Read Lashi 3 Yohan 1 Bible Online

3 Yohan 1 - Lashi bible

3 Yohan 1

¹Phung ludaid' phoo ngoo mo wigi gye" jheddab nyid da" Ge-u jhang khyoo: mougsoug" lhid" kaid'.

²Nga" da" jheddab mang nhung" phoo we"- re" da" venyi moo yang" zain" nyid ziri ngoo se' nyid ziyo' dakhyoo" ti"- nang gi khyoo: khaid gu: khang" moo" moo ngei pyo: oung: doid lo" lho: gung shoo" moo yang" zain" nyid wa shid re" ngoo akyu" mho' byid: nyid.

³Nang gi khanham we' deingmain" da" khyoo: moo nang khayhi' zed" lhed' lho: kangso dei nyid da" khyoo: ri Khristain mang nhung" yi dayham" zheung: ju" re" wigi tid kyo" da" uri ngoo atho' tid loo: sho' gau yi nyid.

⁴Nga" zooyi- hau: deingmain" da" khyoo: moo cang so" lo" nyid ga: da" lu dang: shau" gyo: da" tho' moo gootu: je gau yi jang: gi ajo, loo.

⁵Nga" da" jheddab bidnoem phoo we"- gootu: khristain mang nhung" yi ri nyangnu" gi tung bau mang nhung" yi danghoid nyid shi" ayo, mo wigi nang bo pang" bothoug ce: ja" moozoo" moo nghoid loug we' nhid boo loem: leung" nyid bye.

⁶Nyang: nu" gi re" da" jheddab nheigloem: yo' zei: so' khyoo: ri hid: moo re" tid fu" sag si: kham, nyid boem ago". Mangsoo nheig shid: nheig deug khyo" nyangnu" da" gyung: khyoo: moo yo" xo' so" loo" goo" baja"- jeju" yo' nyangnu" ri pang thoug kaid' shi' ge'.

⁷Khasu" wim ga: ri nyangnu" gi aloem" ajeung" da" tung: bau, byu yi jang" mo pang" thoug ziri akham: yu loo: za: Khristu da" moozoo" moo so" yen" bang: nghoid boem ago".

⁸Houg: su" nghoid yoomo hau: da" deingmain" moozoo" moo nyangnu" yo' dage" moo" bo pang" voin, mo, bui" goo" baja"- ngoonu" Khristain yi gi hid: bang: ri bo pang" thoug boem ca.

⁹Hau: phung khyoo: ngoo mougsoug" dajhi' lhid" kaid' bye- nghoid loug we' nyangnu" da" vhu" jhung: koid nau da" Diotriphi gi ngoo tid kaid' da' thui: ri tam" gyoo: byid: wa zi anghoid.

¹⁰Ngoonyang: ju" ri lang" she' nyang: zei: shoid lo" khyoo: ri tid thu' kyoo" byid: wa zi nghoid. Nyang: gi ngoonu" ri gye" akhyeung" da" dang: yo' mhau' da" dang: ri tid nyid hau: gu: za: we' nya: shid re" agi" boin: shi" yoomo Khristain mang nhung" yi zheung: ju" re" uri nyangnu" ri alheom: tau, yu tho' moo agoo"- nyangnu" ri loem: kham: yu noug bang: ri we' nyang: toem, pyam' lho: phung mo khaid thu' pyam nyid.

¹¹Nga" da" jheddab bidnoem, phoo we"- age khyoo: ri anghoid loo: za: ge da" khyoo" ri khoo" shid' yu lho: cang nyid we' ge da" moo" ri zei: su: gi Mangsoo ri amyang asi shi" su: nghoid nyid. .

¹²Byu yug khang" moo" gi Demetri da" ge khyoo: ri sag si: kham' byid: nyid ago". Nyang: cang zei: so' lo" da" khyoo: we' hougsu" deingmain" nyid ngoonu" ri we' sag si: kham' lung: byid: nyid boem wigi ngoonu" da" sag si: kham' dang: we' deung jo, zigi nang se' nyid.

¹³Ngoo nang ri tid wa dang: myoo" sho' boo shi"- nghoid loug we' mhug khyung" mhung youg: yo' anau lhid" loo.

¹⁴Kha: myhang amyang" ri nang yo' nyang: shau" goo" wa ein: - ngoo nheig byu nyid houg: lang" she' yha" eig youg nhoid' yo" nyang: shau" doem' goo" wa zi nghoid.

¹⁵Nang ngei pyo: nyid baja" ga: re" da" bidnoem seing" tain" yi gi nang ri zheung: vhu" kaid' ago". nang we' ngoonu" da" bidnoem, seing" tain" yi ri nanyang: cang vhu" byid: we'.