Read Lelemi Ala Alɛdi 1 24 Bible Online

Ala Alɛdi 1 24 - Lelemi bible

Ala Alɛdi 1 24

¹Ɔmmɔ kama ni, béle Aaron kaba kemmo bebi bammɔ bákya esu esu kemmo na bana kabla kenye. Na bebi ine na Aaron ɔ́wɔ. Na ama ndi Nadab ku Abihu ku Eleasa ku Itamar.

²Nsu Nadab ku Abihu báka bana ɔti bukpi kukuuku ƒui asa na anwu úbekpi ɔni na bátawɔ. Anwuɔsu na Eleasa ku Itamar nábla kabla aani bakpane.

³Amu na Dawid úle Aaron kaba kemmo bebi ɔ́kya esu esu kemmo na bana kabla kani na béte-ma ka babla kenye. Na Sadok ɔni na ɔdi Eleasa kaba kemmo ubi ku Ahimelek ɔni na anwu lɛnɔ ɔdi Itamar kaba kemmo ubi ni, ama nébunku Dawid.

⁴Amu na béle Eleasa bebi bákya esu leevu-aku kemmo na Itamar badi ni, béle-ma bákya esu maane kemmo, ɔsika benengu bani na batɔnku Eleasa atɔƒi ammɔ bemomo.

⁵Ɔƒɛni ni, kakpakɔ benengu ku bakpane bammɔ alati ƒui bakya atɔƒi anyɔ ammɔ kemmo, nsu ɔdi bele kabla kammɔ na anumi bɔnu bɔbla lɛla lɛdi bulakya-nwu kemmo. Anwuɔsu Dawid úvele Unwoti na ɔtina-nwu lɛla lɛni na wabla.

⁶Na uwi ɔni na beele kabla kammɔ teete-ma ni, lɛni kani na Semaia Lewini ɔni ndi Netanel ubidi mmɔ lɛnɔ uunweni atɔƒi benengu bani ntɔnku esu ammɔ anyi teese. Na bamanyene bani nénye bánu bule kabla kammɔ lɛlɔ ndi Dawid ku nwuna benengu úbunku ɔkpane Sadok ku Ahimelek ɔni ndi Abiatar ubidi ku atɔƒi benengu bani nási bakpane bammɔ ku Lewiƒuɔ bammɔ adua kemmo.

⁷Anwuɔsu bakpane lisu biala baadi bana lɛtɔƒi unengu lɛnyi. Na kalɛ na béle kabla kammɔ atɔ asia ndi kalɛ na ɔdubo mɛni. Yehoiarib asa na Yedaia asa na Harim asa na Seorim asa na Malkiya asa na Miyamin asa na Hakos asa na Abiya asa na Yesua asa na Sekania asa na Eliasib asa na Yakim asa na Hupa asa na Yesebeab asa na Bilga asa na Imer asa na Hesir asa na Hapises asa na Petahia asa na Yeheskel sa na Yakin asa na Gamul asa na Delaia asa na Maasia.

¹⁹Bekyuli bamɛni na béte kabla bɔbla na kakpakɔ kammɔ kemmo aani kalɛ na Unwoti Israel Katɔti úbo ɔda úte bana nana ati Aaron.

²⁰Na Lewiƒuɔ bakladi anyi na bana kaba kemmo anyi ndubo mɛni. Amram ndi Subael ku Yedeia nana ati.

²¹Na Rehabia ndi Isia ɔni ndi nwuna ɔtɔ kemmo ubi unengudi nana ati.

²²Isaa ndi Selomo ɔti na nwuna uwɔ ndi Yahat.

²³Hebron ɔ́wɔ bebi ine na atɔ asia ɔmmɔ ndi Yeria ku Amaria ku Yahasiel ku Yekameam.

²⁴Usiel ɔ́wɔ Mika na nwuna uwɔ ndi Samir.

²⁵Na Isaa ɔni ndi Mika ɔnwani ɔnanabi ni, anwu náwɔ Sekaria.

²⁶Merari náwɔ Mali ku Musi ku Yaasia.

²⁷Yaasia ɔ́wɔ bebi ɛtɛ na ama ndi Soam ku Sakur ku Ibri.

²⁸Mali ɔ́wɔ Eleasa ku Kis na Eleasa útawɔ, nsu Kis ɔ́wɔ Yerameel.

³⁰Musi ɔ́wɔ bebi ɛtɛ na ama ndi Mali ku Ede ku Yerimot. Bamɛni ndi Lewiƒuɔ kaba kemmo bebi anyi na banana adua kenye.

³¹Na bana ƒui ɔdi biala ɔ́ƒɔ nwuna kabla kani na béte-nwu aani kalɛ na béle bana banwani bakpane bammɔ kabla béte-ma. Na Dawid ku Sadok ku Ahimelek ku atɔƒi benengu bammɔ nénye bánu kabla bule ala ammɔ lɛlɔ aani bamanyene kalɛ.