Read Lelemi Baga 2 9 Bible Online

Baga 2 9 - Lelemi bible

Baga 2 9

¹Uwi ɔdi ni, Kenye Udiene Elisa ɔ́lɔ okloƒu ɔdi ɔ́siku kenye bediene kasala akɔ na ɔ́su-nwu ɔnini, “Ti kabuli da ƒula kavobi, na eteesie Ramot-Gilead. Na si ésela ni, na eti ɔsii ɔni na nnɔmii buwi-nwu kemmo mɛni ada.

²Na si étéduo ni, na awia ɔnana ɔni baalɔ Yehu ɔni ɔti ndi Yehosaƒat ɔni ɔti ndi Nimsi. Na si ánu-nwu ni, na esie atákpanku-nwu alɛku nwuna badi akɔ esienku ɔtɔ katɔma.

³Na eti ɔsii ɔmmɔ na ewi-nwu nnɔmii bɔmmɔ lili na ebo kudu anii, ‘Lɛni na Unwoti ɔɔsu ɔnii líwi-ɔ nnɔmii lili na líse-ɔ lɛga ka ataadi Israelƒuɔ ƒui lɛlɔ.’ Ɔmmɔ kama na alɛmi ɔtɔ ɔmmɔ na ekeli atɔlɔ, na tebile uwi!”

⁴Anwuɔsu okloƒu kenye udiene ɔmmɔ lɛnɔ ɔ́tɔlɔ úsie Ramot-Gilead.

⁵Ka útéduo ni, ɔ́nu ka bekpone benengu bammɔ bása beli báatɛmi. Mmɔ na ɔ́kpali ɔnini, “Ati, buvele nda-a, ƒula kenye kadi kakya-mi kudɔ.” Amu na Yehu úye-nwu ɔnini, “Bula akɔ ɔmani geen na aalɔ?” Amu na okloƒu ɔmmɔ udie kenye ɔnini, “Unengu, buvele, awɔ na nda.”

⁶Ɔmmɔ kama Yehu ɔ́ta na bétéduo ɔtɔ ɔdi kemmo. Na okloƒu ɔmɛni úwi Yehu nnɔmii bɔmmɔ lili na ɔ́su-nwu ɔnini, “Lɛni na Unwoti ɔni ndi Israelƒuɔ Katɔti ɔɔsu. ‘Muuwi-ɔ nnɔmii bɔmɛni lili ka énwini Unwoti kadi bekyuli Israelƒuɔ ɔga.

⁷Na ɔlɛka ayila Ahab ɔni ndi ƒula ati kaduli bekyuli udu. Na mina kenye bediene bani ubugya na úwi kalɔ ku Katɔti kabla bablane bani ƒui ubugya na Isebel lɛnɔ uwi kalɔ ni, na lidie-ma kasi kammɔ ƒui.

⁸Na Ahab kaduli bekyuli ƒui badubɔyii udu. Na lɛyila Ahab kaba kemmo bebi bananabi geen ku kabla bablane ƒui na Israel kalɔ lɛlɔ aani kalɛ na beekúlo lɛla teedie útédu ɔnanabi ukplodi lɛlɔ.

⁹Na ndubɔbla Ahab kaduli aani Nebat ubidi Yerobeam kaduli ku Ahia ubidi Baasa kaduli kalɛ.

¹⁰Na Isebel anwu ni, bakpewe ndubo-nwu lɛna bɔduli na Yesreel kalɔ lɛlɔ na ukyuli ɔdi ɔɔɔdubo-nwu bɔva.’ ” Ka ɔ́wɔlɔ kani na ɔ́vi ɔ́lɛ ɔtɔ ɔmmɔ kemmo na úkeli ɔ́tɔlɔ.

¹¹Amu ka Yehu únwini úsie nwuna bekpone bammɔ akɔ ni, béye-nwu banii, “Kɔtɛ biala kúsie siin?” Na básɔ béye-nwu banii, “Bi na ubuokpine ɔmmɔ ɔɔwia-a ɔbla?” Amu na Yehu údie kenye ɔnini, “Bɛgyi lɛla lɛni ɔsu na ɔɔwia-mii?”

¹²Amu na bekyuli bammɔ bedie kenye banini, “Oowo, bɔɔɔgyi! Su-bu lɛla lɛni na úbasu-ɔ ɛ-ɛ!” Amu na Yehu ɔ́su-ma ɔnini, “Unwoti uubó-mi lɛlɔ kudu ka úwi-mi nnɔmii lili ka línwini Israelƒuɔ ɔga.”

¹³Na ka bekyuli bammɔ bénu litemi lɛmmɔ kani na bédie bana aduni ani bada kɔnakunwi na bégyingya béwi kalɔ banii Yehu utaakɔ taanya-ni lɛlɔ. Na bávwi kɔkpɛɛ momoomo básu banini, “Yehu ɔdi ɔga o-o!”

