Read Lashi YOSHU 15 Bible Online

YOSHU 15 - Lashi bible

YOSHU 15

¹Yuda kung: mo yhoemkhung: bang: gi mungdain: ri vhoo: moo: lhid" shug to" ziyo' dakhyo" shau" kham yu ago". Hau: mougmyid gi mougpyi: shoid moo Edom mougkyoo" moo jo, da" Zin dain pyoid yoo ju" sho' nghoid.

²He: mougpyi: shoid mougkyoo" gi thoem" shid: mougpyi: shoid athang: mo zi:

³Mougpyi: shoid khyoo: yhe: da" Akrabim boem gyoo: yo' Zin ju" sho'. Houg: mo xo' wigi Kadesha Barnea mougpyi: shoid mo Hezron lid lho: Adara Karka shoid ju" sho'.

⁴Azmon khyoo: xo' yhe: wigi Egutu mung" mougkyoo" gyid lang zoo: ri cang yhe: lo" lho: mougkyoo" lo" thang da" Meing: gung panglai: khyoo: ju" sho' nghoid da:. Hau: zigi Yuda mung" da" mougpyi: shoid mougkyoo" nghoid.

⁵Bid thu shoid mougkyoo" gi Thoem" Shid: nghoid wigi hau: zigi tho' khyoo: Yodan gyid lang yau zoeb da" gyid zoeb ju" sho' nghoid da:. Moug zhung: shoid mougkyoo" gi houg: mo shid" wigi

⁶Bed Hogla ju" sho' yo' Yodan janggyoin: ri myang da" gyeing: gung ju" sho' nghoid da:. Hau: thang: Bohan lug moo" zeing khyoo: yhe: lo" da:. (Bohan gi Ruben da" yuggi zoo: nghoid da:.)

⁷Houg: mo yau: khe" janggyoin: mo zi Dabura ju" sho' houg: mo zi janggyoin: da" mougpyi: shoid mo Adumim boem gyoo: khyoo: myonhoo: shu: to" da" Gilgala ju" sho'. Houg: mo zi Enshemesha gyid pug khyo" zi Enrogela lid sho'.

⁸Houg: mo zi Yebusi byu yi nyid da" Yerusalem voomoo" jo, da" bouggung mougpyi: shoid Hinnom janggyoin: khyoo: lid phyed lo" da:. Mougkyoo" gi Hinnom janggyoin: bidvang shoid Rephim janggyoin: mougzhung: athang: boem vhu" khyoo: ju" sho'.

⁹Houg: mo zi Neptho gyid pug ju" sho' yo' Ephron boem nam mo voomoo" joem khyoo: ju" sho' nghoid da:. Houg: mo zi xo' wigi Bala (anghoid lang" Kiriad Yarim) shoid khyoo: lheing: lo" wigi

¹⁰Houg: mo zi Bala bidvang shoid ri lheing wigi Edom boem moug: shoid khyoo shu: lo" lho: houg: mo zi Yarim boem (anghoid lang" Khesalon) mougzhung: shoid khyoo: yhe: lo" wigi Bed Shemesha khyoo gyoo" lo" lho: Timna ri lid phyed lo" da:.

¹¹Mougkyoo" gi Ekron mougzhung: bouggung khyoo: ju"- Shikeron shoid khyoo: lheing: lo"- Bala boem ri lid phyed wigi Yamnia khyoo: ju" da:. Hau: zigi Meing: gung panglai: moo: lo" thang da:.

¹²Meing: gung panglai: gi bidvang shoid mo mougkyoo" nghoid. He: mougkyoo" akhoug: moo: Yuda byumyu" yhoemkhung: bang: nyid ago".

¹³ASEING Yoshu ri amyeing" byid: to" ziyo' dakhyo" Yuda mougmyid dadu ri Yuda byumyu" mo Yephune da" yuggi zoo: Khaleb ri byid: da:. Nyang: gi Anag da" nya: phoo Arba seing: da" Hebron voomoo" ri kham: yu da:.

¹⁴Khaleb gi Anag da" amyed ashen yiri voomoo" mo khaid thu pyam da:. Houg: bang: gi Sheshai- Ahiman- Talamai kung: bang: yi nghoid ago".

¹⁵Houg: mo nyang: gi Debira moo: nyid boem da" bang: ri gyi yhe: khaid zain: da:. (He: voomoo" ri Kiriad Sephera ga: lhung myheing lo bye:.)

¹⁶Khaleb gi «Kiriad Sephera ri yo" zain: oung: yu su: ri nga" zoo: myiyi: nu" Aksa yo' lo, xo' yu nhang: wa» ga: tid.

¹⁷Khaleb nya: nhung" Kenaza da" nya: yuggi zoo: Othniela gi hau: voomoo" ri khaid oung: yu da:. Houg: yoomo Khaleb gi nyang: ri nya: myiyi: zoo: Aksa ri lo, xo' yu nhang: da:.

¹⁸Lo, xo' bidnyid moo: Othniela gi Aksa ri nya: pho jang" mo yoothung" mho' yu wa shid re" tid da:. Aksa gi loo zei: mo gyo" uri Khaleb gi nang civho: ga: nyang: ri myid: da:.

