Read Lashi HEBRE 1 Bible Online

HEBRE 1 - Lashi bible

HEBRE 1

¹Goonham, da" apyaid moo Mangsoo gi ngoonu" da" phoug" phyid " yi ri dang: tid da" khyoo: myoo" sho' lheing- akhyoo" again aja: ja: khyo" lapi: yi da" nhoid mo tid kyo" lid loo bye.

²Nghoid loug we' he: da" lo" thang apyaid' ayo, moo koem gi nya: zo: nhoid mo wigi ngoonu" ri nya: mungdang tid too" byid: bye. Hau: nya: zoo: yo' nyang: jo, moo jo, ri phain" so: too" byid: bye. Lo" thang jang" moo gi mougmyid jo, moo jo, ri vhoeb khang" wa nyang: ri Aseing bui" wa shid re" khyen: nyheung too" bye.

³Nyang: gi Mangso myo, nhoo: phung" yoeb, ri thoin" pang shug wigi Mangsoo nya: da' gung du: azuang ri void ci: lho: wigi moug: myid yoosoo" yo' moug: khung moug: di bid kyi: lham" moo" dangain" ri nya: da" phung" yoeb, yoem: moo" bo da" mungdang: yo' zung" lhug goem coung: too" bye. Nyang: gi xang: su: byu yi da" youg: noo yooboo ri bain khyoid khyu: ced" yung" ced" lho, yu thang: ri moug: khung: moug: di tho' moo phung" yoeb, yoem: moo" bo Mangsoo da" lo, yo shoid moo zhoung: jo, bye.

⁴Nyang: ri Mangsoo byid: to" da" voolang myeing yung" khyang" gi Mouglagyoo: yi da" myeing tho' moo je reung su: bue" loo nhang: bye.

⁵Khasu" wim gari Mangsoo tid zigi nang gi nga" zoo: nghoid nyid da- akhid" nyid" ngoo gi re" phoo bue" loo bye- ga: Mangsoo gi kha: moug: lagyoo: ri we' khanham we' atid yu".

⁶Nghoid loug we' Mangsoo gi Nya: zoo: mang: moo" ri moug: myid tho' khyoo: nhang: kaid' wa ga:-soin' uri nyang: tid zigi "Mangso da" moug: lagyoo: yi dangain"- nyang: ri noku coung" nghei boem wa" ga: wigi tid to" abye:.

⁷Mangsoo gi mau lagyoo: yi da" khyoo: tid uri " Mangsoo gi nya: moug: lagyoo: yi ri lid' koid lho: Nya: dei zoo: yi ri dab, nyid da" myiyham: doem, koid- ga: tid.

⁸Hau: lho: nya: zo: khyoo: doem tid uri gi Mangsoo gi " Phoo, Mangsoo we"- re" da" mungdain apyaid atoo: dajo, jo wa Nang gi re" da" byumyu" yi ri tarha: nyeung vheung" khyo" vhoeb, khang" nyid wa zi nghoid.

⁹Nang gi deing byeung" khyoo: ri jheddab nyid wigi shoid vhang: khyoo: ri avhoo: angei nyid nghoid da. Houg: yoomo re" Mangsoo ein: da" Mangsoo gi nang ri khyen: yu lho: re" da" byencang" yi ri byid: tho' moo-je" gyi: gau, yi ein: da" mainkaid xu: joid byid: wigi tu: to' tu: coung" too" bye-" ga: tid.

¹⁰Hau: lho: nyang: doem tid zigi "Aseing we" xang: shed" moo mougmyid ri nang phain" to" lho:-re" da" lo, wi nyang:- mougkhung: moug: di ri koid too" bye.

¹¹Houg: bang: gi doem byug thang loo" wa zi za: nghoid- nghoid loug we' nang koem gi dageung: teung jo, wa zi nghoid.Nyangnu" dangain" mo, gi byimi, yhangti" phoojoid, bue" lo" byug boem wa zi za nghoid.

¹²Nang gi adang byi: ri yhang: ti"- deung: shoung: pyam' zi shug" lhoo: byimi yhag: ti" thid lo" wa nghoid loug we' nang koem gi dageung: teung jo, wigi Re" da" apyaid we' thang ga: zi jo, wa anghoid.

¹³Mangsoo gi nya: moug: lagyoo: yi ri doem tid zigi " Re" da" gyivoo joem ri re" da" khyid: nang: wa da" tang khug ngoo bui" nhang: jang" moo ju" sho' nga" lo, yo shoid moo dazhoung: jo, shi" we' ga: wigi kha: moug: lagyoo: ri we' khanham we' atid yu".

¹⁴Hougsu" nghoid rigi moug: lagyoo: yi gi hang" nghoid lha". Nyangnu" gi khyoid yu shau" da" agyid asoo: kham: yu bang: ri pang" thoug wa shid mo Mangsoo nhang: kaid' zi shau" da" Mangsoo ri noku nyid Venyi joem nghoid ago".