Read Lelemi Kɔgya 28 Bible Online

Kɔgya 28 - Lelemi bible

Kɔgya 28

¹Unwoti, awɔ ndi mina lɛtakpɛ lɛni lɛlɔ na lɛ́kada líkpo ɔsu na mɔɔkpali-ɔ. Nu mina kɔvanu! Si ɔɔɔdi lɛni ni, agyi anii ami lɛnɔ ndubukpi ntéduo bekpine akɔ.

²Unwoti, mɔɔva taakpali-ɔ. Lɛ́kɔliku mina enu katɔ mɔɔtina ƒula kakpakɔ kedee kesii kani na elie, na muuvele-ɔ nnii bunku-mi.

³Taka-mi takya alaekpidi bablane akɔ na ani-bu esienku litemi katɛkɔ. Badi bekyuli bani muute bana bakpana keyi buɛɛ, nsu likpidi sɔɔn nkya-ma kayi kemmo.

⁴Ƒɔ-ma kayu kani námanku-ma na eti ani-ma na ekpidi ani na bábla kenye.

⁵Balábu ala ani na Unwoti údie ku ani na ɔ́bla. Anwuɔsu ɔdubɔni-ma kɔtu na ɔyila-ma udu uwi ƒui.

⁶Bɛya bumwi Unwoti, ɔsika únu mina kɔvanu na úbunku-mi.

⁷Unwoti mɔɔgyumana-mi na uute-mi ɔyikun. Nwuna lɛlɔ na mina kayi kasia na úbunku-mi sɔsɔ. Ɔmmɔ ɔsu na kayi kaayɔ́-mi geen. Na ndubɔtu enugya ɔnu lite-nwu.

⁸Unwoti muute nwuna bekyuli ɔyikun na ɔdi katamikukɔ ute Ɔga Ɔƒunadi.

⁹Unwoti, gyumana bekyuli bani na áƒuna na badi awɔ badi na eete-ma kusɛ kusɛ na ada-ma aani kalɛ na baƒonu ɔdane ɔɔda nwuna baƒonu ɔ́si ɔƒɛni úsela uwi ƒui.