Read Lashi 1THESALONI 4 Bible Online

1THESALONI 4 - Lashi bible

1THESALONI 4

¹Lo" thang jang" moo gi-mang nhung yi we"- mangsoo vho: ngei wa shid re" nanu" gi kha: khyo" kangso' dei nyid ca" da" khyoo: ngoonu" jang" mo nanu" jhau" yu abye: go- nanu" gi hau: khyoo: khyo" nyang: kangso dei nyid boem bye- hau: tho' moo je" yo" zei: soo, wa shid re" Yesu Khristu da" myeing khyang" khoug: moo nau" ri ngoonu" mho' tung" pain: joug jhoin" kaid' boem.

²Khasu" wim ga: ri khate" da" khyoo" shed' dang: joem ri ASEING Yesu da" akho: akhang" yo' ngoonu" byid: too" bye: ziri gi nanu" nyang: se' nyid boem bye.

³Ngoo gi nanu" ri gyeungshang: mo, bue" loo nhang: nau, ziyo' nyam, da" moozoo" mo bain' sho' yo" loid loo" wa shid' re" vho: ngei nyid.

⁴Nanu" yug gi yi dayug yo' dayug gi nyang: nya: da" yhoem: seing: myhi' yo' gyeungshang: lho: yu" yung" sho' khakhyo" nyid wa da" khyoo: ri si' ca".

⁵Mangsoo ri ase' da" tungbau byumyu" yi yhang: ti"- nyam, mhain: da" nheigloem: age boo.

⁶Hid: yhang: te" da" moozoo" moo nanu" mo hang" nghoid loug we' nyang: nya: da"Khristain mang nhung phoo ri shoid vhang: da" khyoo:- houg: su" anghoid lang" gi mang: nhung" pho, da" atho' moo lhoid, sham: zain: da" khyoo: ge, koid -he: khyoo: xang: shed" moo nanu" ri tid kyo" yu" bye nghoid yoomo Mangsoo gishoid vhang: bang: ri shen" yhen wa da" khyoo: nanu" rithain: thain: nyang: tid poin' kaid' bye.

⁷Mangsoo gi nyangnu" ri agyeing" ashang: da" -kangso' dei khyoo: moo kangso' dei nyid wa shid re" khe: yu to" zi anghoid- gyeungshang: da" kangso' dei khyoo: moo lhid wa shid re" dakhe: yu to.

⁸Hougsu" nghoid yoomo he: da" jhau" mho' khyoo: ri ngeug pyam mo, hang" nghoid sho loug we' -byu yi ri anghoid- gyeungshang: da" venyi ri byid: kaid' su: Mangsoo ri ngeug pyam su: nghoid.

⁹Nanu" da" loem" jeung" mang nhung" phoo ri jheddab wa da" khyoo: yo' sen: lho: wigi ngoo nanu" jhang khyoo: lhid" kaid' anoo" loo- nyang: cang" nyang: jheddab go" nyid wa shid re" Mangso wigi jhau" mhoo, byid: nyid ziri nanu' shau" kham: yu boem bye.

¹⁰Gyeing" nyang: ga: rigi nanu" gi Makedoni mung" goin" jang" mo Khristain mang nhung" yi dangain" bang: yo' zoem" khau: jang" moo houg: khyo" jheddab go" da" khyoo: ri cang lo" boem bye- houg: yoomo mang nhung yi we"- nanu" da" jheddab nheigloem: je gyi: loo wa shid re" nanu" ri ngoonu" mho' nyid.

¹¹Nanu" gi xang: shed" ri ngoonu" tid pyeung: too" kho' ziyo' dakhyoo" ti" -myen, jham" za: cang yhe: kangso' dei nyid wa shid re" we' byu gooji yi da" khyoo: moo abo tid phyo' lhu: lheug yen" wa shid re" we' nyang: nya: da" voem: doug: khu: moo' zoo" ri nyang: nyang: hougsu" da zei: zo: nyid wa shid' re" we' myid' soin: to" boem goo" baja".

¹²Khyoo: he: khaid khyo" wigi nanu' giloem" jeing" bang: phung byu anghoid mo, da" -phau" myang: khyoo: ri shau" kham: yu boem wa zi nghoid- hau: tho' moo gootu: nanu" da" ca" yo, khyoo: yo' sen: lho: hang" ri we' anghe: khoug ca" lo: boem wa zi nghoid.

¹³Ngoonu" da" mang nhung" yi we' nheig byu jang: ayoo" lo: da" byu gooji yi yhang: ti"- nanu" koug shu: zi ashug" goo" baja" nyhang" gi shid: loo" bang: yo' sen: lho: wigi hau: deingmain" da" khyoo: nanu" ri se' gyoo: nhang: nau.

¹⁴ASEING Yesu gi shid: jang" mo doem dei to'. lo da" khyoo: ri nanu" loem" jeung" nyid boem nghoid rigi Yesu ri loem" jeung" lho: shid: lo" byug bang: ri we' Mangsoo gi Yesu yo' dage" -nya: jhang khyoo: shu" loo wa zi nghoid- ein: ngoonu" loem" jeung" nyid boem.

¹⁵Akhid" vhoo: moo ngoonu" ri jhoug" byid: to" da" khyoo: gi ASEING Yesu nyang: jhoug" byid: da" khyoo: nghoid bye- ASEING Yesu nyang doem ju" re" da" bidnyid moo ngoonu" dei nyid shi" bang: gi shid: loo" bye: bang: da" shid' khyoo: dajhi' we' yhe: loo" lang" wa zi anghoid.

¹⁶Hau" Aseung: da" yoid nyho: amyeing" thui: yo' mauglagyo: agyi da" thui:- Mangso laboo" thui: zeing yo' Aseing: nyang: moug: khung: moug: di mo gyoo" loo wa zi nghoid- Khristu riloem" jeung" lho: shid: loo" bang: gi xang: shed" moodei to'' lo boem wa zi nghoid.

¹⁷Hau: thang: ri hau: Aseing: yo' moug: laid' phyoo" moo shau" goo" wa shid re" ngoonu" dei nyid shi" mo, gi shid: loo" bye: mo, yo' dage" jhoem" moug" phyoo" moo shu" do, lo" zi shau" boem wa nghoid wigi ngoonu" gi hau" Aseing: yo' dage" khanham we' danyid nyid wa zi nghoid.

¹⁸Hougsu" nghoid yoomo he: dang: joem yo' nanu" nyang: cang" nheig teung yoem: byid: go" nyid ge'.