Read Lelemi Ala Alɛdi 2 8 Bible Online

Ala Alɛdi 2 8 - Lelemi bible

Ala Alɛdi 2 8

¹Akwa aavlanyɔ na béti bátu kakpakɔ ku Salomo ɔga kesii kammɔ.

²Na ɔmmɔ kama ni, Salomo ɔ́ya na nwuna kabla bablane bátásɔku lɛma lɛni na Ɔga Hiram úte-nwu bátu. Na ɔ́ya na Israelƒuɔ bésie bétélie-ni kemmo.

³Amu na Salomo úsie útékpo ɔma ɔni baalɔ Hamat-Soba na úƒie-nwu ɔ́ƒɔ.

⁴Na ɔmmɔ kama ni, anwu ku nwuna kabla bablane bátu Tadmor ɔma ɔni na kalɔ kakwiidi kemmo ku lɛma lɛni na lɛkya Hamat kalɛkɛ kesii kani na ɔɔklibi nwuna ala adi bene buse.

⁵Na ɔ́sɔku ɔma ɔni baalɔ Bet-Horon ɔni nkya katɔ kakɛ ku kada kakɛ ɔdi ƒui ɔ́tu ku awodu kpakplaa na ɔ́kya ɔban kɔlɛmikɔ kɔni na baabala.

⁶Na lɛni kani na ɔ́bla ɔma ɔni ndi Baalat ku lɛma linengudi lɛni kemmo na ɔɔklibi ala buse ku nwuna bapɔnkɔ kɛɛkɛ ku bapɔnkɔ bammɔ alati. Salomo ɔ́ya na nwuna kabla bablane bátu lɛla biala na ɔɔwia bákya Yerusalem ku Lebanon ku kesii bamba biala lɛnɔ na ɔɔyɔ́ na nwuna lɛgakadikɔ kemmo.

⁷Nsu ɔmɛni ƒui ni, Salomo útenye Israel kadi bekyuli lɛlɔ ka babla kabla kamɛni mmomu ɔ́bla-ma nwuna bekpone ku lɛku batine ku bekpone batɔnkune ku bekpone bapɔnkɔ beliene. Nsu úti Hitiƒuɔ ku Amoriƒuɔ ku Perisiƒuɔ ku Hiwiƒuɔ ku Yebusiƒuɔ bani nli Israel kalɔ lɛlɔ únwini nwuna kabla bablane. Na bekyuli bamɛni ndi baƒɔ bani na Israelƒuɔ bátadu bebi ku bawɔ bani nébu bakya kalɔ kammɔ kemmo na bénwini bana kabla bablane.

¹⁰Salomo ɔ́lɛ nkyuli eti alɔ animi úse ka benwini nwuna kabla bablane lɛlɔ banune.

¹¹Amu na Salomo ulekudi ɔni ndi Egyipteƒuɔ ɔga ubidi ulekubi ɔ́tɔlɔ Yerusalem kakɛ kani na baalɔ banii Dawidi ɔma unengudi úbo ɔga kesii kawɔdi kani na Salomo ɔ́tu mmɔ. Na nka Dawid ɔma unengudi kemmo mmɔ na Bunyimi Adaka ɔmmɔ use ɔsu mmɔ kadi kesii kani na kese kedee na Salomo ulekudi ulakana na wasɔ welie mmɔ lɛnɔ.

¹²Ɔmmɔ kama ni, Salomo ɔ́kyula akpala úte Unwoti na lɛkpabi lɛni na ɔ́tu lɛlɔ na linye kaduli kemmo mmɔ na kakpakɔ kammɔ anumi.

¹³Na ɔ́bla akpala amɛni ɔ́siaku kalɛ na Mose únweni úse ka babla ute akpala bɔkyula na lɛnwunameyi lɛlɔ ku kɔbuli biala limeyi lideedi lɛlɔ ku Bodobodo Ɔni Néteƒu Limeyi ku Edula Bɔƒɛ Limeyi bɔdi lɛlɔ ku Kevo Kemmo Bulie Emeyi bɔdi kemmo.

¹⁴Amu na Salomo úti kabla ɔ́kya bakpane ku Lewiƒuɔ na kakpakɔ kammɔ kemmo. Na ɔ́bla ɔmɛni ƒui ɔ́siaku lɛla lɛni na ɔti Dawid ɔ́su-nwu lɛlɔ. Na Lewiƒuɔ bammɔ badi ɔlɛka batɔnku bekyuli na lɛnu budie kemmo na bebunku bakpane na bana kabla bɔbla kemmo na bakladi bataagyumana kakpakɔ kammɔ lɛban kɔyakun ƒui

¹⁵ku lɛtɔ lɛni kemmo na beesé ala. Na bakpane ku Lewiƒuɔ bammɔ básia ala ani na bátina ka babla mɛni anu kaduɛ na baabla lɛni kani.

¹⁶Na ɔƒaani ni, lɛla biala na Salomo ɔ́lɛ ugyii ka ɔbla lɛ́sa bɔbla ɔƒaamu ɔ́si ɔtɔ ɔmmɔ ɔka kalɔ bɔkya útédu nwuna bɔwɔlɔ.

¹⁷Salomo úsie Edomƒuɔ lɛma inyɔ bɔdi kemmo kesii kani baalɔ banii Esion-Geber ku Elot na Ɛpugyie kalɛkɛ.

¹⁸Ɔga Hiram úmene-nwu lɛkɔlɔ libendi ku lɛkɔlɔ lɛmmɔ bakane bani ngyi kabla kammɔ lɛlɔ geen. Na ama ku Salomo lɛkɔlɔ bakane ƒui bási bésie kesii kani baalɔ banii Oƒir na bététi sika ugyiedi antabi aƒo eti atɛ ku aavlanyɔ (170) béboku-nwu.