Read Lashi 2 TIMOTHI 2 Bible Online

2 TIMOTHI 2 - Lashi bible

2 TIMOTHI 2

¹Nga" zoo: we"- yha" da" Aseing: Khristu Yesu moo dadeing: daloem: za: bue" lho: wigi kangso' dei khyoo: mo yo" yu da" jeju" moo yoem: bo nyid we'.

²Sagsi: myoo" sho' bang: da" shid' khoin" moo nga" jang" mo nang jhau" yu gyo: yu bye: da" jhoug" myeing" jhoug" thui: ri ci: lho: byu gooji" ri we' yo" doem, jhoug" byid: wa zi nghoid ein: wigi nang leom, ge" da" byu yi ri doem, thoid' ab, byid: wa.

³Khristu Yesu tho' moo nheigloem: zung" da" gyi zoonu" yhang: ti"- kyi" khyeug khyoo: ri bo kham: voin, we'.

⁴Gyimoo" voin, vu, nyid da" gyizoo: nu" dayug gi nya; atho' mo da" gyi zoug: phoo nheig shid: nheig deig sho' zei: noug yoomo gyizoo: yo" asen: da" mung" byu yi khyoo: moo-ayo" bo cang vang lhu: koung" keug yen" loo.

⁵Gei, shi, go" da" pui" moo bo vang gei shi, nyid da" sa" rhi, phoo dayug gi nyang: cang ca" da" thung" tarha" yo' dakhyoo" ti" acang lo" nghoid rigi coung" nghei ngi shab, jhung: shug ri shau" kham: yu wa zi anghoid.

⁶Yoothung" phoug khyam: koid su: we' shivoo: shiloem, xang: shed" shau" shab, yu wa gam, boem' shau" yu ca" nyid.

⁷Ngoo tid nyid khyoo: ri myid soin: yu" we' khasu" wim ga: ri Aseing; gi hau: khyoo: dangain" ri yo" se' da" emyid, nang ri byid: loo wa zi nghoid

⁸Ngoo kho" kyo" da" ngei bu: lu dang: moo bo ziyo' dakhyoo" ti"- shid: byug bye: bang: mo doem, dei to'' lo da" David da" akung: ako'' nghoid nyid da" Khristu Yesu ri boin: so" nyid we'.

⁹Khasu" wim ga: ri ngoo gi hau: ngei bu: lu dang: kho" kyoo" yoomo kyi" khyeug zi shau" nyid. youg: shau" jhen: bo nyid su: yhang: ti"- myheug tei" to" zilang" thoung" shau" nyid. Nghoid loug we' hau: Mangso da" mungdang: koem gi myheug tei" too" shau" nyid zi anghoid.

¹⁰Hougsu" nghoid nyid yoomo ngoo gi Mangso khyen: yu shau" nyid da" byu yi shid re" kyi" khyeug yau: khe" zi: kham' zo: nyid hougsu" kham, zo: nyid da" khyoo: gi nyang: nu" we' Khristu Yesu da" khoug: moo khyoid yu da" jeju" yo' hau: apyaid' atoo: mo da" myonhoo: phung yoeb, ri shau" kham: yu wa da" khyoo: nghoid.

¹¹He: dang: khoin" gi deingmain" da" dang: nghoid. Nyhang" gi nyang: yo' dage" shid: lo" boem nghoid rigi ‹‹nyhang" gi nyang: yo' dage' doem, dei to'' lo" boem nghoid rigi nyhang" gi nyang: yo' dage" doem, dei to'' lo boem wa zi nghoid nyid.

¹²Ngoonu" xo' lho: wigi kham' zeung nyid boem nghoid rigi ngoonu' nyang: yo' dage" mung" ri shau" vhoeb nyid boem wa zi nghoid.

¹³Ngoonu" gi nheigloem: azoung" boem nghoid loug we' nyang: gi nheigloem: zung" su: nghoid nyid. Khasu" wim gari nyang: gungt' du: ri nyang: mhau' lho, he: gyang pyam nyid su: anghoid.

¹⁴Byu yi ri khyoo: he: khaid ri tid poin" tid kyeung" nyid we' dang: tid ziyo' ngeug byo, go" khyoo: aboo wa shid re" Mangso da" shid khoin" moo nyangnu" ri thain: thain: zid" nhang: too" we'. Hougsu" hi: go" ngeug byo, go" nyid da" khyoo; gi ce" akyu" we' abo tho' moo agoo"- tam" gyoo: bang: ri lhu: phyo' lhu: shoin, byid: da" khyoo: za: bui" nhang: nyid.

