Read Lelemi Kɔgya 11 Bible Online

Kɔgya 11 - Lelemi bible

Kɔgya 11

¹Unwoti ndi mina katamikukɔ. Bi ɔsu na aasu-mi anii nkeli nteesie abi lɛlɔ ntábɛ aani aasɛ kalɛ?

²Ɔsika balalane bákɔliku bana kɔtaminta ku atula bálɛ bekyuli bani nsia Unwoti kama siin banii beebó-ma basiku kasuudikɔ.

³Si ɔda bubo bɔni na kadi bálɛ ugyii ka bataadi-mu lɛlɔ na bekyuli ƒui bédie atu lɛni ni, bi na bekyuli bani nsiaku Unwoti kama siin badubɔkana bɔbla?

⁴Nsu Unwoti uli lɛgaboku lɛlɔ na nwuna kakpakɔ kedee kemmo na Katɔ Ɔga Ɔma. Na nwuna anumi aanu ala ani ƒui na bekyuli baabla na kesi kesii.

⁵Unwoti ɔɔkɔ́ku bekyuli bani nsiaku-nwu kama siin taanu bana ablala kemmo. Na uukisi bakantankpine ku bani mɔɔta teenye nwuna ɔda bubo lɛlɔ.

⁶Na Unwoti ɔdubɔya na aƒɛ ku ogya ku ɔnyi kpatii ɔdi ɔna aani ɔnantu uwi balalane bammɔ lɛlɔ. Na ɔdubɔya na ɔƒɛƒɛɛ ɔni na ɔ́ƒɔ ogya geen uteekpo teebile bana ala uwi biala.

⁷Ɔsika Unwoti use siin na ɔɔbla ala ulu lɛlɔ. Na bani nsiaku-nwu kama siin ndubɔkana na benye-nwu anumi.