Read Lashi 2 Yohan 1 Bible Online

2 Yohan 1 - Lashi bible

2 Yohan 1

¹Phung ludaid' phoo mo wigi deingmain" khyo" ngoo jheddab nyid da" Mangsoo khyen: yu da" myiyi: myhi yo' nya: zooyi jhang khyoo: dang: pyeung: kaid. Nang ri ngoo za: we' anghoid- deungmain" da" khyoo: ri se' ci: bang: dangain"- gyeing" nyang: jheddab nyid boem.

²Khasu" wim ga: ri deing main" da" khyoo: gi ngoonu" yo' dage" nyid nyid lho: houg: gi ngoonu" yo' dajo, jo, wa zi nghoid.

³Phoo, Mangsoo jang" mo we' hau' nya: pho, da" nya: zoo:- Yesu Khristu jang" mo we' jeju" yo' nheig khyeig shoo" myen: khyoo:- ngei pyoo: myen, jham" khyoo: gi-deing main" ziyo' jheddab khyo" wigi nanu" moo bue" loo baja" o".

⁴Re" zooyi dayham" gi phoo Mangsoo gi ngoonu" ri amyeing" tarha" byid: too" bye: ziyo' dakhyoo" ti"- hau: deing main" da" khyoo: moo kangso' dei cang yhe: lo" boem yoo mo ngoo gyi" sho' gau yi ngei pyo: nyid.

⁵Hougsu" nghoid yoomo jheddab da" myi: yi: myhi, we"- nanu" nyang: cang" dayug yo' dayug jheddab goo" wa shid re" ngoo nang ri mho' tung" pain: kaid. hid: akhid" ngoo lhid" kaid' da" khyoo: gi amyeing" tarha" nyang: nghoid bye.

⁶Akhid" ngoo tid nyid da" jheddab khyoo: ein: zigi Mangso da" amyeing" tarha" ri tam" gyo: cang yhe: lho: kangso' dei nyid khyoo: ri tid zi nghoid nanu" dangain" bang: xang: shed" ayang: mo nyang: shau" gyo; yu bye amyeing" tarha" gi nanu" dangain" mo, gi jheddab nheigloem: yo' kangso' dei nyid ca' ein: da" khyoo: nghoid.

⁷Yesu Khristu gi byu gung shoo" void ci: lho: ju" re" ziri;- ngeug pyam' da" mhau' yen" mo, byu myoo" sho' mougmyid' gyab, goem: sho' moo thu' lo" boem bye- houg: yhang: te" da' byu yi gi;- mhau' yen" mo, yo' Antikhristu

⁸nghoid nyid Ngoonu" zei: to" da" moo" ri nanu" aci: phyug loo: za: nanu" da" vhu" kung: phoug" ri byeung" sho' shau" kham: yu goo" baja"-

⁹Nyang: tu: nya: gung ri lhed' zed' nyid ge'. Khristu da" jhau" mho' khyoo: moo acang da" hau: ziri rue lid lo" bang: hang" nghoid loug we' Mangsoo yo' asen: loo:- hau: da" jhau" mho' khyoo: ri khanham we' d acang nyid bang: hang" nghoid loug we' nya: phoo yo' we' nya: zoo: yo" we' sen: su: nghoid nyid.

¹⁰Byu dayug yug gi nanu" jang" moo ju" re" lho: hau: jhau" mho' da" khyoo: ri aci: nghoid rigi hau: yug ri nanu" da" yhoem; moo avang nhang" goo"- nyang: ri ngei pyo: nyid baja",, ein: lang" atid' goo".

¹¹Khasu' wimgari houg; su" being" lhoem: si' su hang" nghoid loug nyang: koid da" age khyoo: moo bo vang loem' su: nghoid nyid.

¹²Ngoo nanu" ri tid nau da" khyoo; myoo" sho' yo" nghoid loug we' mougsoug" phyu: yo' lhid" cid" ci: lho: anau, lhid" loo. Hau: gung khoo: nyhang" ngei pyo: gau yi da" khyoo:- byeung" sho' yo" yu boem wa shid' re" nanu" jang" moo ju" re" wigi nhoid yhoo: yo' shau" doem, goo" wa ziri-ngoo nheig byu nyid.

¹³Mangso wigi khyen: yu shau" da" nang jheddab myhi, be: da" zooshang: yi gi nang ri vhu" kaid' boem ago".