Read Lashi Pang Shug 11 Bible Online

Pang Shug 11 - Lashi bible

Pang Shug 11

¹Ki, wa shid re" jam, pheing" yang: yo' du da" voosi" dakhaid- ngoori byid: lho: tid zigi Yhi: we', noku yhoem: moo" yo' xoin" to' phoin: ri we' ke' yu" we' Hau: yhoem: moo" moo noku nyid mo, ri we' nghab yu' we'.

²Nghoid loug we' noku yhoem: mo" nghe: shoid mo vang" ri koem: gi aki, ja"- Khasu" wim garihau: zigi tungbau byumyu" yi ri bain byid: too" bye: zi nghoid. Nyangnu" gi hau: gyeungshang: da" voomoo" ri lham" moo" myid: xe: eig khyab, ju" sho' nang: zeug ci: wa zi nghoid.

³Jid: moo" byimi void ci: da" nga" sagsi: eig yug ri ngoo nhang: kaid' wa Nya: eig yug gi bidnyid 1260 nyid agyoo: moo Mangso mungdang: ri lapi: dang: khyo" kho" kyoo" wa,, ga: tid.

⁴Hau: da" sagsi: eig yug gi mougmyid ri vhoeb khang" nyid da" Aseung: shid khoin" moo zhoung" to" da" Myibung: eig loem: yo' zhain: lun eig gam, nghoid.

⁵Hau: sagse: eig yug ri dam, tab wa ga: byu dayug yoem: kaid' yu" nghoid loug we' nya: eig youg da" nhoid mo myiyham: thu' re" lho: hau: gyivoo yi ringhe, jhoem" pyam wa. Nya: eig yug ri dam, tab wa shid re" yoem: kaid' lo mo, dangain" ri we' houg: su" said' pyam' zi shau" boem wa nghoid.

⁶Nya: eig yug gi Mangso mungdang: kho" kyo" nyid da" ayo, dangain" moo moug: avoo wa shid re" moug: khung: rimyhed" too" wa da" akhang" yo".nya: eig yug gi gyid ri we' suid" yo' bui" nhang: wa yoem: we' bo lho: nya: eig yug vho: khyo" mougmyid tho' moo shid: gyoin, noo gyoin aja: ja: kha: u" vho: ri kha: u" yo" koid kaid da" amyeing" we' yo" ago".

⁷Nghoid loug we' nya: eig yug bain kho" kyo" thang: rigi no, athang: da" duang: khuang" khoug: mo akhyeung" da" gougnyhoug zeing thu lo wigi nya: eig yug rioung: pyam lho: said' pyam' zi shug " wa nghoid.

⁸Nya: eig youg da" mang gung gi nyangnu" da" Aseing: ri baid' jen" said' pyam da" voomoo" zeing mo fu" moo" khyoo: gung moo she: lheung: to" boem wa nghoid. Hau: voomoo" zeing gi-Sodam voo anghoid lang" gi Egutu ein: da" mung dang: ved, bo nyid.

⁹Mungdain loem: khang" moo" moo nyid da" myeing" acang: joeb, kaid' da" byumyu" yi aja: ja: mo mung" byu yi dangain" gi nya: eig youg da" mang ri myhoeb shung: wa da" akhang" ayoo". Soem" nyid" dakhyoug ju" sho' yu" go" nyid boem wa nghoid.

¹⁰Moug: myid xang: su: byu yi gi Lapi: eig yug shid: yoomo gau, yi ngei pyo: pui" koid lho: nyang: cang" nyang: jhung: shug jhung: lang: foin: go" nyid boem wa zi nghoid. Khasu" wim gari hau: lape: eig yug gi moug: myed, xang: su: byu yi tho' moo yau: khe" jamjau gye" byid: yoomo nghoid.

¹¹Hau: soem" nyid" dakhyoug thang loo" lang"-nya: eig youg jang" moo Mangso jang" mo kangso' doem vang loo yoomo zung" za: doem to' yab jo, ago". Hau: eig yug rimyang mo, dangain" gi gyoug nain" nyid boem ago".

¹²Hau: thang: ri lapi: eig yug gi " He: joyoo khyoo: do, loo ge",, ga: moug: khung: khyo" nya: eig yug ri gyi" sho' yoid da" thui: ri shau" gyo: ago". Nya: eig youg da" gyivoo yi gi dazoung" nyid shi" uri nya: eig yug gi jhoem: moug" thei" mo wigi - moug: khung: khyoo: do, loo" khari" bye: ago".

¹³Hau: thang: daso' ri nyang:-myid leig zeing leug lo wigi voomoo" zeing gi xi: boem mo daboem gu: byo, yoin" lo" lho: byu nyhed khyeing" gi said' pyam zi shau" boem bye. deug nyid mo gi gyoug dain' boem wigi moug: khung" Mangso gyi: thang phung" yoeb, ri coung" nghei nyid boem.

¹⁴Eig ja: ein: da" joem: lo" khyoo: gi thang loo" bye- nghoid loug we' soem" ja: ein: da" joem: lo" khyoo: gi amyang" ri doem, ju" loo wam: bye.

¹⁵Hau: thang: ri nyhed, yug ein: da" moug: lagyoo: gi nya: laboo" ri doem moid kaid' lang" moug: khung: mo thui: zeing myeung thu lo zigi mougmyid' ri vhoeb, khang" da" amyeing" gi ngoonu" da"Aseing: we' Meshia da" lo, khoug: khyoo: vang loo" bye: wigi apyaid' atoo: moo vhoeb khang" nyid wam: bye: o"- ga: tid.

¹⁶Hau: uriMangso da" shid' khoin" mo zhung: tang tho' moo zhoung: jo, da" ludaid' yi eig xe: myid: youg bang: gi Mangso shid khoin" moo nyangnu" da" myonhoo: ri goeb, khyo, lho: Mangsoo ri coung" pid' zoore" tid nyid boem zigi

¹⁷Akhid" pyaid moo we' thang: phyang" pyaid moo we' " Dageung: teung jo, da" yoem: moo" bo da" Aseing: Mangsoo we"- Nang gi nanya: da" zoug: myeing" ri ci: lho: davhoeb, khang" nyid yoomo ngoonu" gi re" da" jeju" ri coung" nghei nyid boem o".

¹⁸Tung: boug ginheig khoo" yo: nyid ago"- Khasu" wim gari nang nheig yo: da" ayo, ju" lo lho: shid: bye: bang: ri dang: phyed' wa da" ayo, ju" bye:. Re" da" dei zoo: lapi: yi yo' Re" da" byumyu" yi nang ri gyoug phau" nyid mo, nge zoo: gyi: zoo: dangain" ri ngi shab, jhung: shug byid: wa da" ayo, we' mougmyid' ri lhu: phyo' bang: ri phyo' shoin, pyam wa da" ayo, we' ju" loo bye: o"» ga: wigi tid nyid boem.

¹⁹Hau: thang: ri moug: khung: tho' moo noku yhoem: moo" gi khoem" bang" loo" khari" yoomo houg: moo jo, da" Dang: Theing Kuid: ri ngoo myang. hau: thang: rilhab, myeug lo wigi moug: goem: goem: da" thui: zeing myeung lo ziyo' myid leig we' leug lo lho: leig voo khyo, moug: moo" vo, da" zi houg: moo bue" loo bye.