Read Lashi 2 THESALONI 2 Bible Online

2 THESALONI 2 - Lashi bible

2 THESALONI 2

¹Nga" mang nhung" yi we"- yha" ASEING Yesu Khristu doem ju" ri" wa khyoo: yo'= Aseing: yo' dage" zoeb, foem: wa khyoo: yo' sen: wigi nanu" ri ngoo mho' kaid' nau zigi

²Aseing: doem ju" ri wa bidnyid ju" bye- ga: wigi byu yi tid da" dang: yoomo nanu" da" myid soin: khyoo: moo dalheing: dam nheigloem: myid nhoung lo" ziyo' amyen, akhyoid, lhu: khang lo zi abui" baja"- nanu" ri tid poin" tid kyeung" kaid'- houg: yhang: te" da" dang: gi ngoonu" lapi; dang: tid uri houg: su" anghoid lang" gi moug" soug" lhid" uri bo da" dang: nghoid wa"- ga: myid ri myid yu" goo" wa nghoid.

³Kha: khyo" nghoid loug we' nanu' ri hang" wigi we' ayo" mhoid" goo" baja"- khasu" wim gari thang" thang da" Mangsoo ri gyi koid zi abui" shi" ri ngarai" mung" khyoo: khyo, pyam' zi shau" wa nghoid nyid hau: akhyeung" su: athu' loo shi" da" uri hau" bidnyid ju loo zi anghoid.

⁴Nyang: gi; byu yi noku loem khau: nyid phara ein: ja: nyid moo nyid ri thoutheung shai" go" lho: nya: gung du: ri nyang: houg: dangain" da" atho' moo phung" yoeb, je boo su: nghoid ga: wigi tu: to' coung" nghei loo wa nyang: gi Mangso noku yhoem: khoug: moo lang" yhe: vang zhoung: jo, lho: wigi nya: gung ri nyang: Mangsoo: nghoid- ga: tid fu" nyid wa zi nghoid.

⁵Ngoo gi nanu" yo' dage" nyid shi" uri hid: bang: da" khyoo: dangain" nanu" ri tid kyo" yu" bye: ziri nanu" aboin: loo: goo" la".

⁶Houg: su" yhi' nghoid loug we' hau: khyoo; akhid" abue" loo sho' kyo' xeung ci: zi daja: ja: bo nyid hau: zigi ce: noem nghoid ziri nanu" si' gu nghoid bye- nya: ayo ju" lang" hau: akhyeing" su; gi thu' loo wa zi nghoid.

⁷Se, gyoo: ja: zau" yhoem" to" da" akhyeung" da" yoem: so' gI; akhid" lang" moo" zei: nyid bye- nghoid loug we' toem, xeung too" su; ri nya: joyoo mo thoid shu" pyam' da' ayo, aju" shi" ri hau: khyoo; bue" loo wa zi anghoid.

⁸Hau: thang: rigi he: da" akhyeing" su: ri myang thu loo wa zi nghoid- nghoid loug we' ASEING Yesu ju" re" uri gi hau: akhyeing" su: ri nya: nhoid' mo thu da" so' yo' said' pyam lho: nya: da" doug bang phung" yoeb, yo' lhu: mhoin' pyam wa zi nghoid.

⁹Hau: akhyeung" su: gi zhadain da" yoem: so' khyo" ju" ri wa zi nghoid. yoomo mhau' da" alhoo: again aja: ja: yo' mau" pho" moozoo" ri koid shug loo wa zi nghoid.

¹⁰Hau: tho' moo gootu: byo, yoin" shau" bang: da" atho' moo akhyeing" ashoeb, khyo: mhau' fain" vo da" khyoo: aja: ja: koid wa zi nghoid- nyangnu" gi khyoid yu shau" wa shid re" hau; deingmain" da" khyoo; ri alhoem: yu ziyo' avhoo: angei, boem yoomo nyangnu" nyang: byo, yoin" shid: joem: lo" boem wa zi nghoid.

¹¹Houg: su" nghoid yoomo hau: da" shoid vhang: khyoo: ri nyangnu" loem" jeung" boem sho' Mangsoo gi hau: yo" loem" shoid' nhang: da" yoem: so'- nyangnu" moo moo" ri zei; wa shid re" nhang: kaid.

¹²Hau: da" moo" thang: gi hau: deingmain" khyoo; ri aloem" jeing" wigi yoobo da" pyo: khyoo: moo cang loo" mo, dangain" gi tarha" dang: phyed, zi shau" boem wa nghoid.

¹³Aseung: da" jheddab mang nhung" yi we"- nanu" yoomo ngoonu" gi Mangso da" jeju" ri khanham we' yo" coung" nghei nyid baja"- Khasu" wim gari mangsoo: gi ngoonu ri gyeungshang: da" byu yi bue" loo nhang: da" venyi yoem: so' khyo" we'-deing main" khyoo: ri loem" jeung da" nanu" laloem lakhoug: we' xang: shed" mo, khyoid yu shau" bang: khyo" wigi nanu' ri khyen: yu bye.

¹⁴Mangsoo gi nanu" ri ngoonu" kho" kyo" da" hau: ngei bu: lu dang: khyo" wigi khe: yu zi nghoid bye- nyang: gi yha" da" ASEING Yesu myonhoo: phung" yoeb, khyo" nanu" kham: yu eung: da" gam, boem ri yo" yu goo" baja" ein: wigi khe: yu to" zi nghoid.

¹⁵Houg: su" nghoid yoomo mang nhung" yi we"- ngoonu" da" kho" kyo" mungdang: khyo" we' nanu" ri ngoonu" jhoug" byid: bye: da" hau: deingmain" da" khyoo; moo geing: geing: teing teing theung shang" yab, jo, lho: pu" lhang" too" be.

¹⁶Yha" da" ASEING Yesu Khristu nyang: yo' ngoonu" jheddab nyid da" phoo Mangsoo gi nya: jeju yo' ngoonu" ri geung: teung da" yoem: vhoo" khyo" ge, lho, da" nheig byu joyoo byid: too" bye.

¹⁷Nanu" ri we' ge, lho, da" khyoo:- khanham we' koid nyid wa ziyo' tid sang: wa shid re" yoem: teing byid: nyid boem.