Read Lelemi Kɔgya 2 Bible Online

Kɔgya 2 - Lelemi bible

Kɔgya 2

¹Bi ɔsu na bayawine beenyimi ala, na bekyuli baasa lili keeke?

²Kayawi baga bábla unwi na benye beekpóku awɔ ku ƒula Ukyuli Ɔƒunadi.

³Na baasu banini, “Bɛya buni-ma na bukulo bana kɔbuli kɔni nda-bu ƒui budie lɛlɔ na bɔlɛ bana lɛlɔ bɔdi kalɔ.”

⁴Nsu Unwoti ɔni nli nwuna lɛgaboku lɛlɔ na katɔ kaaka ɔ́ma bana kakali.

⁵Amu na livo líƒi Unwoti na ɔ́dɔnku-ma. Na ɔ́kya-ma liƒu geen. Na ɔ́su na nwuna kɔnyi kemmo ɔnini,

⁶“Sion Kɔbi kedee lɛlɔ na líse mina Ɔga Ɔƒunadi líse.”

⁷Ɔmmɔ kama ni, Ɔga Ɔƒunadi ɔmɛni ɔ́su ɔnini, “Ndubɔkɔ lɛsa na Unwoti lɛla lɛni na úse kenye úte-mi lɛlɔ ɔnini, ‘Awɔ ndi mina ubi. Na ɔmwi ni, línwini-ɔ ɔti.

⁸Awɔ, vele-mi na ndubuti kayawi kadi bekyuli ƒui lite-ɔ na eti kayawi ƒui abla ƒula kadikɔ.

⁹Na adubuti lɛbuala ɔgagyii adi-ma lɛlɔ ku ɔyikun kpakplaa na abwɛ-ma ewi kalɔ kpɛtɛ kpɛtɛ aani ebwi kalɛ.’ ”

¹⁰Ɔmɛni ɔsu ni, amii kalɔ kamɛni lɛlɔ badine bani mɔɔdi kayawi lɛlɔ ni, binu bɔlɛ bɔmɛni kaduɛ na bɛda anu na litemi lɛmɛni lɛlɔ!

¹¹Na bitaakpa Unwoti ku ɔbu geen ku lɛlɔyɔ.

¹²Na biboku eli kalɔ bite-nwu. Na si ɔɔɔdi lɛni ni, Unwoti ɔdubɔkɛku-mii kɔnyi geen na ɔyila-mii udu kɔnakunwi. Nsu lɛlɔ litaayɔ bekyuli bani muukeli teesie-nwu kudɔ ka ɔgyumana-ma.