Read Lelemi Ala Kalɔ Buse 36 Bible Online

Ala Kalɔ Buse 36 - Lelemi bible

Ala Kalɔ Buse 36

¹Esau ɔni basɔ baalɔ lɛnɔ banii Edom lɛlɔ kɔtɛ na bɔdubo bunu mɛni.

²Esau úti beleku ɛtɛ bani nási Kanaan. Udeedi ndi Ada ɔni ɔti ndi Hitini ɔni baalɔ Elon. Na uleku unyɔdi na baalɔ Oholibama. Nwuna ɔti ndi Ana, na nwuna nana ɔnana ndi Sibeon ɔni ndi Hewini.

³Na uleku ɔtɛdi ndi Basmat. Na ɔti ndi Ismael na ɔnwani ulekubi ndi Nebaiot.

⁴Ada ɔ́wɔ Eliƒas úte Esau. Na Basmat ɔ́wɔ Reuel úte-nwu.

⁵Na Oholibama ɔ́wɔ Yeus ku Yalam ku Kora úte-nwu. Bebi bammɔ na báwɔ béte Esau na Kanaan.

⁶Esau úti nwuna beleku ku bebi bananabi ku belekubi ku nwuna kaduli bekyuli ƒui ɔ́tɔlɔku kesii kani na ɔ́kya mmɔ. Lɛni kani na úti nwuna bebuo ƒui ku nwuna akɛla ani ƒui na ɔ́bla na Kanaan mmɔ na ɔ́tɔlɔ úsie kalɔ bamba lɛlɔ na ɔ́gyunku ɔnwani Yakob ƒui.

⁷Bana inyɔ ala ani bebo emomo geen ɔsu ni, balakana likuku linwi bulie. Na kalɔ kani lɛlɔ na bakya mmɔ keledu bana bebuo akpa anyɔ ammɔ bɔdi.

⁸Ɔmmɔ ɔsu Esau, ɔni basɔ baalɔ Edom, ɔ́tɔlɔ úsie abi kalɔ kani baalɔ Seir lɛlɔ.

⁹Esau ɔni nédie kaba kani ndi Edom kadi bekyuli na Seir lɛlɔ kɔtɛ na bɔdubo bunu mɛni.

¹⁰Na nwuna bebi anyi ndi Eliƒas ɔni na ulekudi Ada ɔ́wɔ úte-nwu. Ubi ɔbambadi ndi Reuel. Na Esau ulekudi ɔni baalɔ Basmat náwɔ-nwu.

¹¹Na Esau ubidi Eliƒas bebi bani na ɔ́wɔ ndi Teman ku Omar ku Seƒo ku Gatam ku Kenas.

¹²Eliƒas ɔmɛni lɛnɔ ubo uleku bamba ɔni baalɔ Timna. Anwu lɛnɔ ɔ́wɔ ubi ɔni baalɔ Amalek. Bebi bammɔ ndi Esau bawɔ bani nálɛ bási ulekudi Ada bebi bɔwɔ kemmo.

¹³Na bawɔ bani na ulekudi Basmat ubidi Reuel ɔ́wɔ ndi Nahat ku Sera ku Sama ku Misa.

¹⁴Esau ulekudi bamba ndi Oholibama, na Sibeon ubidi Ana náwɔ-nwu. Bebi bani na Esau ulekudi ɔmɛni ɔ́wɔ úte-nwu ndi Yeus ku Yalam ku Kora.

¹⁵Ɔƒɛni ni, baga badi bákya Esau kaba bebi akɔ. Na Esau ubidi udeedi ɔni ndi Eliƒas bebi bananabi akɔ ni, baga bammɔ ndi Teman ku Omar ku Seƒo ku Kenas

¹⁶ku Kora ku Gatam ku Amalek. Eliƒas kaba kemmo baga na uwi ɔni bákya Edom kalɔ lɛlɔ na badi mmɔ. Na badi Esau ulekudi Ada bawɔ.

¹⁷Na Esau ubidi bamba ɔni ndi Reuel bebi bananabi bani nádi lɛga ndi Nahas ku Sera ku Sama ku Misa. Ama lɛnɔ nádi lɛga na Reuel bebi akɔ uwi ɔni na bákya Edom. Na badi Esau ulekudi Basmat bawɔ.

