Read Lautu Chin 1 Thesalon 1 Bible Online

1 Thesalon 1 - Lautu Chin bible

1 Thesalon 1

¹Paul, Silas hne Timote ta, ma Paa Khazing hne Abyipa Zingsuv Khrih huopa ta a cuopa, Thesalonika khy lie a awpa khrihsaabuv tie'a luo kha caa maca paphya yi. Vihnyina hne diena ca nama cunglie aw mangsue.

²Niema bangkhuo kawlieta Khazing kha ci li ta pathuosa pate thlaa maca chuopa pari yi.

³Zangna ta nama hriepa re, duena ta nama hriepa re hne ima Byipaapa Zingsuv Khrih'a lie a cusa pata namaa nguopuona zaw kha maa thyi pari.

⁴Tahematapakieca, Khazing ta duepa uvnu hne sieta zaw,[1] ama ta acaa tlawpa yi kha ma pachang.

⁵Tahematapakieca, niema'a luo thuophaabie ma vya chiykhyipa hing bie dyi ta cuo li pata cahrana hne Thlaapa Pathe hne biehmisipa a cuopa kha pachangpasiena hneta a cuo. Niema cuota nama hrawlie ma aw ning kha tuokhaapaapa cawsaa tama macuo tapa ca malie nama pachang.

⁶Kiema hne Abyipa kha malie a mangpuo ung cate hrisaathieruena chunglie a cuo raalaa pata thuophaabie kha Thlaapa Pathe ta aca pipa yi alawna hneta nama cuhluo.

⁷Cacuonakawta niema ca Masidonia hne Akhaia lie a awpa zangtuv tie cuota a mangpuo tluo a tlapa ta nama cuo.

⁸Tahematapakieca, niema'a taata a vya hrawpa Abyipa bie ca Masidonia ruo hne Akhaia ruo luo dyi kha cuo li pata ruo ting khata a ze te, Khazing nama zangnapa ca ama pachang nakawta capa kaw ca kiema ri hmuo a hu va tli.

⁹Tahematapakieca ama pe lie a awpa tie khata niema hrawlie ma aw ningta tuokhaatama malie nama cuhluo tapa kaw hne kuvtuezuv abiena taata Khazing'a luo namaa vya palina kaw hne a hringpa hne a hmisipa Khazing re nama hriena kaw cuose,

¹⁰thiyna taata pathu pakhaapa hne a vaw riypa Khazing hihaana taata malie a khuotuv a Saacapaa Zingsuv vuoruo taata aa zuv riypa zaw nama huona kaw kha malie ama chang.