Read Lelemi Ala Alɛdi 1 9 Bible Online

Ala Alɛdi 1 9 - Lelemi bible

Ala Alɛdi 1 9

¹Bénweni Israelƒuɔ atɔƒi ammɔ ƒui anyi bákya bana kaba anyi ɔku kemmo na akya Israelƒuɔ baga ɔku kemmo. Na béƒie Yudaƒuɔ bésienku Babilon kalɔ lɛlɔ ka bálɛ Unwoti kama ɔsu.

²Na bekyuli bedeedi bani nénwini bébo ama alati lɛma na bététi bana kɔlɔ badi Israelƒuɔ ku bakpane ku Lewiƒuɔ ku kakpakɔ kabla bablane badi.

³Na bekyuli bani nási Yuda ku Benyamin ku Eƒraim ku Manase kaba kemmo bésie bétélie Yerusalem.

⁴Na atɔƒi ani akɔ bekyuli nénwini bébo ndi Utai ɔni ndi Amihud ubidi ɔni ndi Omri ubidi ɔni ndi Imri ubidi ɔni ndi Bani ubidi ɔni ndi Peres bebi akɔ unwi Peres ɔmmɔ ɔdi Yuda ubidi.

⁵Na Siloniƒuɔ kemmo ni, ubidi udeedi ndi Asaia ku nwuna ɔtɔ bekyuli.

⁶Na Serahƒuɔ kemmo ni, Yeuel ku nwuna ɔtɔ bekyuli. Na bekyuli bani nási Yuda kaba kemmo bumomo bɔdi eti leevu atɔ ku aavlene (690).

⁷Na Benyamin bebi ni, Hasenua náwɔ Hodawia ɔni náwɔ Mesulam ɔni náwɔ Salu.

⁸Yibneia ubidi Yeroham ku Mikri ɔni náwɔ Usi ɔni náwɔ Ela ku Yibnia ɔni náwɔ Reuel ɔni náwɔ Seƒatia ɔni náwɔ Mesulam.

⁹Na Benyamin kaba bekyuli kalɛ na bénweni-ma anyi bákya bana kaba anyi ɔku kemmo bumomo bɔdi eti leevu yaalenwi ku ɛku (956). Na bekyuli bamɛni ƒui badi ɔtɔ benengu.

¹⁰Bakpane bani nénwini bébo akɔ badi anyi ndi Yedaia ku Yehoiarib ku Yakin

¹¹ku Asaria ɔni ndi kabla ɔblane ɔni mɔɔnú Katɔti kakpakɔ lɛlɔ na ɔti ndi Hilkia ɔni ɔti ndi Mesulam ɔni ɔti ndi Sadok ɔni ɔti ndi Meraiot ɔni ɔti ndi Ahitub

¹²ku Malkia ɔni ubidi ndi Pashur ɔni ubidi ndi Yeroham ɔni ubidi ndi Adaia ku Immer ɔni ubidi ndi Mesilemit ɔni ubidi ndi Mesulam ɔni ubidi ndi Yahsera ɔni ubidi ndi Adiel ɔni ubidi ndi Masai.

¹³Na bakpane bani ndi atɔƒi benengu bumomo bɔdi apim unwi eti leevu alɔ ku leevu (1,760) Na badi bekyuli bani na bámanku na bagyi kabla kani ƒui na babla na Unwoti kakpakɔ mmɔ kaduɛ.

¹⁴Na Lewiƒuɔ bebi ni, Merari náwɔ Hasabia ɔni náwɔ Asrikam ɔni náwɔ Hasub ɔni náwɔ Semaia

¹⁵ku Bakbakar ku Heres ku Galal ku Asaƒ ubidi Sikri ubidi Mika ubidi ku Matania

¹⁶ku Obadia ɔni ɔti ndi Semaia ɔni ɔti ndi Galal ɔni ɔti ndi Yedutun ku Berekia ɔni ɔti ndi Asa ɔni ɔti ndi Elkana ɔni nélie Netoƒaƒuɔ akpaklɔ.

¹⁷Na kakpakɔ bagyumanane ndi Salum ku Akub ku Talmon ku Ahiman ku bana banwani na Salum ndi bana ɔtɔnkune.

¹⁸Na ama na mɔɔgyumana bana keliekɔ ku ɔga kayakun kani nkya ɔƒɛ katukɔ úti úbedu ɔƒaani. Na ama ndi kayakun bagyumane bani nási Lewiƒuɔ akɔ.

¹⁹Na Salum ɔni ɔti ndi Kore ɔni ɔti ndi Ebiasaƒ ɔni ɔti ndi Kora ku nwuna banwani bani na bási Kora ɔtɔ ɔmmɔ kemmo mɔɔnu Katɔti kakpakɔ kammɔ kayakun lɛlɔ aani kalɛ na bana bati bátaagyumana Unwoti Adi Kevo kayakun kammɔ.

