Read Lelemi Ala Alɛdi 2 31 Bible Online

Ala Alɛdi 2 31 - Lelemi bible

Ala Alɛdi 2 31

¹Ka bádi limeyi lɛmmɔ báwɔlɔ ni, bekyuli bammɔ bésie Yuda lɛma ƒui kemmo na bátábwɛ atabi baƒiɔ bani ƒui na bátu bálɛ lɛma lɛmmɔ kemmo. Na békulo lɛƒiɔgyii lɛni na bálɛ béte Asera baƒiɔ mmɔ ƒui béwi kalɔ. Na baƒiɔ lidu biala na bátu na abi eli ku bana akpabi ƒui ni, bábwɛ-ma na Yuda kalɔ lɛlɔ ƒui ku Benyamin ku Eƒraim ku Manase ɔƒɛ kanukɔ kakɛ ƒui béwi kalɔ na bátɔlɔ bésie bana kɔduli.

²Hesekia úle bakpane ku Lewiƒuɔ bammɔ ɔ́kya kasala esu esu kemmo ɔkɛnku bana kabla kenye. Na úti akpala bɔkyula ku unwi bɔbla akpala kabla ɔ́kya-ma enu kemmo. Na úte babambadi ka beteete kebunku na bataabla bekyuli kabla na kakpakɔ mmɔ. Na badi lɛnɔ beteedie bumwi lɛnu na kakpakɔ lɛban kenye.

³Hesekia úte bebuo ɔ́siku nwuna bebuo akɔ bani na badubuti bataabla akpala na ɔtanta ku useyi uwi ku lɛnwunameyi biala ku emeyi buni bɔdi kemmo ku kɔbuli kɔwɔdi bɔlɛ limeyi bɔdi ku emeyi buni bamba ani na Katɔti ɔda bubo bɔmmɔ bɔɔtina kalɛ.

⁴Hesekia ɔ́su Yerusalemƒuɔ bammɔ ka beboku etela ani na badubuti bete bakpane ku Lewiƒuɔ bammɔ kalɛ na bakɛ uwi babla Katɔti kabla na bana kabla kani kenye na benye kemmo.

⁵Uwi ɔni kani na bekyuli bamɛni bénu lɛla lɛni na ɔga ɔɔwia ka babla mmɔ ni, béti bana akɛla lɛkpa leevudi béboku úbunku anta ku kamu udu edula ani na bebo ku nnɔ ku uwɔ ku edula bamba lɛnɔ.

⁶Lɛni kani na bekyuli bani na bási Yuda lɛma bamba kemmo lɛnɔ béti bana bebuo bani na bebo lɛkpa leevudi ku ala ani ƒui na béti béte Katɔti na bábla-nya kedee mmɔ lɛkpa leevudi béboku.

⁷Bekyuli bammɔ bése kalɔ beeti bana etela teeboku Yerusalem na kɔbuli kɔtɛdi kɔni na baalɔ banii Sivan kemmo. Na abuli ene kama asa na béboku etela akladi.

⁸Ka Hesekia ku nwuna benengu bánu ala amɛni ni, bágya Unwoti ku bekyuli bammɔ enu.

⁹Amu na Hesekia úye ɔkpane ku Lewiƒuɔ bammɔ kalɛ na etela esu ani na beeboku-ma mmɔ ese.

¹⁰Na ɔkpane unengudi ɔni nákya uwi ɔmmɔ kemmo na baalɔ-nwu Asaria ɔni ndi Sadok kaba kemmo ubi ni, údie kenye ɔnini, “Ɔ́si uwi ɔni bekyuli bammɔ bése kalɔ ku ala amɛni buboku ni, bɔ́kɛ adila ku ala bamba na etulo kalɛ na bɔɔwia muedi. Na bɔ́nu bɔ́ti ka Unwoti kusɛ kusɛ ɔsiaku bula bekyuli sɔsɔ. Nu ala ani udu nébu!”

¹¹Amu na ɔga ɔ́ya na bátu ala kesekɔ na kakpakɔ kemmo mmɔ. Na ka báwɔlɔ-ka bɔtu ni,

¹²etela bamba ani lɛlɔ kabla na baaadubo bɔbla kɔnakunwi kɔmmɔ ni, baaklibi-nya teese mmɔ. Na Ɔga Hesekia ku ɔkpane unengudi Asaria báƒuna Lewini ɔni baalɔ Konania na ɔɔnu ala ammɔ lɛlɔ. Na ɔnwani Simei ndi nwuna ubunkune ku Lewiƒuɔ bamba bani ndi Yehiel ku Asasia ku Natan ku Asahel ku Yerimot ku Yosabad ku Eliel ku Ismakia ku Mahat ku Benaia.

¹⁴Na Imna ubidi Kore na báƒuna ka utaanu ɔban kenye kani nkya késie ɔƒɛ katukɔ kakɛ. Na anwu kani mɔɔƒɔ́ kaƒɔ ƒaa etela ani na bekyuli beeboku Katɔti na uule-nya teete bakpane ku Lewiƒuɔ bammɔ.

¹⁵Kore ɔmɛni ubo bebunkune ɛku bamba bani mɔɔnu ka ala ani na béle mɛni édu bakpane bakladi bani na bakya Yuda lɛma bamba ƒui kemmo. Na bana anyi ndi Eden ku Miniamin ku Yesua ku Semaia ku Amaria ku Sekania. Ɔƒɛni ɔkpane ku Lewini biala na ɔ́ɔƒɔ utulo akwa avlaatɛ na ɔɔbla kabla limeyi ndi limeyi na kakpakɔ kemmo mmɔ bebo kadikɔ na etela amɛni kemmo ɔkɛnku bana kabla kenye.

¹⁷Bénweni bakpane bamɛni anyi bákya bakpane ɔku ɔni na ɔtɛ use na adua ammɔ kemmo. Na Lewiƒuɔ bani náaƒɔ akwa aavlanyɔ ku bani na betulo lɛni ni, bénweni-ma anyi na bana kabla kani na baabla kenye.

¹⁸Na anyi bunweni lɛku lɛmɛni lɛdanku bana beleku ku bebi ƒui lɛnɔ, ɔsika ama lɛnɔ baadi litemi lɛmmɔ lɛlɔ na baabla lɛlɔ sɛɛn na báƒɔ Unwoti anu ka babla-nwu kabla.

¹⁹Hesekia ɔ́ƒuna bekyuli badi úse kalɛ na beti bakpane kadikɔ kamɛni besienku bakpane ku Lewiƒuɔ bani na bakya akpaklɔ na bebuo kadikɔ na Yuda lɛma ku amadɔ mmɔ ƒui. Nsu ɔlɛka bakpane bammɔ babla Aaron kaba kemmo bebi na Lewiƒuɔ bammɔ lɛnɔ ɔlɛka bana anyi akya Lewiƒuɔ lɛku lɛni na lɛtɛ lise kemmo.

²⁰Ala ani ƒui na Hesekia ɔ́bla uwi ɔni na ɔɔdi Yuda lɛga ku ala ani ƒui na ɔ́bla úse kakpakɔ kammɔ kemmo na Yerusalem ni, adia na ese siin. Nwuna lɛgadi lɛ́lɛ kɔsia, ɔsika ɔ́di Unwoti Katɔti litemi lɛlɔ ku nwuna kayi ƒui.