Read Lashi Pang Shug 20 Bible Online

Pang Shug 20 - Lashi bible

Pang Shug 20

¹Hau: thang: ri moug: lagyoo: dayug gi no, athang da" joyoo mo khoem" thoug" yo' jo to' jang coo" doem, zeing ri nya: lo, moo ci: lho: moug: khung: moug: di mo gyoo" lo ziri ngoo myang.

²Nyang: gi yu yo' satan: nghoid da" goonham, mo lhang: myu, ein: da" main, jung: zeing ri tei" yu lho: zain, nyid dakhyeing" ju" sho' tei" too" bye.

³Mouglagyoo: gi hau: yug ri zain' nyid dakhyeing" zain lid loo" sho' mung" byu yi ri ayo" mhoug: loo: baja" ga: hau: no, athang da: duang: khuang" khoug: khyoo:- nyang: rikhyo, kaid' to" wigi hau: duang: khuang" ri myhed" to" ziyo' hau" atho' moo dazid' ri baid' to. Hau: zain nyid dakhyeing" zain lid loo" lang" gi nyang: ri daso' zoo: doem phoid: kaid' wa zi nghoid.

⁴Hau: thang: moo zhung: tang joem ri ngoo myang kaid- hau" zhung: tang tho' moo zhoung: jo, mo, gi dang: phyed wa da" amyeing" yem: so' yoo" mo, nghoid nyid boem. Hau" tho' mo gootu: ASEING Yesu da" sagsi: kham, yoomo we' Mangso mungdang: yoomo we' zain: said' zi shau" mo, yo' hau: da" akhyeung" da" goug: nyhoug ri we' nya: da" alhoo: ri we' abo no" mo, yo' nya: da" laxoem" nghab youg ri nyangnu" da" ngeilang: yo' lo, moo abo tab ci: mo, da" soo" byoo joem ri ngoo myang. Nyangnu" gi doem, dei lo boem wigi zain nyid dakhyeing" ju" sho' Khristu yo' dage" vhoeb khang" nyid boem wa zi nghoid.

⁵(Deung jo, da" byu shid: yi koem gi hau" zain nyid dakhyeing" athang loo" shi" uri gi adoem dei to'' lo boem shi") He: zigi shid: bang: ri xang: shed" moo doem dei to'' loo nhang: da" khyoo: nghoid.

⁶Xang: shed" doem dei to'' lo phung: moo yo" boo su: gi ngi: lhoo' su:- gau, yi zi shau" su: nghoid- eig lheing: shid: da" khyoo: gi nyangnu" ri ayo" vhoeb, khang" loo. Nyangnu" gi Mangso da" khainjung yi yo' Khristu da" khainjung yi nghoid boem wa nghoid wigi hau' zain nyid dakhyeing" Khristu yo' dage" yo" vhoeb, khang" nyid boem wa zi nghoid.

⁷Hau zain nyid dakhyeing" lid loo" lang" gi satan ri thung: mo doem nhang: kaid' zi shau" wa zi nghoid wigi

⁸Hau" satan gi moug: myid gyab, goin" jang" mo Goga, yo' Magoga, ga: da" byumyu" yi ri meing: shu" zain: wa shid re" mhau' khe: zheing" wa ga: thu' yhe: loo" wa zi nghoid- houg: bang: gi nam mug dara mo mid' coo: su" myo: zi nghoid boem.

⁹Houg: bang: gi mougmyid' goem: sho' yoeb, do, lo wigi Mangsoo byu yi dab, yo' nya: jheddab da" voogung rilheung khoem' to" boem bye.Nghoid loug we' moug: khung: moug: di mo myi: gyoo" lo wigi nyangnu" rire" nghe, jhoem" pyam' bye.

¹⁰Hau: thang: rinyang: nu" ri mhau' da" main: yu we' myi: yo' fang nge" nyid da" thoem" khoug: khyoo:- du" khyo' kaid' zi shau" bye- hau: jang" moo hau" akhyeung" da" gougnyhoug ni zeing yo' mhau' da" lapi: joem we' loung" jo. Nyang: nu" ginyid" rimyen" ri kyi" kyeig shau" nyid ziyo' apyaid' atoo: moo daloung" jo, boem wa nghoid.

¹¹Hau: thang: moo phyu: da" zhung: tang yo' hau: tho' moo zhoung: jo, su: ri ngoo myang- Nya: da" myo, shid' ti: mo wigi mougmyid yoosoo" yo' moug: khung: moug di gi bei: loo" khare" lho: hau: eig ja: gikhanham we' adoem myang loo.

¹²Hau: lho: wigi shid: lo" byug bye: mo, gyi: zoo: nge, zoo: gi hau: zhung: tang shid khoin" moo to' yab, jo, boem ziri ngoo myang. Houg: lang" mougsoug" bug joem ri we' phang to" boem Kangso' mougsoug" ga: da" mougsoug" bug gootu: ri we' phang to. Shid: loo" bye: mo, gi nyang: nya: da" aved' asam" yo' dakhyoo" ti"- moug soug" bug moo lhid" to" khyo" canglho:- tarha" dang: phyed' zi shau" nyid boem ago".

¹³Houg: lang" nam mugdara gi nyang: moo bo da" byu shid: joem ri doem, toug" byid- shid: no khyoo: yo' moovo, moug we' nyang: tu: nyang: moo bo da" shid: mo, ri doem toug" byid: boem- byu dangain" bang: ginyang: nu" nyang: zei: loo bye: lo, moo" yo' dakhyoo" ti"- tarha" dang: phyed' zi shau" nyid boem.

¹⁴Houg: lang" shid: zoug: yo' moovo, moug: gi hau" myi: gyid' thoem" moodu" zei, pyam zi shau' ago". (Hau" myimi: thoem" gieig lheing: ein: shid: da" khyoo: nghoid.

¹⁵Kang: so' mougsoug" pug moo myeing aboo mo, hang" we' hau" myimi: thoem" moo du" zei, pyam zi shau" nyid.