¹⁴Anwuɔsu Yehu ɔni ɔti ndi Yehosaƒat ɔni ɔti ndi Nimsi ɔ́sa lili likpidi ku Yoram. Amu uwi ɔmmɔ ni, Yoram ku Israelƒuɔ ƒui bákya Ramot-Gilead bátaagyumana mmɔ na Siriaƒuɔ Ɔga Hasael ɔsu.

¹⁵Nsu Ɔga Yoram únwini úsie Yesreel útábwi lɛlɔ na alɛbi ani Siriaƒuɔ bákya-nwu lɛlɔ uwi ɔni na ama ku Siriaƒuɔ Ɔga Hasael békpo mmɔ ɔsu. Mmɔ na Yehu ɔ́su nwuna bekpone benengu bammɔ ɔnini, “Si binye-mi kama ni, bitete kuƒi na ukyuli ɔdi ɔbɛ na ɔvi ɔlɛ Ramot-Gilead utégyingya litemi lɛmmɔ na Yesreel.”

¹⁶Ɔmmɔ kama útéduo nwuna ɔpɔnkɔ kɛɛkɛ kemmo na ɔ́tɔlɔ úsie Yesreel. Ɔsika Yoram ɔkya mmɔ ɔɔnwuna. Na Yudaƒuɔ Ɔga Ahasia úsie mmɔ utánu-nwu.

¹⁷Uwi ɔni na ɔgyumanane ɔni nnye Yerseel ɔma kagyumanakɔ kpakplaa mmɔ ɔ́nu ka Yehu bekpone bási badubo ni, ɔ́kpali úmene ɔnini, “Lɛ́nu ka bekpone badi bási badubo.” Amu na Yoram úbo-ma ɔda ɔnini, “Wia ɔpɔnkɔ uliene ɔdi na utásiaku-ma, na uye-ma ɔnini, ‘Keyi buɛɛ na bɛdanku bɛdububoku?’ ”

¹⁸Ɔmmɔ ɔsu ɔpɔnkɔ uliene ɔmmɔ útásiaku Yehu na úye-nwu ɔnini, “Ɔga ɔnii mbeye-ɔ ni, ‘Keyi buɛɛ ulu na akɛ?’ ” Amu na Yehu údie kenye ɔnini, “Bi na aaka keyi buɛɛ? Vi, na ebeduo-bu akɔ.” Amu na ɔgyumanane ɔni nnye ɔma kagyumanakɔ kpakplaa mmɔ úte ɔga bɔti ɔnini, “Ɔtu ɔni na átala mmɔ úuduo bekyuli bammɔ kudɔ, nsu ulenwini.”

¹⁹Amu na ɔga ɔ́sɔ ɔ́tala ɔpɔnkɔ uliene bamba ɔ́kya bekyuli bammɔ. Ka útédu-ma kudɔ ni, ɔ́su ɔnini, “Lɛni na ɔga ɔɔsu ɔnini, ‘Keyi buɛɛ ulu na bɛkɛ?’ ” Mmɔ na Yehu ɔ́sɔ údie kenye ɔnini, “Bi na aaka keyi buɛɛ? Vi, na ebeduo-bu akɔ.”

²⁰Na ɔgyumanane ɔmmɔ úte ɔga bɔti ɔnini, “Ɔtalane ɔmmɔ úuduo bekyuli bammɔ kudɔ, nsu ulenwini. Na bapɔnkɔ kɛkɛɛkɛ ɔmmɔ ni, baaka-nwu aani ubuokpine, na use-mi ka Yehu ɔni ɔti ndi Nimsi na ɔdi, ɔsika lɛni na ɔɔka kɛkɛɛkɛ.”

²¹Amu na Ɔga Yehu úbo ɔda ɔnii baklibi nwuna ɔpɔnkɔ kɛɛkɛ bese-nwu, na ama lɛnɔ bábla lɛni. Na ɔga ɔmmɔ ku Ɔga Ahasia báta ka batásiaku Yehu. Na sɔsɔ bésie bátásiaku-nwu na kalɔ kani ndi Nabot kadi lɛlɔ.

²²Na ka bánu Yehu ni, Yoram úye-nwu ɔnini, “Atubɔyɔ kemmo na akɛ-nwu adubo?” Amu na Yehu údie-nwu kenye ɔnini, “Dɛ na ɔdubo bɔbla na lɛkɛ atubɔyɔ uwi ɔni na kabɔ ku lɛƒiɔkpa lɛni na ƒ'ini Isebel úse kalɔ kéyi-bu akɔ mɛni?”

²³Amu na Yoram únwini na úkeli ɔ́tɔlɔ. Na ɔɔkpali Ahasia taasu-nwu ɔnini, “Ɔkɔ ala!”

²⁴Mmɔ na Yehu ɔ́tu nwuna kataminta úmene na kátálɛ Yoram lɛmangba kama. Na kataminta kammɔ kaƒuala-nwu na útáda-nwu utu na ɔ́lɛ úbo ɔ́siku nwuna ɔpɔnkɔ kɛɛkɛ lɛlɔ úbayu kalɔ.

