Read Lelemi Kɔgya 21 Bible Online

Kɔgya 21 - Lelemi bible

Kɔgya 21

¹O Unwoti, lɛlɔ lɛɛyɔ́ ƒula ɔga na ƒula ɔyikun ala ani na aabla ɔsu. Na aayá na ebiti aada-nwu geen kalɛ na aayá na ɔɔdi lɛlɔ ɔsu.

²Awɔ nábla nwuna kayi lɛyɔla éte-nwu na éte-nwu ala ani na úvele-ɔ.

³Awɔ nébete-nwu kusɛ kusɛ pii. Na ébi-nwu sika ugyiedi kagabwa.

⁴Úvele-ɔ ngba, na éte-nwu ngba bɔni nsɔ naaadubo bɔsa kudii.

⁵Ka áya na ɔ́di lɛlɔ ɔsu ni, nwuna ɔbu ɔ́kɔ katɔ geen. Na ɔ́ƒɔ lɛnyi na nwuna lɛgadi lɛ́kɛ ɔyikun na liikeye.

⁶Ƒula kusɛ kusɛ ɔsiaku-nwu uwi ƒui. Na áya na lɛlɔ lɛɛyɔ́-nwu geen na ƒula anumi.

⁷Unwoti Katɔti Ɔyikune lɛlɔ na bula ɔga ɔsia anu. Na ɔkɛnku Unwoti bɔyɔ bɔni naaavumana ɔsu ɔɔɔdubo bɔgbanta kudii.

⁸Ɔga ɔmmɔ ɔdubɔka nwuna bekisine ƒui ɔkya. Na ɔkɛnku nwuna ɔyikun lɛlɔ na uƒie ama bani muukisi-nwu mmɔ ƒui.

⁹Si uwi ɔni na Unwoti ɔ́da ɔ́lɛ ku kɔnyi ni, ɔdubɔyila-ma udu aani kalɛ na lɛgyavonku lɛɛkyula ala.

¹⁰Ɔdubo-ma kaba kemmo bebi udu bɔyila na ɔdu-ma udie kede kede na ɔdi ɔsɔ ulébu.

¹¹Ina béti kasusu ka babla-a likpidi ni, ulebo-nwu kemmo ulete-ma lɛni.

¹²Badubɔtu kama benwini na bekeli si áda álɛ-ma anumi ku ƒula kataminta ku atula ka ebo alɛ-ma.

¹³Unwoti, buumwi-ɔ na ƒula ɔyikun bonwu ɔsu. Na bɔdubɔtu kɔgya budie ƒula ablala keyi.