Read Lashi 1PETERU 2 Bible Online

1PETERU 2 - Lashi bible

1PETERU 2

¹Houg: su" nghoid yoomo nanu' gi age da" khyoo: aja: ja: yo' mhau' fain" da" khyoo: aja: ja: - ayid void da" khyoo:- no" zo dang: tid ziyo' juang" yi dang: joem ri she: pyam' loo: ge'

²Aseig co' phyed' to" da" zoonu' yi yhang: ti"- nanu" we' Venyi noug" gyeing" ri khanham we shug nau nyid ge'-- Hougsu" nghoid lang" she, nanu" gi gyi: sheung: lo lho: khyoid yu zi shau" boem wa nghoid.

³Jhoem: mungdang: moo gi Aseing: gi khayhi' mo nheig se' khyeug nyid khyoo: ri nanu" nyang: se' abye: go"- ga: tid to.

⁴Houg: yoomo Aseung: jhang khyoo: tain" tab loo ge' nyang: gi kangso' dei nyid da" lung moo" beom nghoid. Hau: lug moo" boem' gi ce: phoug" adab ga: byu yi gi khyen: pyam' too" nghoid loug we' Mangso wigi phoug" dab, ga: khyen: yu bye.

⁵Nanu" gi kangso' dei nyid da" lug moo" boem' khyoo" Mangso jang" moo re" lho: Venyi yhoem: moo" zhoug to" jang" moo akyu bo da" lug loem: bue" loo nhang: ge'. hau: da" venyi Noku yhoem: moo" moo nanu" gi Mangsoo vho: ngei da" venyi xoin" ri Yesu Khristu khyo" wigi-xoin" to' byid: da" gyeungshang: khainjung yi bue" loo wa nghoid.

⁶Khasu" wim ga: ri jhoem: mungdang: moo ngoo gi phoug" dab, da" lug daloem: ri khyen: yu lho: Zi-on boem tho' moo yhoem: jhoin: mo geung: teung lug moo" boem- khyo" zhoug too" bye- nyang: ri loem" jeing" mo, hang" we' gyoug sho' zi shau" wa anghoid- ga: wigi lhid" to".

⁷Loem" jeung" mo, nanu" shid re" gi hau: lug moo" boem, gi gye" phau" zi nghoid. Nghoid loug we' aloem" ajeung" mo, shid re" gi lug yhoem: zhug mo, khyen: lhei" to" da lug loem" gi yhoug: gyen: thang da" yhoem: jhoin: mo geung: teung da" lug. Loem: bue" loo bye.

⁸Gootu: da" jhoem: mungdang: daloem: moo gi hau: lug loem: gi byu yi ri khyid: vhu" thoung" leung nhang: da" lug loem: yo' nyangnu" ri leung loo" nhang: da" lug zeing ga: lhid" to". Houg: bang: gi Yesu da" lu dang: gi, ri atam" gyo: boem yoomo thoung" thue: leung lo" boem bye- Hau: khyoo: koem gi Mangsoo nyheung to" da" khyoo: nghoid.

⁹Nghoid loug we' nyangnu" koem gi moug: coid' khoug: mo wigi nya: da" mau" pho" bidbang khyoo:- nanu' ri khe: yu su: Mangso da" mau" pho moozoo" ri tid fu" loo" wa shid re" khyen: yu to" da" byumyu"- Khokham" da" khain: jung yi gyeungshang: da" byumyu" yo'

¹⁰Mangsoo seung: ci: da" byumyu" yi nghoid bye. Nanu" gi xang: shed" ri Mangso da" byumyu" anghoid- akhid" koem gi Mangso da" byumyu" nghoid bye- xang: shed" ri nanu" gi nheig khyeug zi shau" mo, anghoid- nghoid loug we' akhid" koem gi nanu" nheig khyeug zi shau" boem bye.

¹¹Ngoo jheddab da" bidnoem yi we"- nanu" ri he: da" mougmyid moo gyung: so" nyid da" tungboug yi yo' phang: yen" mo, ri yhang: ti"- ngoo nanu" ri mho' kaid, nanu" gi khanham we' kangso' ri meing: zain: nyid da" gung shoo" vho: khyoo: moo nanu' da" gung du: ri meing: zain: nyid da" gung shoo" vho: khyoo: moo nanu" da" gung du: ri ab, pyam' ge'.