²⁵Amu na Yehu ɔ́su Bidkar ɔni ndi nwuna kɛɛkɛ ɔkane ɔnini, “Gyu Yoram ukpine ɔmmɔ na eƒwimi-nwu atáva Nabot kalɔ kemmo mɛni.” Na ɔ́su-nwu ɔnii, “Nyimo uwi ɔni na ami ku awɔ bɔkya bɔɔka ɔpɔnkɔ kɛkɛɛkɛ, na bɔkpɛ Ɔga Yoram ɔni ndi Ahab ɔti kama uwi ɔni na Unwoti ɔ́su kenye kamɛni ɔ́siku-nwu lɛlɔ úse ɔnini,

²⁶‘Kaama ni, lɛ́nu ukyuli ɔni nádu Nabot ku nwuna bebi ubugya. Na lɛ́su líse ka ndubɔni-ma kɔtu na kalɔ kamɛni kani lɛlɔ.’ ” Ɔmmɔ ɔsu Yehu ɔ́su nwuna kɛɛkɛ ɔkane ɔnini, “Gyu Yoram ukpine na etéƒwimi-nwu ava Nabot kalɔ lɛlɔ kalɛ na Unwoti litemi lɛni na ɔ́su úse mmɔ ubo-nwu kemmo.”

²⁷Uwi ɔni Yudaƒuɔ Ɔga Ahasia ɔ́nu lɛla lɛni nálɛ mmɔ ni, úkeli ɔ́kɛ ulu ɔtɔdi na ɔ́tɔlɔ úsie Bet-Hegan. Na Yehu ɔ́bi ɔ́siaku-nwu na ɔɔva taasu momoomo ɔnini, “Bɛdu anwu lɛnɔ!” Na Ɔga Ahasia lɛlɔ lɛƒɔ alɛbi na nwuna ɔpɔnkɔ kɛɛkɛ kemmo na ulu lɛlɔ útédu Gur ɔni nde Yibleam. Nsu úkeli útédu Megido na útékpi mmɔ.

²⁸Na nwuna kabla bablane béti-nwu bésienku Yerusalem bátáva-nwu na nwuna bati kavakɔ na Dawid ɔma unengudi kemmo.

²⁹Na bése Ahasia lɛga na Yuda na lɛkwa leevu-linwidi lɛni na Yoram ɔni ndi Ahab ubidi ɔɔdi lɛga na Israel.

³⁰Ɔmmɔ kama Yehu útédu Yesreel na ka Isebel únu-nwu kɔku ni, ɔ́kwa nwuna anumi na ɔ́bla linwini na ɔ́kya lili ɔ́nu ƒansili.

³¹Na ka Yehu úduo kayakun ni, Isebel úye-nwu ɔnini, “Awɔ Simrini, awɔ ƒula ati ɔdune, akɛnku ku atu bɔyɔ?”

³²Amu na Yehu ɔ́talaku lili na ɔ́nu ƒansili mmɔ. Mmɔ na ɔ́kpali úmene ɔnini, “Ɔma bene nnye-mi kama?” Mmɔ na ɔga kaduli kabla bablane inyɔ iye ɛtɛ bédie lili na bánu Yehu na ƒansili mmɔ.

³³Na Yehu ɔ́su bekyuli bammɔ ɔnini, “Biƒwimi-nwu bɛlɛku ɔtɔ liƒi kalɛmikɔ mmɔ.” Amu na ama lɛnɔ béƒwimi-nwu báva kalɔ. Na nwuna ubugya úwi lɛwoduku lɛlɔ ku bapɔnkɔ bammɔ lɛlɔ na kalɛ na bánya-nwu bávi ɔsu.

³⁴Ɔmmɔ kama Yehu úduo ɔga kaduli mmɔ na útádi na ɔ́ni na mmɔ na ɔ́su ɔnini, “Bagyu uleku ɔni na béwida-nwu mmɔ batáva.” Ɔsika ɔga ubidi kani na ɔdi.

³⁵Nsu ka bakloƒu bani néti-nwu bátáva mmɔ bésie ni, bátanu nwuna ɔlɔna ekpo adi amu ntu nwuna opokuo ku enu ku lɛgba ekubi.

³⁶Na ka bábasu Yehu lɛla lɛni bánu ni, Yehu ɔ́su ɔnini, “Lɛni na Unwoti ɔ́su ka ɔdubɔlɛku-nwu uwi ɔni na Unwoti útemi ɔ́siaku nwuna kabla ɔblane Elisa lɛlɔ ɔnii, ‘Bakpewɛ badubo Isebel lɛna bɔduli na Yesreel ɔmii lɛlɔ.

³⁷Nwuna ukpine lɛna lɛdubo bugyingya aani kebu alakpi kalɛ na ukyuli biala ulanu-nwu uláti.’ ”