyikhoo: joem nghoid nyid. Ngoonu" gi adeung amain"- ngeug yang: go" da" dang: joem ri dazain: lhu: phyo' boem.

⁵Ngoonu" gi Mangsoo ri yo" se' koung lo da" phajhi" ri lhu: keug lhu: kyo' khyoo: dangain" ri zain: said lo" boem. ngoonu" gi byu yi myid soin: khyoo: dangain" ri myeug tei" to" wigi Khristu da" dang: ri tam" gyoo: nhang: nyid boem.

⁶Nanu" gi ngoonu: dang: ri byeung" sho' khyag tam" gyo: nyid ziri yo" se' loo lang" ngoonu" gi alhid, azid" adeung amain" da" khyoo: ce: ja: ri we' saida" dam kaid wa shi re" jen" jen" nghoid.

⁷Nanu" ce: ja" khyoo: ri we' ahto' dapyam: khyo" za: yu" nyid ago". Ngoo gi Khristu yo" sen: su: nghoid nyid, ga: wigi nyang: nya: gungdu: myid jho: nyid su: dayug yug bo la". gyeung" to' nghoid rigi nya: gung ri nyang: soin: yu" baja"- Khasuwimgar: nyang: gi Khristu shoid khyo" byu nghoid nyid ziyo' dakhyoo" ti"- ngoonu" we' Khristu da" shoid mo byu yi nghoid.

⁸Ngoo gi Mangsoo byid: da" akhang" aya yo' sen: lho: ladu lid sho' to' phau: khuang nghoid loug we' hau: akhang" aya gi nanu" ri lhu: phyo' pyam wa shid re" anghoid. Nanu" ri so' koid tu: to' kaid wa shid re" danghoid.

⁹Houg: yoomo ngoo foin: kaid da" mougsoug" joem yo' nanu" ri kyoug nhain, da" aved, athu' nhang: noug.

¹⁰Khasu" wim gari byu dayham" gi Polu da" mougsoug" joem gi gye" no, lho: yoem: moo" so' moo" bo" da" mougsoug" nghoid- nghoid loug we' nya: gung nyang: ngoonu" yo' dage" nyid uri nyang: gi yoem: nu: lho_ myonhoo: phung" yoeb abo ziyo' nya: dang: khoin" joem we' -ce" juid" we' arue" zi nghoid- ga: tid boem ago".

¹¹Houg: yhang: te" da" byu yi se' gyo: too" wa zigi ngoonu" gi we: gang: go" nyid da" uri mougsoug" lhid" kaid ziyo' dakhyoo" ti"- byu gung nyang: nanu" jang" moo ju" re" uri we' houg: yo" dakhyoo" ti" ngoonu" zei: loo wa zi nghoid.

¹²Gyung" ga: ri nyang: nya: gung ri coung" nghei, tuto' da" byu jang" moo bo nghab kaid wigi ngoonu" da" gungdu: yo' nyangnu" awoem" tu, goo" nghoid da. Nyangnu" gi nyang: nya: azhang ri se' ke' yu: wa shid re" nyang : nya: da" laki khoem: mhe, yu ago". Hougsu" ke' to" da" laki, yo' ke' yu" nyid boem ago". Houg: te" mo, gi khayhi' gyeung" ko" fang: kyi: mo, nghoid lha!

¹³Ngoonu" koem gi-phau: khuang wa da" laki, mo lid lho: phau: khuang boem wa zi anghoid. Nanu" moo ngoonu" zei: voinvu, da" moozoo" yo' dage" Ngoonu" voinvu, wa shid re" Mangsoo nyang: ke' too": byid: da" moo zo" da" akhoug: moo za: ngoonu" phau: khuang.

¹⁴Nanu" gi ngoonu" shid re" Mangsoo phyeda" soin' too" byid: da" moozoo" akhuang khoug: moo bo nyid mo nghoid yoomo ngoonu" gi Khristu da" ngeibu: ludang: ri nanu" jhang moo ci: re" da" uri-moozoo: kyoo" doem: lid sho' akoid boem.

¹⁵Hougsu" nghoid yoomo ngoonu" gi mangsoo: ke' too" byid: da" moozoo" mo lid lho: wigi byu goo" ji yi koid da" moozoo" yo' sen: wigi ngoonu phau: khuang dang: tid zi anghoid. Houg: su" koid wa tho' rigi khanham we'. Mangsoo: ke' phyed too" byid: da" akhoug: moo ngoonu" da" loem" jeung" khyoo: gyi: yang" loo wa ziyo' - nanu" da" agyoo: moo" je" wigi je" gyi da" moozoo" yo" zei: xo' loung: loo" wa shid re" ngoonu" nheig byu nyid boem.

¹⁶Hau: thang: ri ngoonu" gi nanu" da" moug: khyoo" lid lho: wigi gootu: mungdain joem moo ASEING Yesu da" khyoo:- ngeibu: ludang: gi ri yo" kho" kyo" loo" wa nghoid nyid.

¹⁷Nghoid loug we' jhoem: mungdang: moo Myo, nhoo: shoo: noug su: gi hau: Aseing: koid da" moozoo" moo myonhoo: sho: phau: khuang nyid baja"- ga: tid to.

¹⁸Khasu" wim gari deungmain" da" myonhoo: ngeilang: shau" kham: yu su: gi nyang: nya: gung ri nyang:- tu: to' coung" byid: su: anghoid. Mangsoo wigi tu: to coung" nghei, byid: zi shau" su: nghoid nyid.