Read Lashi HEBRE 13 Bible Online

HEBRE 13 - Lashi bible

HEBRE 13

¹Nanu" gi khristain mang: nhung" nyang: cang" nghoid ziyo' dakhyoo" ti"- nyang: cang" nyang: jheddab go" nyid ge'.

²Nanu" da" yhoem: mo being" voo ri lhoem: kham: yu lho: byid: zhoo" byid: jhug wa ziri ato" myid' goo". Houg: su" byid: zhoo" byid: jhug mo, gi aboin: aso" zi moug: lagyoo: yi ri shau" doo" zho" kaid boem bye.

³Nanu" gi thung: moo loung" jo, mo, ri dage" thung: bo lung" mo, yhang: ti" nyangnu" ri daboin: nyid ge'. Nyhang" nyang: kyi" khyeug zi shau" nyid yhang: ti"- kyi" khyeug shau" nyid mo, ri daboin: so" nyid ge'.

⁴Lo, xo' khyoo: rigi byu dangain" mo, phau" myang: coung" nghei byid: nyid boem yoomo yhoem: seing: phoo yhoem: seing: myhi' gi dayug yo' dayug- zed" lhed' nyid boem ca"- Mangsoo gi akyang" byo, yoin" lho: myi: lhoid' lang lhoid bang: ri Tarha" dang: phyed loo wa zi nghoid.

⁵Nanu" da" kangso' gyung: khyoo: moo ngei ri myono, vhoo: bo jang" moo abo cang loo" loo: za: te: yo" gu: yo' nheig deug nyid gi bye- Khasu" wim gari Mangsoo gi " Ngoo nang ri khanham we' ato" pyam' ashe: pyam wa ga: tid nyid.

⁶Houg: su" nghoid nyid yoomo " Hau" Aseing: gi ngoori pang" thoug su: nghoid, ngoo ce" ja" ri we' gyoug aca"- ngoori hang" ciyo" koid wa lha". ein: wigi nheigloem: kyung: kyung: ngoonu" tid nyid boem shang.

⁷Nanu" ri Mangso mungdang: tid kyo" lid loo bye: da" shid' phyang" mo nanu" da" khyoo: shed' vhu" she: loo bye: mo, ri myed boin: nyid ge'. Nyangnu" khasu" kang: so' dei nyid boem lho: Khasu" shid: lid no lid lo" boem ziri myed boin: myed so" wigi nyangnu" loem" jeung" lo da" akhyoo" joem ri khoo" shid: yu" yu nyid ge'.

⁸Yesu Khristu gi anyi nab, akhid" nyid"- thang: phyang" apyaid atoo: moo we' - dakhyoo" ti" danyid nyid.

⁹Shid' phyang" alhoung myang yu"- alhoung gyo: yu" da" jhau" mhoo, byid: da" khyoo: joem ri tungbau byumyu" yi gi nanu" ri hau: deingmain" khyoo: mo ashu" hang: lam" loo" nhang: goo. Zoo: noem, yo' sen: da" cang yhe: tarha" ri tam" gyo: cang pyeung khyoo: anghoid loo: za: Mangso jeju" mo yoem: so' ri yo" kham: yu zigi je ge zi nghoid.

¹⁰Yuda byu yi da" noku jo, yoomo - xoin" to' byid: da" khainjung yi gi ngoonu" da" phoin: tho' mo ce: ja: ri nghoid loug we' zoo: wa da" akhang" ayo" boem nghoid da.

¹¹Yuda khainjung agyi moo" gi gougnyhoug da" suid" ri yooboo khyoid da" xoin" khyo" wigi gyeungshang: thang da" joyoo khoug: khyoo: ci: vang loo" nghoid loug we' hau: gougnyhoug da" xoin" mang joem rigi dab, nghe: shoid moo lhoung nghe, pyam ago".

¹²He: khyoo: yoomo Yesu we' nya: da" suid" yo' byu xang: su: yi ri Youg: noo yooboo mo ced" shang: yu wa shid re" voogung nghe: shoid' moo shid: kham: abye:.

¹³Hougsu" nghoid yoomo ngoonu" we' - voogung nghe: shoid mo nya: jhang khyoo: bo thu' yhe: lo" lho: nyang: kham' zo: da" asho, ashid: aphoug" akhyoid' koid ziri coem kham zo: boem shang.

¹⁴Khasu" wim gari he: da" moug: myid tho' moo ngoonu" shid re" geung: teung da" joyoo ajo, yoomo thang: phyang" ju" loo wa da" voogung ri ngoonu" dasho: nyid boem.

