Read Lashi Pang Shug 1 Bible Online

Pang Shug 1 - Lashi bible

Pang Shug 1

¹He: da" jhoem: mungdang: gi Yesu Khristu da" pang shug byid: khyoo: ri lhid" xoem" to" da" khyoo: nghoid. Mangsoo hid: su" pang shug da" khyoo: gi Ade: myang" loo: ri bue" thu' loo wa da" khyoo: nya: dei zoo: yi yo" se' toin" shid' byid: nyid. Khristu gi nya: moug: lagyoo: yi ri nhang: kaid khyo" nya: dei zoo: Yohan ri he: khyoo: se' nhang: ziyo'

²Yohan ginyang: shau" myang yu khyoo: ri doem tid khyo" hid: moo bo da" khyoo: joem gi Yesu Khristu khyo" Mangsoo jang" mo pang shug da" mungdang: joem nghoid.

³He: moozoo" gi bue" loo wa da" ayo, jhang loo bye: yoomo he: mougsoug" ri nghab su: gi ngi: lhoo' wa. Hau: lho: he: da" lapi: dang: ri tam" gyoo: su: yo' he: mungdang: moo lhid" too" moo too" ri cang yhe: loo" su: gi ngi lho, nyid.

⁴Ngoo Yohan gi Asia mung" mo phung nyhed loem bang: jhang khyoo: mougsoug" lhid" kaid. Goo" nham, pyaid he: da" pyaid thang: phyang" pyaid khanham we' dangid nyid da" Venyi: nyhed youg jang" mo we'

⁵Kyed' da" sagsi: phoo- shid: jang" mo xang: shed" doem dei to'' yu zi shau" da" mougmyid Khokham" yi ri vhoeb khang" nyid da" Yesu jang" mo nghoid loug we' jeju" yo' myenjham" khyoo: ri nanu" shau" kham: yu goo" baja"- nyang: gi nanu" ri jheddab yoomo shid kham: khyo" wigi ngoonu" da" youg: noo yooboo mo loid byoin loo" nhang: lho:

⁶Nya: phoo Mangso da" moozoo" ri yo" voin, vu, wa shid re" ngoonu" ri khainjung aya ab, byid: da: Yesu Khristu gi moug: khathang myid khathang moo myonhoo: phung" yoeb zoug: myeing" zoug: thui: gi pyaid moo too: moo dabo jo, baja" o"- Amen.

⁷Yu" ge'. nyang: gi jhoem: moug" zhoung: lho: doem gyoo" loo wa nghoid. Aseing: ri lham: toin wigi thoug" bang: yo' dage" Byu yi dangain" mo, gi shau" myang boem wa zi nghoid. Moug: myid tho' mo byumyu" bain sho' mo, gi nyang: yoomo ngau yed, leung lo" boem wa zi nghoid. Houg: su" bue" loo baja" o".

⁸Goo nham pyaid he: da" pyaid thang: phyang" apyaid moo ju" sho' danyid nyid da" athang agoin yoem: moo" bo Aseing: Mangsoo gi da tid nyid. Ngoo gi xang: shed" su: we' lo" thang mo su: we' nghoid- ga: tid nyid.

⁹Ngoo gi Aseung: mungdain yo' Aseung: byumyu" yi kham, zo: nyid da" yaukhe" kyi" khyeug shen" yhen khyoo: ri nanu" yo' dage" bo kham, zo: nyid su:- nanu" da" mang: nhung" phoo Yohan nghoid. Ngoo gi Mangso da" mungdang: yo' Yesu toin" shid to" deingmain" da' mungdang: ri kho" kyoo" yoomo Paidmu gugyoo: kang: moo yhe: de" pyam' zi shau" jo.

¹⁰Aseung: da" bidnyid ri - Venyi: moo ngoo bo lo" byug wigi ngoo gi laboo" zeing moid myheung te" da" thui: ri nga" nung thang moo tid nyid zi shau" gyo.

¹¹Hau: da" thui: gi nang yo" myang yu bye: da" khyoo: joem ri mougsoug" bug moo lhid" kaid to" lho: Ephesu voo- Samurna voo Pegamu Thuatira Sardi Philadephia yo' Ladoki voo moo zheung: nyid da" phung nyhed loem: bang: jhang khyoo: foin: kaid' we' ga: tid.

¹²Houg: ngoori ji nyid su: ri shau" myang sho' ngoo houg: su" lheung: yu" kaid' ri sheing: myibung: nyhed loem: yo'

¹³Hau: myibung: joem da" agung moo gi byu xang: su: yhang: te" zi dayug ri ngoo myang- hau: yug gi nya: khanheig ju" da" byisheing: ri void ci: wigi yang gang moo sheing: phyid" cu" ri cu" ci.

¹⁴Nya: da" xam: gi phyu: da" yang moug" yo' gyu: yhang: ti" phyu: jo. Nya: myojid" gi myiyham: doem, yhang: ti" dab, nyid.

¹⁵Nya: da" khyid: gi myi thung: moo nhe, kyeung to" da" gyid: gyeing" yhang: ti" ne, jo. Nya: da" thui: gi gye" gyi: da' gyid lung" gyoo" thui: yhang: ti" myeung nyid.

¹⁶Nya: lo, yo lo, moo gi kyi: nyhed cab, zhoeb ci- nya: nhoid mo gi sham: soo" eig shoid tho' da" lhab, sham: thu nyid nya: da" myonhoo: gi nyid" gung bid moo" su: bang nyid.

¹⁷Hau: yug ri myang lang" nya: da" khyid: yang: moo shid: su: yhang: ti" ngoo leung lo- nyang: gi nya: lo, yo lo, nga" tho' moo ki" byid: lho: Agyug- ngoo gi xang: shed" mo su: we' - lo" thang mo su: we' nghoid- ga: tid.

¹⁸Ngoo gi dadei nyid su: we' nghoid- ngoo shid: bye: nghoid loug we' apyaid atoo: moo ngoo dadei nyid shid: loo" no lo" da" khyoo: yo' moo vo, mau: da" atho' moo we' vhoeb, wa amyeing" ngoo yo.

¹⁹Houg: yoomo nang shau" myang bye: da" khyoo: ri we' akhid" jo, jo, gu: ri we' thang: phyang" bue" loo wa khyoo: ri we' lhid" too" we'.

²⁰Hid: nang myang da" nga" lo, yo lo, moo kyi: nyhed cab, yo' zhoung: to" da" sheing: myibung: nyhed loem: da" zau" to" dangkang: gi hid: su" nghoid. Hau: sheing: myibung: nyhed loem: we' phung nyhed loem nghoid.