¹⁵Nang koem gi nya: da" moozoo" moo ce" gyoug sho' cang abo da" moo" voin su: khyo" we' Mangso mungdang: ri deingmain" jo eung: khyo" kho" kyo" jhoug" byid: su: khyo" we' Mangso shoid' moomyo, nhoo: rua loo sho' yoem: so' bain' sho' yoem: kaid' nyid we'.

¹⁶Mangsoo yo' gang: go" loo" nhang: da" avoid avhu: anyhoin: athoung" moozoo" koid ziyo' akoo" afang: ga: tid da" dang: ri jang" pyam' nyid we'.

¹⁷Houg: yhang: ti" jhau" mhoo, byid: da" khyoo: gi gung shoo" ri zo: toung" lo" da" m ang: gam: nooboug: yo' du nyid. Hougsu" jhoug" byid: jang" moo bo da" byu eig yug gi Humeno yo' Philetu zheung: nghoid nyid ago".

¹⁸Nyang: nu" gi hau: deingmain" khyoo: mo vhang: lo" wigi ngoonu" da" dei to'' lo khyoo: gi bain" bue" lid loo" bye"- ga: tid nyid ziyo' byu dayham" bang: da" loem" jeung" nheigloem: ri lhu: nhung lhu: phyo' byid: pyam' bye.

¹⁹Nghoid loug we' Mangsoo zhoug too" byid: bye: geung" teung da" apoem: ayang; koem' gi dei loeb, yu: yen" nhang: zi anghoid. Hau" apoem: ayang: da" atho' moo hau: Aseing: gi nya: da" byu yi nghoid bang: ri se' yu" nyid.ga: wigi we' Aseing: yo' sen: su: nghoid,, ga: wigi tid bang; dangain" mo, gi shoid vhang: da" moo" dangain" ri she: pyam' khook goo" baja"- ga: wigi laxoem" dazid' lhid" tab to.

²⁰Gyi: sheung; da" yhoem: daloem: moo khu, bain' aja: ja: jo- dayham" gi ngei khu, yo' sheing: khu, - dayham" gi seig yo' koid zi myid zhoo" yo' koid da" khu, joem- dayham" gi myonhoo: ngeilang: shid re" yhoug: gyen: uri ci: wigi dayham" rigi khyi khang" moo" moo ci: da" zi joem nghoid nyid.

²¹Byu dayug yug gi tid lid loo bye: da" akhyeing" ashoeb khyoo: mo nyang: nya: da" gungdu: ri ced" san pyam nghoid rigi hau: yug gi Aseing: yhoug: gyen: khyo" soin nyheung to" da" khyoo: moo yo" bo ci: yhoung: da" zi bue" lo khasu" wim ga: ri ri nyang: gi ge, da" moozoo" ja" khang" moo" moo-bo zei: wa shid re" jen" jen" nghoid nyid.

²²Zoolu: ayo, mo nheigloem: aco' ajhoid khyoo: ri jang" pyam' lho: Mangsoo ri gyeungshang: da" nheigloem: yo' pang" thoug wa ga: mho' nyid mo, yo' dage" deing byeung" khyoo:- jheddab da" khyoo:- ngei pyo: myen, jham" khyoo: joem ri yoem kaid' cang sho: nyid we'.

²³Nghoid loug we' afang: akyi: koid ziyo' athung" azhug koid ngeig goo" yang: go" da" dang: khoin" joem ri jang pyam' nyid we'. Houg: yhang: te" mo, da" lo" thang jang" moo gi myeing" myoo; yhoo: she: da" khyoo: za: bue" lo nyid ziri nang se' nyid gu nghoid.

²⁴Hau" Aseing: da" dei zoo: yug koem gi myeing" myoo: yhoo: she: khyoo: age koid loo: za: nyang: gi byu dangain" ri nheig se' khyeug ziyo' nheigloem: sheung; wigi se' jhoug" se' mhoo, byid: da" sara: nghoid ca".

²⁵Nyhang" nyang: ri ngeug se: doin: lhoem" keung" lo da" byu yi ri so' koid so' nyheung: jang" moo nu" nham, sam" dab, khyoo: se' koid su: nghoid ca" nyid. Khasu" wim ga: ri nyangnu" gi nheigloem: thed' lo lho: hau" deingmain" da" khyoo: ri se' gyo: loo wa da" akhang"- Mangsoo gi nyangnu" ri byid: ri byid: loo wa zi nghoid.

²⁶Houg: lang" nyangnu" gi jo, da" khyoo: ri doem myang lo wigi boin: gyeung: lo lho: satan da" lhid' mo yo" loid lo boem wa zi nghoid. hau: gyeung: lo lho: satan da" hid' mo yo" loid lo boem wa zi nghoid hau; satan gi nyangnu" ri myeug yu wigi nyang: myid vho: da" khyoo: moo cang loo" nhang yu" bye: su: nghoid.