Read Lashi YOSHU 19 Bible Online

YOSHU 19 - Lashi bible

YOSHU 19

¹Eig lheing: ein: lheing: ri Simun kung: mo yhoemkhung: yiri kho' gam byid: da:. Hau: mougmyid gi Yuda kung: bang: ri kho' gam byid: da" mougmyid ju" sho' nghoid da:.

²Hougmoo: Berasheba- Sheba- Molada-

³Hazara Shuala- Bala- Ezem-

⁴Elatola- Bethula- Horma-

⁵Ziklag- Bed Marakhabod- Haza Susa-

⁶Bed Lebaod- Sharuhem voomoo" joem nghoid. Hau: joem dangain" gi daxe: soem" loem: nghoid wigi hau: aqei: ayam mo voogung joem we' bo da:.

⁷Houg: lho: Ain- Rimon- Ethera- Ashan voomoo" joem nghoid. Hau: joem dangain" gi myid: loem: nghoid wigi hau: aqei: ayam mo voogung joem we' bo da:.

⁸He: voomoo" joem ri lheing khoem to" da" voogung joem dangain" zi bo wigi mougpyi: shoid Balad Bera (Rama) ju" sho' nghoid da:. He: zigi Simun kung: mo yhoemkhung: yi nyangnu" da" mougmyid jonu" khyo" kham: yu da" mougmyid nghoid da:.

⁹Yuda ri kho' gam byid: da" mougmyid gi ca" tho' je gyi: yoomo hau: mougmyid mo dadu ri Simun kung: bang: ri byid: pyam da:.

¹⁰Soem" lheing: ein: lheing: moo: Zebulun kung: mo yhoemkhung: yiri kho' gam byid: da:. Nyangnu" shau" yu da" mougmyid gi Sarid ju" sho' nghoid da:.

¹¹Houg mo zi mougkyoo" gi bidvang shoid mo zi Mareala- Dabeshed yo' Yokanam bidthu shoid mo gyid zoo: lang khyoo: ju" da:.

¹²Sarid bidthu shoid mo zi goo" shoid nghoid da" Khislod Tabora mougkyoo" khyoo: ju" lo" da:. Houg: lho: Daberad ju" sho yo' Yaphia khyoo: ju" lo" da:.

¹³Houg: mo zi bidthu shoid Gad Hephera yo' Ethkezin khyoo: xo' yhe: lo" wigi Rimon khyoo: ju" da" khyoo deing moo jo, da" Nea khyoo: lheing yhe: lo" da:.

¹⁴Mougzhung: shoid mo mougkyoo" gi Hanathon khyoo: lheing: lo" wigi Iptahela janggyoin: moo: lo" thang da:.

¹⁵Hougmoo: Katad- Nahala- Shimron- Idala- yo' Bedlehem voomoo" joem nghoid. Hau: joem dangain" gi daxe: eig loem: nghoid wigi hau: aqei: ayam mo voogung joem we' bo da:.

¹⁶He: voomoo" joem yo' hau: da" voogung joem gi Zebulun kung: mo yhoemkhung: yi nyangnu" mougmyid jonu" khyo" shau" yu boem da" mougmyid joem nghoid.

¹⁷Myid: lheing: ein: lheing: moo: Ishakha kung: mo yhoemkhung: yiri kho' gam byid: da:.

¹⁸Hau: mougmyid moo: Yezrela- Khesulod- Shunem

¹⁹Hapharum- Shion- Anaharad-

²⁰Rabid- Kishion- Ebeza-

²¹Remed- Enganim- Enhada- Bethpaze joem bo da:.

²²Mougkyoo" gi Tabora- Shahazuma- Bed Sheme joem khyo" wigi Yodan gyid lang moo: lo" thang da:. Hau: joyoo moo: voomoo" daxe: khyug voo yo' hau: aqei: ayam mo voogung joem bo da:.

²³He: voomoo" joem yo' hau: da" voogung joem gi Ishakha kung: mo yhoemkhung: yi nyangnu" mougmyid jonu" khyo" shau" yu boem da" mougmyid joem nghoid.

²⁴Wim: lheing: ein: lheing: moo: Ashera kung: mo yhoemkhung: yiri kho' gam byid: da:.

²⁵Hau: mougmyid moo: Helkad- Hali- Beten- Akhshab-

²⁶Alam Meleg- Amad- Mishala voomoo" joem bo da:. Bidvang shoid moo: Khamela yo' Shihora Libnad ju" sho' nghoid da:.

²⁷Mougkyoo" gi bidthu shoid khyoo: lheing: lo" wigi Bed Dagon khyoo: yhe: lo" wigi Zebulun yo' Iptahela janggyoin: moo: ju" lho: mougzhung: shoid Bethemeg yo' Niela khyoo: ju" da:. Hau: zigi xo' lho: mougzhung: shoid Khabula-

²⁸Ebron- Rehob- Hamon- Kana- Sidon ju" sho' nghoid da:.