¹⁸Na Esau ulekudi Oholibama bebi bananabi akɔ ni, baga bani nákya ndi Yeus ku Yalam ku Kora. Ama lɛnɔ nálɛ bási Oholibama ɔni ndi Ana ubidi bebi akɔ.

¹⁹Bekyuli bani anyi na búnu mmɔ ndi baga bani nálɛ bási Esau, ɔni baalɔ lɛnɔ banii Edom, kaba bebi akɔ.

²⁰Na Seir ɔni ndi Horini ku nwuna bebi bananabi bani nélie kalɛkɛ kammɔ lɛlɔ na bádi lɛga ndi Lotan ku Sobal ku Sibeon ku Ana

²¹ku Dison ku Eser ku Disan. Bekyuli bamɛni nádi Horiƒuɔ baga uwi ɔni na bákya Edom kalɔ lɛlɔ.

²²Lotan bebi bananabi ndi Hori ku Hemam. Na Lotan ɔnwani ulekubi ndi Timna.

²³Na Sobal bebi bananabi bani na ɔ́wɔ ndi Alwan ku Manahat ku Ebal ku Seƒo ku Onam.

²⁴Na Sibeon bebi bananabi ndi Aya ku Ana. Ana ɔmɛni nésie útánu abiɔ ani ntu ndi utugya ka ɔ́kpanku ɔti Sibeon bebuo ala betine úsienku kadikɔ.

²⁵Ana bebi bani na ɔ́wɔ ndi Dison ku Oholibama ɔni ndi-nwu ubi ulekubi.

²⁶Na Dison bebi bananabi ndi Hendan ku Esban ku Itran ku Keran.

²⁷Eser bebi bananabi ndi Bilhan ku Saawan ku Akan.

²⁸Disan bebi bananabi ndi Us ku Aran.

²⁹Horiƒuɔ baga bani nákya Seir kalɔ kemmo na bana akpa ammɔ kenye anyi ndi Lotan ku Sobal ku Sibeon ku Ana ku Dison ku Eser ku Disan.

³¹Asa na Israelƒuɔ lɛgabɔdi ulu úse kalɔ ni, bekyuli bamɛni nádi lɛga na Edom kalɔ lɛlɔ. Na ama ndi,

³²Boer ubidi ɔnanabi ɔni baalɔ Bela úbenwini ɔga na Edom. Na nwuna ɔma unengudi ndi Dinhaba.

³³Uwi ɔni na Bela úkpi ni, Serah ubidi Yobab ɔni nási Bosra nélie-nwu kenye aani ɔga.

³⁴Ka Yabab úkpi ni, Husam ɔni nási Teman nélie-nwu kenye aani ɔga.

³⁵Ka Husam úkpi ni, Hadad nébelie-nwu kenye na ɔti ndi Bedad. Na Hadad ɔmɛni nékpo na ɔ́di Midianƒuɔ lɛlɔ na Moab kalɔ lɛlɔ. Na ɔma unengudi ɔni kemmo na ɔ́kya baalɔ Hawit.

³⁶Na Hadad kukpi kama Samla ɔni nási Masreka nébelie-nwu kenye.

³⁷Ka Samla úkpi ni, Saul ɔni nási ketu ntɛ kalɔ kani ndi Rehobot nébelie-nwu kenye.

³⁸Ka Saul úkpi ni, Akbor ubidi ɔni baalɔ Baal-Hanan nébelie-nwu kenye.

³⁹Na nwuna kama ni, Hadar nébelie-nwu kenye. Uwi ɔni na Baal-Hanan úkpi ni, Hadad nélie-nwu kenye aani ɔga. Na ɔma ɔni na úlie baalɔ Pau. Na ulekudi ndi Matred ubidi ulekubi Mehetabel na ɔdi Me-Sahab uwɔ.

⁴⁰Baga badi bási Esau kaba bebi akɔ na bana adua ku kɔlɛkɛ kɔni lɛlɔ na bádi kenye, na bana anyi ndi Timna ku Ahoa ku Yetet

⁴¹ku Oholibama ku Ela ku Pinon ku

⁴²Kenas ku Teman ku Mibsar ku

⁴³Magdiel ku Iram. Bekyuli bamɛni nádi lɛga na Edom kalɔ lɛlɔ na kalɛ na báda bana lɛma na kalɔ kani kemmo na bákya kemmo. Na Esau ndi Edomƒuɔ ɔti.