¹²ASEING Yesu ri aloem" jeung"- aloem, khau: mo, gi nanu" ri age da" moo" ri zei: nyid mo, nghoid ga- yooboo foin: nyid uri nanu" koid ge da" moozoo" ri shau" yu" myang wigi Yesu doem gyoo" lo da" bidnyid moo Mangsoo riyo" coung" nghei byid: goo" baja"- nanu" gi nanu" nya: da" shid' khoin" moo ge, lho, da" asam" aved, yo' kang: so dei nyid ge'.

¹³Aseung: da" myonhoo: ri tu: yu" lho: byu yi zhoug to" da" zoug: yi dangain" mo, da" vhoeb, khang" da" khyoo: ri tam" gyoo: byid: ge'. Gyi: thang da' amyeing" akhang" ci: da" khokham" zeing yo'

¹⁴Age da" moo" zei: mo, ri dam byid: wa ziyo' ge da" moo" zei: mo, ri coung" byid: wa da" mung" zoug: yi ri tam" gyoo: ge'.

¹⁵Nanu" gi nanu" nyang: zei: wa ge da" moozoo" yo' ci" ase' da' byugang: yi da" nhoid ri myhed" pyam' byid: wa shid re" we' Mangsoo myed vho: nyid zi nghoid.

¹⁶Nanu" gi loid byoin, loo" mo, khyo" zei: so' nyid yab ge'- nghoid loug we' akhyeing" ashoeb, khyoo: ri nghoeb, too" wa shid' re" nanu" da" loid byoin, akhang" ri aci: goo"- nghoid loug we' nanu" gi Mangso da" join, yi yhang: ti" zei: so' nyid ge'.

¹⁷Byu danghoid moo nghoid rigi phau" myang: nyid ge'- loem" jeung" da" mang nhung" gootu: yi ri jheddab nyid ge'- Mangsoo ri gyoug phau" nyid ge'- Khokham" yi riphau" myang: nyid ge'.

¹⁸Dei zoo: yi we"- nanu" da" yhoem: seing: yi vhoeb khang" khyo" cang nyid ge, nheigloem: ge lho: se' pang" se' thug mo, ri za: we' anghoid- akhyeing" ashoeb da" yhoem: seing: yi ri we' phau" gyoug nyid ge'.

¹⁹Nanu' gi Mangsoo vho: ngei nyid da" khyoo: joem ri si' byid: lho: athoung" shau" moin: da" yaukhe" kyi" khyeug da" khyoo:- nanu" thoung" shau" lo boem nghoid loug we' nyang: vho: khyo" myed boin: lho:-zeung: kham, nyid ri Mangsoo gi nanu" ri mainkaid jeju" byid: wa zi nghoid.

²⁰nanu" gi nanu" nyang: koid shoid da yooboo yoomo kham' moin: da" yoobo dam ri kham' zo: nyid nghoid rigi nanu" ri hang wigi se' coung" byid: wa nghoid loug we' deingmain" da" moozoo" yoomo yaukhe" kyi" khyeug da" dam kham nyid nghoid rigi Houg: yoomo Mangsoo gi nanu" ri mainkaid jeju" byid: wa zi nghoid.

²¹Hid: yhang: ti" kham zeing: wa shid re" Mangsoo gi nanu" ri khyen: yu too" bye- khasu" wim gari Khirstu da" khyid: khoo: moo yo" cang loo" wa shid' re" nya: gung nyang: nanu" shid re" kyi" khyeug kham lho: nanu' shid re" khoo" shid: koid too" bye.

²²Nyang: gi ce: yooboo we' akoid yu"- nya: nhoid mo mhau' da" dang: dakhoin" we' atid' yu".

²³Nyang: ri subi" juang" yi nyid uri-ce" dang: dakhoin" we' aphoug tu"- nyang: ri dam kaid' shen" yhen lo da" uri kyoug nhain' wa da" dang: atid- deingmain" tarha" dang: phyed' wa da" Mangsoo moo nheig byu loem" jeung" nyid.

²⁴Ngoonu" gi youg: noo yooboo ri she: pyam kho lho-deing main" mo, khyo" kangso' yo" dei nyid wa shid re" nyang: gi ngoonu" da" yooboo ri nya: gung du: moo nyang: voin, lho: pyang" zeing tho' khyoo: yhe: loo" bye-

²⁵Ngoonu" gi Yesu da" dam noo joem mo-noo ge lo boem bye. Khasu" wim ga: ri nanu" gi yang joem yhang: ti"- khyoo: vhang: vhang: lo" byug boem bye- nghoid loug we' akhid" koem gi hau" yang lhug zoug: moo" yo' nanu" da" kang so' ri zung" byid: su: jhang: khyoo:- cang loo" wa shid' re" doem shu" lo zi shau" bye.