¹⁵Houg: su" nghoid yoomo ngoonu" gi nyang: ri ngoonu" da" Aseing: nghoid ein: yhen: yu da' nhoid joem yo' jeju" ri coung" byid: da" ngoonu" xoin" joem ri ASEING Yesu khyo" wigi Mangso jhang khyoo: khanham we' dangei" byid: nyid boem shang.

¹⁶Ge, da" moozoo" moo nanu" nyang: cang" nyang: pang" thoug goo" wa da" khyoo: ri ato" myhed pyam goo. Khasu" wim gari houg: yhang: te" da" xoin" gi Mangsoo vho: ngei nyid xoin" nghoid.

¹⁷Nanu" ri khyoo: shed' vhu" shu" she: nyid mo, da" dang: ri tam" gyo: nyid lho: wigi nyangnu" tid to" da" dang: khoin" joem ri cang yhe: loo" ge'. Nyangnu" ginyang: nu" zei: byid: loo bye: da" moo" zo" zhayen" joem ri Mangsoo ri toin" shid boem wa zi nghoid wigi nyangnu" gi nanu" da" nheigloem: ri anoo: ayab, loo: zung" lhug nyid. Nyangnu" dang: ri nanu" tam" gyo: nyid boem nghoid rigi nyangnu" zei: da" moozoo" ri-gau, yi ziyo' zei: boem wa zi nghoid. Houg: su" anghoid rigi nyangnu" nheig koug ziyo' zei: boem wa nghoid wigi nanu" shid' re" ce" akyu" we' yo" ze" bui" goo" wa zi anghoid.

¹⁸Ngoonu" shid re" anoo: ayab, loo: akyu" mho' nyid ge'. ngoonu" gi ngoonu" nya: da' phug soo" lheig myid yu" e" myed gi gyeing" gyeungshang: shang: nghoid da" khyoo: ri loem" jeung" nyid boem. Khasu" wim gari ngoonu" gi ayo, loem: khang" moo" moo deingmain" da" moo" zei: nau nheigloem: bo nyid boem.

¹⁹Mangsoo gi ngoorinanu" jhang khyoo: phyed' doem" ju" ri" nhang: wa shid re" soo" soo" nyang: akyu" mho' goo" baja" - ein: ngoo nanu" ri joug jhoin" lho: mho' kaid' zi nghoid.

²⁰Nya: kangso' ri xoin" to' pyam' lho: shid: kham: ziyo' apyaid atoo: moo dang: theing go" to" da' dazig ri thung" bye: yoomo Yang phung: yi da" yang lhug zoug: moo" ein: da" ngoonu" da" ASEING Yesu ri Mangsoo gi shid: jang" mo doem dei to' loo nhang: bye. Nanu" gi nyang: myid vho: khyoo: ri yo" cang dei: loo" wa shid mo nanu" moo ca" nyid da" khyoo: khaid khang" moo" ri-ngei pyo: Aseing: Mangsoo gi nanu" ri joeb, byeung" loo nhang: baja"- Aseing: gi nyang: myid vho: ziyo' dakhyoo" ti"- Khristu da" gang mo nanu" ri joeb, byeung" loo nhang: loo nhang: bye. Yesu Khristu moo myonhoo: phung" yoeb, gi apyaid atoo: dajo, jo, baja" o".

²²Mang: nhung" yi we"- he: da" yoem: byid: tid poin" tid kyeung" nyid da" mungdang: ri kham, zeung: ziyo' tam" gyo: yu wa shid' mo ngoo nanu" ri mho' sang: kaid. Khasu" wim gari ngoo nanu" jhang khyoo: lhid" kaid da" he" mougsoug" gi gye" sheung: zi anghoid.

²³Ngoo nu" da' mang: nhung" phoo Timothi gi thung: yhoem: mo loid, thu lo da" khyoo:- nanu" ri si nhang: nau. Nyang: gi nga" jhang khyoo: ayo, myhi: ju" re" nghoid rigi nanu" yo" we' shau" goo" wa shid' mo ngoo ju" re " uri nyang: ri ngoo yo' dage" bo shu" ri" wa.

²⁴Nanu" da" khyooshed' vhu" shi: bang: dangain" yo' Mangsoo da" byumyu" dangain" bang: ri bo vhu" byid ge'. Itali mung" mo mang: nhung" yi gi nanu" ri vhu" kaid ago".

²⁵Mangso jeju" gi nanu" dangain" bang: yo' dage" dajo, jo, baja" o". TINGNAM 14. 2. 2002