Read Lelemi Ala Alɛdi 2 5 Bible Online

Ala Alɛdi 2 5 - Lelemi bible

Ala Alɛdi 2 5

¹Uwi ɔni na báwɔlɔ kakpakɔ kammɔ bɔtu ni, Salomo úti lɛla biala na ɔti Dawid údie úse sɛsɛɛ úte Katɔti úbunku sika ugyiedi ku ɔƒualadi ɔmmɔ ku akpala bɔbla lɛlɔ ala ƒui útése kakpakɔ kammɔ ala kesekɔ kemmo.

²Amu na bana ƒui bátása lisu na Salomo kudɔ na bana limeyi bɔdi uwi na kɔbuli maatɛdi kɔni baalɔ Etanim kemmo.

⁴Na ɔmmɔ kama bakpane bammɔ ku Lewiƒuɔ bammɔ bágyu Adaka ɔmmɔ ku Katɔti kevo kammɔ ku ala ani na beeti taabla akpala mmɔ ƒui na béti béboku kakpakɔ kammɔ kemmo.

⁶Salomo ku bekyuli lisu bonwu badi batɔ Adaka ɔmmɔ anumi. Na ka bakɛ ulu ni, bádu baƒonu ku ɔmantɛ bakɔ pii bákpa ɔni na balakana bɔka.

⁷Amu na bakpane bammɔ béti adaka ɔmmɔ bétése Katɔti katɔma kedee kammɔ kemmo na kesii kani na bebweyi ku avwi bammɔ benye mmɔ kalɔ.

⁸Na bana avwi ebi adaka ɔmmɔ lɛlɔ ku ligyii lɛni na béti bágyu adaka ɔmmɔ.

⁹Na ligyii lɛmmɔ lɛ́kuku ɔni na akana na anu-ni si enye katɔma kammɔ anumi na ɔɔɔdi kesi kesii. Na mmɔ na ala ammɔ ese ɔ́si uwi ɔmmɔ lɛlɔ úbedu ɔmwi.

¹⁰Na ala ani kani nkya adaka ɔmmɔ kemmo ndi atabi bɛbɛɛbɛ anyɔ ani na Mose úti ɔ́kya mmɔ uwi ɔni na Katɔti únyimiku Israel bekyuli bammɔ bunyimi bɔmɛni na Sinai Kɔbi lɛlɔ uwi ɔni na ɔ́kpanku-ma ɔ́lɛku Egyipte kalɔ lɛlɔ.

¹¹Na bakpane bammɔ na bana kasala kasala kemmo bábla lɛlɔ bɔbla sɛɛn ɔdi ɔmmɔ kalɛ na baƒɔ Katɔti anu. Na Lewiƒuɔ agyangba bagyane úbunku Asaƒ ku Heman ku Yedutun ku bana bebi ku lɛlɔ bekyuli bakya lɛwu gyɔlɔɔ lɛbuni lɛni nse kpɛtɛ kpɛtɛ. Na benye lɛkpabi lɛmmɔ ɔƒɛ katukɔ kakɛ na baagyá bana lɛkasaa ku lɛbentaa ku agyala bamba na bakpane eti anyɔ ku aavlanyɔ benye-ma kudɔ na baavwi kɔkpɛɛ. Na beemwi Katɔti ku bana agyala ku lɛnu budie taasu banii, “Ɔsika ɔdia na ɔɔyɔ́-bu uwi ndi uwi.” Amu na kɔnakunwi ni, liƒlukutu lɛdi líbaƒɔ kakpakɔ kammɔ ƒui kemmo uwi ɔni na bakpane bammɔ bálɛ bésela.

¹⁴Na Katɔti uukeye na liƒlukutu lɛmmɔ kemmo geen. Na kalɛ na uukeye mmɔ ɔɔtu anumi, anwuɔsu bakpane bammɔ bátakana ɔtɔ kemmo mmɔ bunye bɔbla bana kabla.