Read Lelemi Ala Alɛdi 1 8 Bible Online

Ala Alɛdi 1 8 - Lelemi bible

Ala Alɛdi 1 8

¹Benyamin ɔ́wɔ Bela ɔni ndi-nwu ubi udeedi. Na Asbel ɔdi unyɔdi na Ahara ɔdi ɔtɛdi.

²Na Noha ɔdi unedi na Raƒa ɔdi ɔlɔndi.

³Na Bela bebi ndi Adar ku Gera ku Abihud

⁴ku Abisua ku Naaman ku Ahoa

⁵ku Gera ku Seƒuƒan ku Huram.

⁶Na bamɛni ndi Ehud kaba bebi na badi lɛtɔ benengu bete bekyuli bani nli Geba na bábɔku-ma bátákya Manahat.

⁷Na Naaman ku Ahia ku Gera nábɔku bekyuli bammɔ. Na bana ɔti ndi Usa ku Ahihud.

⁸Saharaim ɔ́wɔ bebi na Moab kalɔ lɛlɔ uwi ɔni na ɔ́nyonu nwuna beleku Husim ku Baara kama.

⁹Na ulekudi Hodes ɔni na ɔ́sɔ úti náwɔ Yobab ku Sibia ku Mesa ku Malkam

¹⁰ku Yeus ku Sakia ku Mirma. Na bamɛni ƒui badi-nwu bebi bani nábla atɔƒi benengu.

¹¹Na anwu ku Husim báwɔ Abitub ku Elpaal.

¹²Na Elpaal bebi ndi Eber ku Misam ku Semed ɔni náda Ono ku Lod lɛma ku nina akpaklɔ ani nkya amadɔ mmɔ,

¹³ku Beria ku Sema bani ndi ɔtɔ benengu bani nélie Ayalon, na ama nábɔku bekyuli bani nli Gat.

¹⁴Na Ahio ku Sasak ku Yeremot

¹⁵ku Sebadia ku Arat ku Eder

¹⁶ku Mikael ku Yispa ku Yoha badi Beria bebi.

¹⁷Na Sebadia ku Mesulam ku Hiski ku Heber

¹⁸ku Ismerai ku Yislia ku Yobab ama lɛnɔ ndi Elpaal bebi.

¹⁹Na Yakim ku Sikri ku Sabdi

²⁰ku Elienai ku Siletai ku Eliel

²¹ku Adaia ku Beraia ku Simrat ama ndi Simei bebi.

²²Na Yispan ku Eber ku Eliel

²³ku Abdon ku Sikri ku Hanan

²⁴ku Hanania ku Elam ku Antotia

²⁵ku Yiƒdeia ku Penuel ama ndi Sasak bebi.

²⁶Na Samserai ku Seharia ku Atalia

²⁷ku Yaaresia ku Elia ku Sikri ama ndi Yeroham kaba bebi.

²⁸Bekyuli bamɛni ƒui badi atɔƒi benengu ku baga aani kalɛ na bénweni-ma anyi bákya bana kaba anyi ɔku kemmo, na ama nélie Yerusalem.

²⁹Yeiel ɔni ɔti ndi Gibeon úlie Gibeon ɔma kemmo, na ulekudi baalɔ banii Maaka.

³⁰Na ubidi udeedi ndi Abdon ku Sur ku Kis ku Baal ku Ner ku Nadab

³¹ku Gedor ku Ahio ku Seker.

³²Na Miklot ɔ́wɔ Simea na bana kaba bélie Yerusalem. Na bélie béde bana lɛtɔ bekyuli.

³³Na Ner ɔ́wɔ Kis, na Kis ɔ́wɔ Saul na Saul ɔ́wɔ Yonatan ku Malki-Saul ku Abinadab ku Esbaal.

³⁴Na Yonatan ubidi ndi Merib-Baal ɔni náwɔ Mika.

³⁵Na Mika bebi ndi Piton ku Melek ku Tarea ku Ahas.

³⁶Na Ahas ɔ́wɔ Yehoada, na Yehoada ɔ́wɔ Alemet ku Asmawet ku Simri. Na Simri ɔ́wɔ Mosa.

³⁷Na Mosa ɔ́wɔ Binea ɔni ubi ndi Raƒa ɔni ubi ndi Eleasa ɔni ubi ndi Asel.

³⁸Na Asel ɔ́wɔ bananabi ɛku na bana anyi ndi Asrikam ku Bokeru ku Ismael ku Searia ku Obadia ku Hanan. Na bammɔ ndi Asel bebi.

³⁹Na ɔnwani Esek bebi ndi Ulam ubidi udeedi, na Yeus ɔdi unyɔdi na Eliƒelet ɔdi ɔtɛdi.

⁴⁰Ulam bebi badi bekpone bani na bebo kayi na baakana kɔtaminta bubo geen. Bebo bebi ku bawɔ na babla nkyuli eti atɛ. Bamɛni ƒui badi Benyamin kaba kemmo bebi.