¹⁹Aksa gi «Gyid thu thoem" dayham" ri ngoo vho:. Nang ngoo ri byid: to" da" mougmyid gi moug: kyug nghoid da» ga: phoug tid. Houg: yoomo Khaleb gi nyang: ri tho' mo gyid pug yo' vhoo: mo gyid pug ri byid: da:.

²⁰He: zigi Yuda byumyu" yhoemkhung: yi nyangnu" mougmyid jonu" khyo" shau" kham: yu da" mougmyid nghoid.

²¹Edom mougkyoo" nam moo: nghoid wigi nyangnu" seing: boem da" mougpyi: shoid lo" thang mo da" voomoo" joem gi Kebzela- Edera- Yagura-

²²Kina- Dimona- Adada

²³Kedesha- Hazora- Ithnan

²⁴Zipha- Telem- Bealod

²⁵Hazora Hadata- Keriod Hezron (Hazora)

²⁶Amam- Shema- Molada-

²⁷Hazara Gada- Heshmon- Bed peled.

²⁸Haza Shuala- Berasheba- Biziothia.

²⁹Bala- Iim- Ezem

³⁰Eltolad- Khesila- Horma

³¹Ziklag- Madmana- Sansana

³²Lebaod- Shilhim- Ain- Rimon- hau: joem dangain" gi eig xe: gau voo nghoid wigi hau: aqei: ayam mo voogung joem we' bo da:.

³³Boem khyid: mo voomoo" joem gi Eshtaola- Zora- Ashna-

³⁴Zanona- Eganim- Tapua- Enam

³⁵Yarmud- Adulam- Sokho- Azeka-

³⁶Sharim- Aditham- Gedera (Gederothim) voomoo" joem nghoid. Hau: joem dangain" gi daxe: myid: loem nghoid wigi hau: aqei: ayam mo voogung joem we' bo da:.

³⁷Hougmoo: Zenam- Hadasha- Migdalagad-

³⁸Dilean- Mizpa- Yokthela

³⁹Lakhisha- Bozkad- Eglon

⁴⁰Kabon- Laman- Khitlisha

⁴¹Gederod- Bethdagon- Nama- Makeda voomoo" joem nghoid. hau: joem dangain" gi daxe: khyug loem nghoid wigi hau: aqei: ayam mo voogung joem we' bo da:.

⁴²Houg: lho: Libna- Ethera- Ashan-

⁴³Iptha- Ashna- Nezib-

⁴⁴Keila- Akzib- Maresha voomoo" joem nghoid. hau: joem dangain" gi goug: loem nghoid wigi hau: aqei: ayam mo voogung joem we' bo da:.

⁴⁵Hougmoo: Ekron yo' voogung joem yo' voozoo: joem.

⁴⁶Ekron mo zi Meing: gung panglai: ju" sho' Ashdod nam mo voomoo" joem yo' voogung joem.

⁴⁷Egutu mung" mougkyoo" gyid lang zoo: yo' Meing: gung panglai: gyid yam cang sho' ju" da" Ashdod yo' Gaza voomoo" yo' hau: eig voo da" voogung joem yo' voozoo: joem bo da:.

⁴⁸Boem moug: moo: Shamira- Yatira- Sokho-

⁴⁹Danna- Kiriad Sephera (Debira)

⁵⁰Anab- Eshtemoa- Anin

⁵¹Goshen- Holon- Gilo voomoo" joem nghoid. hau: joem dangain" gi daxe: davoo nghoid wigi hau: aqei: ayam mo voogung joem we' bo da:.

⁵²Hougmoo: Araba- Duma- Eshan-

⁵³Yanim- Bed Tapua- Apheka

⁵⁴Humta- Hebron yo' Ziora voomoo" joem nghoid da:. Hau: joem dangain" gi gau: loem: nghoid wigi hau: aqei: ayam mo voogung joem we' bo da:.

⁵⁵Maon- Kharmela- Zipha- Yuta

⁵⁶Yezrela- Yokdam- Zanoa

⁵⁷Kain- Gibea- Timna voomoo" joem nghoid da:. Hau: joem dangain" gi daxi: loem: nghoid wigi hau: aqei: ayam mo voogung joem we' bo da:.

⁵⁸Hahula- Bethzura- Gedora-

⁵⁹Marad- Bethanod- Eltekon voomoo" joem nghoid da:. Hau: joem dangain" gi khyug loem: nghoid wigi hau: aqei: ayam mo voogung joem we' bo da:.

⁶⁰Kiriad Bala (Kiriad Yoram) yo' Raba. Hau: joem dangain" gi eig loem: nghoid wigi hau: aqei: ayam mo voogung joem we' bo da:.

⁶¹Dain" phyoid yoo moo: Bed Araba- Midin- Sekhakha.

⁶²Nebshan- xoo" voomoo" yo' Engedi voomoo" joem nghoid da:. Hau: joem dangain" gi khyug loem: nghoid wigi hau: aqei: ayam mo voogung joem we' bo da:.

⁶³Nghoid loug we' Yuda byumyu" yigi Yerusalem moo: nyid boem da" Yebusi byu yiri ayo" khaid thu pyam nghoid ago" da:. Yebusi byu yigi hougmoo: Yuda byu yi yo' dage" nyid boem ashi".