Read Lelemi Hiob 28 Bible Online

Hiob 28 - Lelemi bible

Hiob 28

¹“Geen ni, sika ɔƒualadi ku ugyiedi kekukɔ kakya, na kesii kani na baaƒɔ ɔna ƒui na uukeye lɛnɔ kakya.

²Lɛni kani na beekú abuala kpakplaa, na beedie abuala egyiedi taalɛku atabi kpakplaa ammɔ kemmo.

³Bekyuli baada asogya teeduoku kalɔ kemmo ɔgyu ɔgyu kesii kani nse suu geen, Mmɔ na baawia abuala ammɔ na lɛkɔkɔ lɛmmɔ ƒui kemmo taavi.

⁴Baatu libu taasiku kalɔ kani lɛlɔ na bekyuli beli taayulaku kalɔ kalɔ kesii kani na ukyuli ulakana lɛgba buti buduo. Na baatu taada kɔbuli kɔdi lɛlɔ na bayu besie mmɔ.

⁵Na kalɔ kani lɛlɔ na bekyuli beli baatuma edula taadi ni, kana kemmo kani na bekyuli baatu ogya taakya kalɛ na ukeye na banu atabi ammɔ.

⁶Na mmɔ na baakɛ́ bana abuala ku sika ugyiedi teedie.

⁷Na basangbii ku baasɛ bamba bani ƒui muuƒie ala badi lɛnumi lítanu mmɔ kudii.

⁸Lɛni kani na bagyata bani mɔɔnya kalɔ taavi ku ɔyikun ɔdi ɔgba útanya mmɔ kudii.

⁹Bekyuli beeti bana enu taani atabi yayaaya taakpa. Na beekú abi enengudi kalɔ ƒui kede kede.

¹⁰Baatu libu na bakɛ kavikɔ na atakpɛ ammɔ kemmo. Mmɔ na baanu atabi ani kemmo na sika ɔni náƒɔ-ma kuye mmɔ ɔkya ƒui teedie.

¹¹Na beesié teetédu ntukpa kɔlɛkɔ ƒui. Na ala ani nkya mmɔ ni, beedie-nya keyi.

¹²“Nsu ni, wɛ na ukyuli ɔɔkɛ́ lɛnunda ku ala kalɔ bunu?

¹³Ka ukyuli ɔɔɔgyi kalɛ na lɛnunda ku ala kalɔ bunu bɔ́ƒɔ kuye ɔsu ni, balánu-mu kakyakɔ taati na bekyuli bayawine akɔ.

¹⁴Bɔgyi ka ubu gbion ku ɛpu kemmo ɔɔɔdi kesii kani na lɛnunda ku ala kalɔ bunu bɔkya.

¹⁵Sika ugyiedi ku ɔƒualadi ɔni na beekú taalɛku kalɔ kemmo uleye lɛnunda lɛmɛni.

¹⁶Lɛnunda lɛ́ƒɔ kuye litulo sika ugyiedi ku asɛɛ ebi ani muukeye.

¹⁷Na alakana ala amɛni ɔdi buti bɔmanku lɛnunda iye eti eye-ni lɛnɔ.

¹⁸Lɛnunda lɛ́ƒɔ kuye litulo atabi ani baalɔ Yaspa ku Koral ku ana lidu biala.

¹⁹Kus kalɔ kemmo atabi ani baalɔ Topas ku sika ugyiedi ɔni muukeye teetulo muedi ni, beleti-nwu beleye lɛnunda.

²⁰“Na wɛ na lɛnunda lɛmmɔ lɛkya nɔɔ?

²¹Béti-mu bábɛla ɔyawine ku lɛla biala na libo ngba. Na baasɛ bani nkɛ kayaa na baanu ɔgyu kakaaka muedi ni, lɛ́bɛ-ma.

²²Kekpine kesii kani na ala aayii udu mmɔ muedi ni, búnu banii bénu lɛnunda kɔku atu atu.

²³Katɔti lɛti pɛ kani ngyi ulu ku kesii kani na lɛnunda lɛkya.

²⁴Ɔsika anwu kani mɔɔnu kayawi kamɛni ƒui kesii biala teetédu kawɔlɔkɔ, ɔ́si katɔ ƒui kesii kani na uli mmɔ.

²⁵Anwu néte ɔƒɛƒɛɛ unu ku ɔyikun ɔni na uti utaabla ala. Na ɔ́sia ubili úte ɛpu kesii kani na uyi ɔwɔ.

²⁶Anwu nébo ɔda úte ɔnantu bɔna, na ɔ́tina kesii kani na ɔnantu ku ɔƒɛƒɛɛ kpakplaa ukpo ɔvi.

²⁷Na uwi ɔni na ɔɔbla ala amɛni ƒui ni, uwi ɔmmɔ kani na údie lɛnunda keyi. Na ɔ́lɛ ugyii ka litemi geen lɛni na lɛnunda lɛdanku lɛdia geen.

²⁸Na ɔ́su ukyuli ɔyawine ɔnini, ‘Awɔ ɔni mɔɔyia Katɔti na aabu-nwu ni, aadá anu. Na awɔ ɔni muukeli likpidi ni, aakɛ́ ala kalɔ bunu.’ ”