²⁹Hau: thang: mougkyoo" gi Rama shoid khyoo: lheing: lo" wigi vang khyam: kyam' to" da" Turu voomoo" moo: lo" ju" da:. Houg: lho: hau: zigi Hosa khyoo: lheing: lo" wigi Meing: gung panglai: moo lo" thang da:. Hougmoo: Mahalaba- Akhzib-

³⁰Uma- Apheg yo' Rehob voomoo" joem nghoid. Hau: joem dangain" gi eig xe: eig loem nghoid wigi hau: aqei: ayam mo voogung joem we' bo da:.

³¹He: voomoo" joem yo' hau: da" voogung joem gi Ashera kung: mo yhoemkhung: yi nyangnu" mougmyid jonu" khyo" shau" yu boem da" mougmyid joem nghoid.

³²Khyug lheing: ein: lheing: moo: Napthali kung: mo yhoemkhung: bang: ri kho' gam byid: da:.

³³Houg: mo mougkyoo" gi Heleph mo zi Zananim joyoo mo shookhi" gam ju" sho' xo' wigi Adaminekeb ju" sho' xo' wigi Yamnia ju" sho' yo' Lakum ju" sho' nghoid wigi Yodan gyid lang moo lo" thang da:.

³⁴Hougmo mougkyoo" gi bidvang shoid khyoo: lheing: lo" wigi Aznod Tabora ju" sho' houg mo zi Hukog- mougpyi: shoid Zebulun ju" wigi bidvang shoid Ashera ju" sho' lho: bidthu shoid moo: Yodan gyid lang nghoid da:.

³⁵Vang khyam kyam' to" da" voomoo" joem gi Zidim- Zera- Hamad- Rakad- Khinered-

³⁶Adama- Rama- Hazora

³⁷Kedesha- Edrei- Enhazora-

³⁸Yiron- Migdalela- Horem- Bethanad yo' Bed Sheme voomoo" joem nghoid. Hau: joem dangain" gi daxe: gau loem nghoid wigi hau: aqei: ayam mo voogung joem we' bo da:.

³⁹He: voomoo" joem yo' hau: da" voogung joem gi Napthali kung: mo yhoemkhung: yi nyangnu" mougmyid jonu" khyo" shau" yu boem da" mougmyid joem nghoid.

⁴⁰Nyhed lheing: ein: lheing: moo: Dan kung: mo yhoemkhung: yiri kho' gam byid: da:.

⁴¹Hau: mougmyid moo Zora- Eshtaola- Irasheme-

⁴²Shalabim- Aiyalon- Ithala

⁴³Elon- Timna- Ekron

⁴⁴Elateke- Gibethon- Balad

⁴⁵Yehuda- Beneberag- Gathrimon-

⁴⁶Meyarkon- Rakon yo' Yopa aqei ayam mo mougmyid joem we' bo da:.

⁴⁷Dan byumyu" yi nyangnu" mougmyid ri soem" byug uri nyangnu" gi Laisha khyoo: gyi yhe: zain ago". Nyangnu" hau: ziri khaid oung: yu wigi houg: mo voobyu yiri said pyam da:. Houg: lho: nyangnu" mougmyid khyo" seing: yu ago". Nyangnu" houg: moo tam: nyid wigi voomoo" myeing Laisha ri Dan ga thid myheing pyam ago". Hau: myeing gi nyangnu" phoug" phyid" Dan ri cang wigi myheing to" zi nghoid.

⁴⁸He voomoo" joem yo' hau: da" voogung joem gi Dan kung: mo yhoemkhung: yi nyangnu" mougmyid jonu" khyo" shau" yu boem da" mougmyid joem nghoid.

⁴⁹Israela byumyu" yi mougmyid ri bain kho' gam lang" nyangnu" gi Num da" nya: yuggi zoo: Yoshu ri nya: mougmyid khyo" mougmyid dadu byid: ago".

⁵⁰ASEING wigi amyeing" byid: ziyo' dakhyo" nyangnu" gi nyang: mho' da" voomoo" nghoid da" Ephrim boem moug: mo Timna Sora ri byid: ago". Yoshu gi voomoo" ri doem zhug wigi hougmoo: tam: nyid da:.

⁵¹Khainjung Eleaza- Nun da" nya: yuggi zoo: Yoshu yo' Israela byumyu" kung: mo yhoemkhung: vhujhung: yigi Shilo mo ASEING da" shidkhoin" Zoem" khoem" duang moo: me" lab khyo" ASEING yo' tid kyeing wigi he: mougmyid ri kho' gam zi nghoid ago". Hid: su" khyo" wigi mougmyid kho' gam khyoo: ri athang: said boem ago".