Read Lashi 2~KORINTHU 7 Bible Online

2~KORINTHU 7 - Lashi bible

2~KORINTHU 7

¹Jheddab da" bidnoem yi we"- he: da" dang: soo" khoin" yi dangain" gi nyhang" ri byid: to" zi nghoid. Hougsu" nghoid yoomo nyhang" gi gung shoo" yo' Venyi ri anhyoin: athung" byui" nhang: da" aco' ajhoid khyoo: dangain" mo nyang: tu: nya: gungdu: ced" yung" ced" lhoo, nhang: lho: wigi Mangsoo ri gyoug phau" myang: zoo re" gyeungshang: thang khyo" kangso' dei nyid shang.

²Nanu" da" nheigloem: emyid khoug: moo_ ngonu" shid re" joyoo byid: wigi lheom: tau, yu ge'. Ngoonu" gi hang" ri we' ashoid avhang: yu"- hang" ri we' alhu" phyo' yu", hang" tho' moo we' arue" yu.

³Ngoo hidsu" ein: tid zigi ngoo nanu" ri yooboo foin: dang: phyed, noug: yoomo anghoid. Khasu" wim gari shid phyang" ngoo tid bye: ziyo' dakhyoo" ti"- nanu" ri ngoonu" gye" jheddab yoomo shid: nghoid loug- yang" nghoid loug nanu" yo' dage" khanham we' dage" danyid nyid.

⁴Ngoo gi nanu" ri ahto' tid loo: sho' myid loem nyid. Nanu" da" shid' mo ngoo gye" phau: khuang nyid. yau: khe" jam jau shid: gyoin, noogyoin aja: ja: thoung" shau" nghoid loug we' ngoo moo yoem: so' yoem: vhoo" byeung" jo, ziyo' ngoo moo gau yi ngeipyo: khyoo: gi dabyeung" shoin: lo".

⁵Makedoni mung" khyoo: ngoonu" ju" yhe: uri lang" gi ngoonu" moo myenjham" khyoo: ci: ayo" yu boem nghoid da. Joyoo loem: khang" moo" moo yau khe" jam jau shid: gyoin noogyoin'- gootu: byu yo' myeng: myoo: yhoo: she: khyoo: bo. Ngoonu" nheigloem: khoug: moo myid myooung: loug khyoo: aja: ja: thoung" shau" boem.

⁶Nghoid loug we' nheig koug nheig nge nyid bang: ri_ pang" thoug yoem: byid: nyid da" Mangsoo gi ngoonu: jang" moo ju" re" da" Titu khyo' wigi ngoonu" ri nheung loem: yoem: doem bo loo nhang.

⁷Titu ju" ri " yoomo za: we' anghoid- nyang: ri nanu" khakhyo" yoem: lhoem: byid: da" khyoo: ri tid khyoo" yoomo we' ngoonu" myid pyo: khyoo: ri yo" kham: yu boem. Hau: tho' moo gootu: nanu" gi ngoo yo' khayhi' myang goo" nau khyoo: khayhi' nheig nge khyoo: ri nanu" khayhi' nheig koug nheig shu: nyid da" khyoo: joem- ngoori zung: lhoug goin coung: wa da" khyoo:- soin too" bye: khyoo: ri tid kyoo" byid: yoomo we' ngoo akhid" je" wigi gau yi ngeipyo: nyid.

⁸Ngoo lhid" foin: kaid da" mougsoug" gi nanu" ri nheig to' kug nhang: zebi: nghoid rigi hau: mougsoug" shau" lhid" kaid ziri-dayo' daboin: kug nhang: zi shau" nyid ga: ziri ngoo boin yoomo koug khyoo: gi jo, lid: loo" bye.

⁹Nghoid loug we' akhid" koem gi ngoo gau yi nyid bye. Hau: zigi ngoo nanu" ri kug nhang: yoomo anghoid. Nanu" da" nheig koug da" khyoo: gi nanu" da" xang: she" yo' mo kangso' dei da" khyoo: moo-nheugloem: thed, shai" loo bye: yoomo nghoid. Mangsoo gi hau: nheig koug khyoo: ri ci: yhoung: nyid yoomo ngoonu" gi nanu" ri nheig koug noo nhang: khyoo: gi ci" we' aze" bui" loo.

¹⁰Khasu" wim gari Mangsoo ci" yhoung: da" koug shu: khyoo: gi khyoid yu khyoo: shau" nhang: nyid› Houg: yoomo nheigloem: apyoo: joyoo aboo. Nghoid loug we' nheigloem: athid' loo: za: xangsu: lid khyo" kougshu: khyoo: gi-shid: loo" no lo" khyoo: ri ze" bui" nhang" nyid.

¹¹Nanu" da" nheig koug nheig shu: khyoo: ri Mangsoo: khakhyo" ci: nyid ziri yu" yu" ge". Hau zigi nanu" ri khayhi' nheigloem: too, nhang:- nanu" moo yooboo adab loo: ein: da" khyoo" toin" shid' nhang"- ge da" khyoo: ri byui" nhang: noug yoomo nheigloem: gye" to' lo ziyo' nheig dain yoo: nau khyoo" nheigloem: khoug: moo kham, zo: khyoo:- nanu da" loem" jeung" khyoo: moo nheigloem: zug zi shoid' vhang: su: ri shen" yhin wa shid re" jen" jen" nghoid nyid da" khyoo: gi khyoo: khaid gu: khang" moo" moo nanu" ce" yooboo adab loo: ein: ziri toin" shed nyid bye.

¹²Hougsu" wigi ngoo hau: mougsoug" ri lhid" foin: kaid nghoid loug we' shoid vhang: nyid su: yoomo we' shoid vhang: shug" su: yoomo anghoid. Mangso shid moo ngoonu" ri nanu" khayhi' jheddab nheig nge" nyid ziri myang nhang: noug yoomo lhid" kaid da" khyoo: nghoid.

¹³Houg yhang: ti" myang thu' loo: bye: yoomo ngoonu" yoem: so' ri gye" yo" yu bye. Ngoonu" gi nheigloem: yoem: yo" tho' agoo"- gye: gau yi boem bye. Khasu" wim gari nanu" dangain' bang: gi Titu ri ngeibu: nhang" bye: yoomo nyang" gau yi khyoo: nanu" myang yoomo nghoid.

¹⁴Ngoo gi Titu ri nanu" da" khyoo: phau: kyoo" bye. Hougsu" phau: khuang kyo" ziyo' dakhyoo" ti"- deungmain" nyid khyoo: ri nanu" bain toin" shid' bye: wigi ngoori nheigloem: gyoug: nhang: zi anghoid. Ngoonu" gi nanu" ri khanham we' deungmain" khyo" za: tid nyid ziyo' dakhyoo" ti"- Titu ri nanu" khyoo: phau: khuang kyo" zi we' deungmain" nyid ziri yo" si' bye.

¹⁵Nyang: jhoug" byid: khyoo: ri-nanu' tam" gyoo: wa shid re" jen" nyid bye: ziri we' gyoug nain" ziyo' nanu" lhoem: tau yu da" khyoo: ri we' nyang: myid boin: nyid yomo- nanu" ri jheddab da" nya: emyid gi je wigi gyi: sheung:" yoem: bo lo nyid zi nghoid.

¹⁶Nanu" moo khyoo: khaid khang" moo" moo loem, ge" nyid yoomo ngoo gye" gau yi nyid.