Read Lelemi Kɔgya 59 Bible Online

Kɔgya 59 - Lelemi bible

Kɔgya 59

¹O Katɔti, die-mi na mina bekisine enu kemmo. Na agyumana-mi asiku bekyuli bani náta benye beekpóku-mi kudɔ.

²Na edie-mi na bekyuli bani nli beeti-mi likpidi kasusu uwi biala ka badu-mi enu kemmo.

³Ɔsika ni, Ati, bábɛ belie-mi ulu lɛlɔ ka badu-mi. Na bayikune bála lɛlɔ básala baawia-mi ngba bebile. Nsu ntabla-ma lɛla likpidi lɛdi.

⁴Ɔɔɔdi mina likpidi lɛdi ɔsu na bakɛ beekeli taada-mi. O Katɔti, nu lɛla lɛni mɔɔlɛ́ na ata ku kɔnyi na ebo ebedie-mi.

⁵Unwoti Katɔti Ɔyikune Ƒui, awɔ ndi Israel Katɔti. Ta na ani kadi bamba bekyuli ƒui kɔtu. Na tada bani muulie taakya bekyuli kakya tese.

⁶Na useyi uwi biala ni, mina bekisine beenwíni teebo na beebó adi aani bakpewe na baakɛ ɔma ɔmmɔ kemmo ƒui baaví.

⁷Eenú-ma enyekpi ku edumi. Na bana linyemi lise aani kuwii na bana inye kemmo. Nsu baakali banii ukyuli ɔdi ulenu lɛla lɛni na baasu.

⁸Nsu awɔ Unwoti, agyi ka kadi bamba bekyuli ƒui ni, badi-ɔ lɛmala.

⁹O mina Unwoti, ƒula kudɔ na mɔɔkɛ́ mina ɔyikun taasiku. Na awɔ Katɔti ndi mina lɛtakpɛ lɛni lɛlɔ na líkpo kama.

¹⁰Mina Katɔti, ngyi ka adubo ebebunku-mi, ɔsika aayɔ́-mi uwi biala. Na adubɔya na lɛnu mina bekisine kebulikɔ.

¹¹O Unwoti, taya na bekpi na bekyuli bayiƒala lɛla lɛni na ábla! Mmomu ƒɛ-ma avwi na bakɛ bataavi taakya kani, ɔsika awɔ mɔɔgyumana-bu.

¹²Na bana enyekpi ku edumi ku ewida ku ɔkɔ ala ani na básu ƒui enwini kɔkpagyuɛ kudie-ma na kalɛ na baatina lɛlɔ ɔsu.

¹³Ya na ƒula kɔnyi kɔkyula-ma aani ogya na bayii udu kede kede. Na ɔmmɔ adubɔya na kayawi bekyuli bati ka awɔ Katɔti mɔɔdi lɛlɔ na Israel kalɔ lɛlɔ ku kayawi kesi kesii. Na ