Read Lashi Pang Shug 6 Bible Online

Pang Shug 6 - Lashi bible

Pang Shug 6

¹Hau: thang: ri nyangnu" gi dazid' nyhed loem: mo daloem: ri phang kaid boem rigi ngoo myang da" gougnyhoug myid: ja: mo daja: gi moug: goem: thui: ti" ga: da" thui: khyo" loo we',, ga: ziri ngoo shau" gyo.

²Ngoo lheung: yu" kaid ri myang: phyu: dadu: ri ngoo myang- hau: tho' moo myang: ju: ju: su: gi lid: daphu" ci: lho: bidmug we' zhoung" ci: wigi oung: loo" su: dayug yhang: ti"- oung: pyam' wa shid re" myang: ju: ju: thu' lo da.

³Hau: thang: ri yang nu" gi dazid' eig loem: ein: da dazid' ri doem phang kaid' uri eig du: ein: da" gougnyhoug gi " Loo we' ,, ga: tid ziri ngoo shau" gyo.

⁴Houg: lang" myang: ni, dadu: doem thu lo- hau: myang: tho' moo zhung: su: gi nyang: cang" nyang: said' go" lho: mougmyid tho' moo meing: byo, gyi thu' loo nhang: wa shid re" yoem: vhoo" yoem: so' byid: to"- sham: moo" dacam" ri we' nyang: ri ri byid: too" bye.

⁵Hau: thang: ri nyangnu" gi soem" loem: ein: da" dazid' ri doem phang kaid' da" uri soem" ja: ein: da" gougnyhoug gi" Loo we', ga: tid thui: ringoo shau" gyo. Ngoo lheung: yu" kaid' ri myang: no, moo zhoung: jo, da" sarhi' phoo gi nya: lo, moo jang daphu" ri zei: ci.

⁶Gougnyhoug myid ja" da" agyoo: mo thu' lo te" thui: ri ngoo shau" gyo:- hau: da" thui: gi " Sung: soo dakhu, ri danyid" da" vhu" kung: phoug" yo" byid:- yoono, soem" khu' we' danyid da" vhu" kung: phoug" yo" byid:- nghoid loug we zhain: lun khyam: yo' zabyid khyam: ri alhu: phyo' pyam goo" ga: tid nyid.

⁷Xo, lho: hau: yang nu" gi dazid' myid: loem: ein: wa loem: ri doem phang kaid' da" uri myid: ja: ein: da" gougnyhoug thui: ri ngoo doem shau" gyo:- Hau: gougnyhoug tid zigi " Loo we' ga: tid.

⁸Ngoo lheung: yu" kaid da" uri shoem" shid: yed, da" myang: dadu ri ngoo myang- hau: tho' moo zhoung: jo, da" sarhi' pho myeing. gi shid: zoug: ga: zi nghoid- nya: da" thang: moo gi moovo, moug: cang lo nyid. nyang: gi mougmyid myid: boem mo daboem moo nyid da" byu yi ri meing: byo, gyi koid go" khyo" zooyoid phang" khoug zeing khyo" nooboug: phyoo" boug: zeing yo' myeung khuid" zeig ni zeing khyo" wigi shid: joem: no thang loo" nhang: wa da" yoem: so' yo" ci.

⁹Hau: thang: ri nyangnu" gi wim: loem: ein: da" dazid' ri doem phang kaid' uri Mangso mungdang: ri kho" kyo" yen" ziyo' jhug zug loem" jeung" da" sagsi: ri kham, yoomo said' pyam' shau" mo, da" soobyoo venyi: joem ri hau: xoin" to' da" phoin: gyid" moo ngoo myang.

¹⁰Nyangnu" thui: zeing yo' nyho: tid nyid zigi gyeungshang: da" yoem: moo" bo ziyo' deingmain" da" Aseing: we"- myidjang: tho' moo nyid mo, ri ngoonu" shid re" suid" phoug" latoo: phug byid: wa Nang khamyhang ju" sho' dang: aphyed ashen" yhen, loo: za: nyid nyid wa la"» ga: myed: nyid boem.

¹¹Nyangnu" yug khang" moo" ri byiphyu: sheing: dayug dakhyab, byid: lho: nyangnu" ri yhang: ti" said' zi shau" wa da" moo" zei: byen cang" yi yo' Khristain mang nhung" yi joeb lo da" bidnyid ju" sho' daso' zoo: doem myen, jham" wa shid re" tid to.

¹²Hau: thang: ri yang nu" gi khyug loem: ein: da" dazid' ri doem, phang kaid uri ngoo myang zigi myid' leig gyi" sho' leug lo lho: bid moo" khyab, gi ceug no, da" kung: yid pain" su" no, loo" khare" wigi lham" moo" khyab, we' suid" su" ne, loo" khare".

¹³Moug: khung: mo kyi: joem we' ug lid' moo" hau, lid lo" ri houg: mo amyheing shi" da" lafoem, shi" joem shu: gyo" pyam yhang: ti"- myidjang: tho' khyoo: shu: gyo" pyam' gye:.

¹⁴Moug: khung: gi mougsoug" deing: ri deung: lhoem" lo" yhang: ti"- byug loo" khare" lho: - boem, lang yo" gugyoo: kang: joem dangain" gi nya: joyoo mo hei" loo" khare" zi shau" nyid.

¹⁵Hau: thang: ri gi mougmyid tho' mo Khokham" joem- mung" zoug: yi gyi zoug: zeing yi, yoo" mo, di mo, yo' yoem: boo so' boo mo, join, yi yo' loid byoin, mo, dangain" gi'- lug khyung: joem yo' boem moug: mo lug ug joem moo gau" loung: jo, lho:

¹⁶Boem yi yo' lug ug joem ri yoid khe: zigi " Ngoonu" da" atho' moo gyo" baid' zeug lho:-m zhung: tang moo zhoung: jo, su: yo' yang nu" da" nheigkhoo" yo: nyid da" myonhoo: mo ngoonu" ri nghoeb, too" byid: ge, o"- ga: mho' yoid nyid boem ago".

¹⁷Mangsoo yo' yang nu" da" nheig no, yo: lo da" bidnyid nghoid abye:"- houg: moo hang" yo" theung shang" kham: yab, jo, wa lha".