Read Lelemi Kɔgya 146 Bible Online

Kɔgya 146 - Lelemi bible

Kɔgya 146

¹Bɛya na bumwi Unwoti. O Unwoti, ndubɔkpali-ɔ limwi ku mina kɔyu ƒui!

²Uwi ɔni na mmu nli ngba mɛni ku mina ɔlɔna ni, ndubumwi Unwoti Katɔti.

³Biteti anu bitasia bagadine lɛlɔ iye bayawine bebi badi lɛlɔ, ɔsika ɔdi ulakana-mi bubunku.

⁴Si ɔdi ɔ́yula ni, ɔ́sa únwini lɛla likpine na bɔva na badubo-nwu. Na nwuna kasusu ku kakwɛ kawɔlɔkɔ kadi mmɔ.

⁵Lɛlɔ lɛdubɔyɔ ukyuli ɔni néti nwuna anu ɔ́sia Yakob Unwoti Katɔti lɛlɔ ka ubunku-nwu, ɔsika úti Unwoti ɔ́bla nwuna Katɔti.

⁶Anwu nédie kalɔ kammɔ ƒui ku ɛpu ku ala ani ƒui nkya-nya kemmo, na ɔɔdi nwuna litemi lɛlɔ uwi biala.

⁷Anwu mɔɔtɛ litemi teete bekyuli bani na beekpóku. Na bani na kɔka kɔɔda ni, uute-ma adila. Na bani na bákya-ma ɔtɔ lɛnɔ ni, uudie-ma na baakɛ́ bɔnwuna.

⁸Unwoti Katɔti uubimi banumbwɛne anumi. Na bani na bekyuli béboku-ma kalɔ ni, ɔɔkɔliku-ma katɔ, na ɔɔyɔ́ bekyuli bani na bese siin.

⁹Ɔɔnu baƒɔ lɛlɔ, na uudie bekpinebi ku bekpinele. Nsu balalane ama ni, Unwoti Katɔti uubile bana ablala ku kɔkwɛ ƒui.

¹⁰Unwoti Katɔti ɔdubo lɛga bɔdi uwi ƒui. O Sion, ƒula Unwoti ɔdubɔdi lɛga na kaba bekyuli ƒui lɛlɔ. Bɛya na bumwi Unwoti.