Read Lashi HEBRE 6 Bible Online

HEBRE 6 - Lashi bible

HEBRE 6

¹Houg: su" nghoid nyid yoomo nanu" gi Khristain yi da" loem" jeung" khyoo: apoem: ayang: lhid" cab, myhi, yi ri to" pyam' kho boem lho: loem, khau: khyoo: moo nheig bo- gyi: deung loo bye: mo, yo' young" du, joeb byeung" gyi: sheung: da" jhau" mho' khyoo: khyoo:- byi, ce" yhe: lo" boem loo: shang.

²Babtisma kham: khyoo:- lo, ke" aya: tang: byid: khyoo:- shid: jang" mo doem dei to'' lo da" khyoo: yo' apyaid' atoo: moo tarha" dang: phyed' khyoo: ri apoem: ayang: mo wigi doem poug jhau" nyid anoo" loo.

³Akhid" Mangso akhang" byid: nghoid ri gi ngoonu" he: khyoo: ri zei: lo" boem wa nghoid.

⁴Khasu" wim gari hau" loem" jeung" da" khyoo: mo dalheing: doem, phoug tau" loo" bye: bang: gi nheigloem: dalheing: doem thed' loo wa shid re" khasu" se' ge, bui" loo wa. Nyangnu" gi Mangso da" bidbang moo dalheing: nyid yu" bye: mo, nghoid wigi Moug: khung: mo jeju" jhung: shug ri da lheing: bain ca yu" bye: ziyo' hau: gyeungshang: da" Venyi ri dalheing: coem, kham: yu yu" bye: bang: nghoid nyid boem.

⁵Hau: lho: nyangnu" gi Mangso mungdang: ge zi nghoid ziri we' thang: phyang" pyaid yo' sen: da" myonhoo: phung" yoeb ei: we' yoem: vhoo: ri we' nyang: tu: nya: gung du: nyang- shau" kham: zo: lho: se' yu bye: bang: nghoid nyid boem.

⁶Nghoid loug we' nyangnu" gi nyang: nya: da" loem" jeung" loem, khau khyoo: ri she: pyam boem bye- nyangnu" gi Mangso da" nya: zoo: ri pyang" zeing moo dalheing: doem baid jen" lhang" lho: mung" byu yi da" shid' khoin" moo aphoug" akhyoid' sho' thu' nhang: boem yoomo nyangnu" ri nheigloem: doem thed' loo wa da" shid re" gi kha: su" we' age bui" loo.

⁷Myoo" sho' lheing: vo, shoin" byid: da" moug: gyid' ri kham: yu lho: phoug shoo" mo, shid' re" akyu" bo da" shivoo: shiloem, joem ri youg gyi: loo nhang: da" myid' jang: ri Mangsoo gi mainkaid jeju" byid: nyid.

⁸Nghoid loug we' hau" myidjang: gi zugam yo' myo, gam ri za: youg thu' loo nhang: nghoid rigi ce" akyu" we' abo tho' moo agoo"- Mangsoo da" nheing" khoin" yo' gyoug pho" khyoo: za: thoung" shau" lho: myi: moo nghe, jhoem" pyam' shau" wa nghoid.

⁹Jheddab, bang: we"- ngoonu" hid: su" ein: da tid nyid nghoid loug we' nanu" yo' sen: lho: ngoonu" gi gye" myid loem, nyid nanu" gi hau: khyoid yu khyoo: yo' sen: lho: je" ge, da" khyoid yu khyoo: ri yo" yu ziri ngoonu" se' nyid bye.

¹⁰Khasu" wim gari Mangsoo gi atarha" koid nyid su: anghoid- nyang: gi nanu" zei: so' voin, vu, lid loo bye: da" moozoo" ri we' Aseing: ri jheddab khyoo: toin" shid' wa shid re" lid loo" bye: da" ayo, mo zi akhid" ju" sho' phung byu nyang: cang" pang" thoug go" da" khyoo: ri we' Mangsoo gi to" myhed' pyam byid: wa zi anghoid.

¹¹Ngoonu" myid vho: nyid da" khyoo: zeing gi nanu" nheig byu nyid boem da" khyoo: byeung" joeb, lo da" jang" moo ju" sho' yug khang" moo" gi nyang: nyang: vho: ngei nyid da" khyoo: ri za: lo" thang moo ju" sho' geung: teung jo, nhang: wa shid re" nghoid.

¹²Ngoonu" gi nanu" ri nei" mo, abue" loo" nhang: noug- nghoid loug we' loem" jeung" khyoo: yo' nheigloem: sheung: wigi Mangsoo dang: soo" to" da" agyid asoo: ri kham: yu bye: bang: yhang: ti" bue" nyid ge'.

¹³Mangsoo gi Abraham ri dang: soo" khoin" byid: to" uri Nya: dang: soo" khoin" yo' dakhyoo" ti"- nyang: koid wa da" khyoo: ri je gyi: thang da Mangsoo mying ri lang jham, tang: to.

¹⁴Ngoo gi nang ri gyeing" nyang: mainkaid byid: lho: amyed Ahsen yi myoo" sho' byid: wa"- ga: dang: soo" too" bye ga: wigi tid.

¹⁵Abraham gi kham, zeung: ziyo' lang" nyid yoomo Mangso dang: soo" khoin" yo' sen:- agyid asoo: ri shau" kham: yu bye.

¹⁶Byu yi gi jham, tang: go" da" uri nyang: nya: tho' moo je gyi: su: dayug yug da" myeing ri lang: lho: lhoung tang: go" ziyo' nyangnu" nyang: ngeig goo" gyang: go" da" khyoo: dangain" ri hau: jham, tang: go" dang: yo' lhoung zei: pain pyam ago".

¹⁷Mangsoo gi nyang: myid soin' nyheung lo" da" khyoo: joem ri thed' pyam'- shai" loo" nhang: wa zi anghoid loo: za: dang: soo" khoin" yo' sen: da" agyid asoo: kham: yu mo, ri bang bang toin" shid' nau nyid. Houg: yoomo nya: da" dang: soo" khoin" moo jham, tang: dang: lung: kaid to.

¹⁸Mangsoo gi mhoug su: anghoid- houg: yoomo nya: da" dang: soo" khoin" yo' nya: jham, tang: khyoo: eig khaid gi khanham we' athid' loo"- ashai" lo" da" dang: eig khoin" nghoid nyid. Hougsu" nghoid yoomo nyang: moo nghe: khau: lho: goem, loem khyoo: yo" yu mo, ein: da" ngoonu" gi ngoonu" ri byid: to" da" nheig byu joyoo ri geing: geing: zei: lho: pu" lhang" too" wa shid mo yoem: lung: byid: zi shau" boem bye.

¹⁹Ngoonu" gi hau nheig byu joyoo ri ngoonu" da" kangso' dei khyoo: moo joto' nghui" zeing daloem: yhang: ti"- yo" kham: yu boem bye. Hau: zigigoem, loem, khyoo: yo' geung: teung khyoo:- nghoid wigi moug: khung: tho' mo noku yhoem: yo' pain" yam, akhau: shoid mo yab, khyoo: yo" kyang lid vang lo" boem bye.

²⁰ASEING Yesu gi ngoonu" da" gung thid'- hau: joyoo khyoo:- ju" vang loo" bye: zi nghoid yoomo Melikhizedeg da" khainjung nyhoug boo yoomoo- apyaid' atoo: mo khainjung agyi moo" bue" loo bye.