Read Lelemi Kɔgya 19 Bible Online

Kɔgya 19 - Lelemi bible

Kɔgya 19

¹Si bɔ́nu kayaa na bɔ́nu ala ani na Katɔti ɔ́bla ni, bɔɔnu kalɛ na úbomo.

²Usien ku ɔƒɛ ƒui ni, kayaa ala amɛni aatina kalɛ na Unwoti lɛlati kemmo kágyu

³ina ka balakana bɔtɛmi.

⁴Bénu-ma kɔku na kayawi ekpo ƒui, na bana etemila égyingya ésie kayawi kawɔlɔkɔ ƒui. Na kayaa mmɔ na Unwoti ɔ́bla kakyakɔ úte ɔƒɛ aani adi kevo kalɛ.

⁵Na ɔƒɛ use aani ɔnana ɔni na bévele uleku béte na ɔ́si ɔɔlɛ́ nwuna ɔtɔ. Na ɔsɔ use aani okloƒu ɔyikune ɔni nésela usi kekelikɔ ku lɛlɔyɔ.

⁶Ɔɔtu taasi kayaa ɔvi unwi teesie taatánu ɔvi ɔkladi. Na nwuna liwulu liiwi lɛla biala lɛlɔ.

⁷Unwoti ɔda bubo bɔdia ƒui bɔ́wɔlɔ na ɔɔyá na bɔɔkɛ́ ɔlɔkplu ɔwɔdi. Na ala ani na úbo ɔda ka bɔbla adi ani buti anu bɔsia geen. Na nwuna ɔda bubo bɔdi etemila aani baaƒɔ́ taadi sɔsɔ. Na ɔɔyá na ukyuli ɔni mɔɔyáki lɛnunda ɔɔkɛ́-ni.

⁸Ɔda bubo bɔmmɔ buse kede kede na ɔɔbla ukyuli lili kemmo nwaa na ɔɔtí Unwoti lɛƒɔyɔ.

⁹Ɔdia ka bekyuli beti ɔbu bete Unwoti na badubo butaabla lɛni uwi ndi uwi. Na kalɛ na Unwoti ɔɔtɛ etemila ni, use siin.

¹⁰Ɔlɛka bɔwia nwuna ɔda bubo butulo sika ugyiedi ɔni nse sɛɛn utulo ƒui iye uwɔ ɔni na bátasa ntu.

¹¹Na ɔkɛnku ƒula ala bɔtina bɔmɛni lɛlɔ ni, aalɛ-mi, ƒula kabla ɔblane kpakplaa, na mɔɔkɛ́ kɔsia na litemi lɛmmɔ lɛlɔ bɔdi ɔsu.

¹²Ukyuli ulánu anwu ɔlati ekpidi ƒui taati. Unwoti, die-mi lɛku ala ani na lɛ́bla na lɛɛɛgyi ka bɔƒiɔ na bɔdi kemmo.

¹³Na ada-mi edie ekpidi ani ngyi ka adi bɔƒiɔ asa na mɔɔbla lɛnɔ kemmo. Taya na ekpidi ammɔ adi-mi lɛlɔ kalɛ na kɔtɔ bɔdu bɔdi bulakya-mi lɛlɔ na lɛbla siin.

¹⁴O Unwoti, awɔ ndi mina Lɛtakpɛ lɛni lɛlɔ na nkpo ku mina Udiene. Ya na mina kenye etemila ku mina kayi kemmo kakali kaƒɔ-ɔ anu.