²⁰Na kalɔ kesekɔ ni, Eleasar ubidi Pinehas nátaanu kɔyakun bagyumanane lɛlɔ. Na Unwoti uliku-nwu.

²¹Na Sakaria ɔni ndi Meselemia ubidi nánu kayakun kani na baasia teeduo Unwoti kɔdi ɔtɔ kemmo.

²²Na bekyuli bani ƒui na bédie ka babla kɔyakun bagyumanane na Unwoti kɔyakun kenye bumomo bɔdi eti ene ku leevu inyɔ (212) Na bénweni-ma anyi bákya anyi ɔku kemmo na akpaklɔ ani beli. Na Ɔga Dawid ku Kenye Udiene Samuel néti bagyumanane kabla kammɔ bákya-ma enu kemmo.

²³Na ama ku bana kaba nátaagyumana Unwoti Kɔkpakɔ kɔyakun kɔmmɔ.

²⁴Na kayakun kákya ɔƒɛ katukɔ ku katɔ ku kada. Na kayakun biala kebo nwuna unengu.

²⁵Na bagyumanane bamɛni bataakɛ kebunku taasiku bana lɛlɔ bekyuli bani nli akpaklɔ ammɔ kudɔ. Na ɔgyumanane biala ɔ́ɔbla kabla emeyi maatɛ asa na baavumana-nwu.

²⁶Na bagyumanane benengu bammɔ badi ine. Na ama mɔɔbla kabla kammɔ taawɔlɔ. Na ama mɔɔnu kakpakɔ lɛtɔ lɛmmɔ kemmo iye si ukyuli ɔdi ɔɔwia lɛla lɛdi.

²⁷Na béli béde Unwoti kakpakɔ kammɔ. Ɔsika ɔdi bana kabla ka, bataagyumana ka na bataalɛmi kɔyakun kammɔ teewi ɔtanta biala.

²⁸Na badi lɛnɔ mɔɔnú akyami ani báda báabla kakpakɔ kammɔ kabla lɛlɔ. Na asa na badubuti akyami ammɔ babla lɛla lɛdi ni, báaka-nya taanu nwuna bumomo. Na si bábla báwɔlɔ lɛnɔ ni, báaka-nya taanu asa na baaƒɔ́ teese.

²⁹Na badi lɛnɔ mɔɔnu ala ani ƒui bánwi bálɛ kakpakɔ kammɔ lɛlɔ. Na básɔ baanú ɔlaaƒɔ ku ntɛ ku nnɔ ku oloƒui ku akyala ani nse kakpakɔ mmɔ lɛlɔ.

³⁰Na bakpane bammɔ badi mɔɔsála akyala.

³¹Na Lewini ɔni baalɔ banii, Matitia na ɔdi Salum ubidi udeedi na ɔ́si kora kaba kemmo muuƒi bodobodo.

³²Na Kehatƒuɔ bammɔ banwani badi mɔɔbla bodobodo ɔni na beeti taasia Unwoti kakpakɔ lɛnwuna limeyi lɛlɔ lɛnwuna limeyi biala.

³³Na Lewiƒuɔ batɔnkune bani mɔɔtu lɛnu ama beli kakpakɔ lɛtɔ lɛmmɔ kemmo. Na balaya na ama baabla kabla kadi. Ɔsika bana kabla kani baabla mmɔ usien ku ɔƒɛ na baabla-ka

³⁴Na bamɛni ƒui ndi Lewiƒuɔ benengu ku batɔnkune aani kalɛ na bénweni-ma Anyi bákya bɔwɔ ɔku kemmo na belie Yerusalem.

³⁵Yeiel ɔni ɔti ndi Gibeon na uli Gibeon. Na ulekudi ndi Maaka.

³⁶Na ubi udeedi ndi Abdon na Sur ku Kis ku Baal ku Ner ku Nadab

³⁷ku Gedor ku Ahio ku Sakaria ku Miklot basia.

³⁸Na Miklot ɔti ndi Simea. Na belie béde bana banwani na Yerusalem.

³⁹Na Ner ɔ́wɔ Kis na Kis ɔ́wɔ Saul. Na Saul ɔ́wɔ Yonatan ku Malki-Saul ku Abinadab ku Esbaal.

⁴⁰Na Yonatan ubidi ndi Merib-Baal. Na Merib-Baal ɔ́wɔ Mika.

⁴¹Na Mika bebi ndi Piton ku Melek ku Tahrea ku Ahas.

⁴²Na Ahas ɔ́wɔ Yara, na Yara ɔ́wɔ Alemet ku Asmawet ku Simri, na Simri ɔ́wɔ Mosa.

⁴³Na Mosa ɔ́wɔ Binea ku ubidi Reƒaia ku ubidi Eleasa ku ubidi Asel.

⁴⁴Na Asel ubo bananabi ɛku. Na bana anyi ndi Asrikam ku Bokeru ku Ismael ku Searia ku Obadia ku Hanan. Na bamɛni ndi Asel bebi.