Read Lelemi Kɔgya 124 Bible Online

Kɔgya 124 - Lelemi bible

Kɔgya 124

¹Unwoti, si ɔɔɔdi awɔ nnye éte-bu ni, nka dɛ na ɔdubo buse? Israelƒuɔ, bɛsu bɛnini,

²“Si ɔɔɔdi Unwoti nnye úte-bu uwi ɔni na beekpóku-bu ni,

³nka uwi ɔni na bekisine báta ku kɔnyi mmɔ ni, bébweli-bu ngba ngba.

⁴Nka ketu káda-bu kákya na kéti-bu kátɔlɔku.

⁵Nka ketu kani náƒɔ ntu mmɔ na kaatu teenwini kéti-bu ƒui kede kede.

⁶“Bɛya bumwi Unwoti ɔni nátanyonu-bu útete na baduli-bu bakun.

⁷Búkeli aani kalɛ na aasɛ uukeli taalɛ kakpagyuɛ kani na bákywɛ-nwu kemmo. Kakpagyuɛ kammɔ kébie na bɔ́lɛ-ka kemmo.

⁸“Unwoti ɔni nédie katɔ ku kalɔ ni, anwu nédie-bu.”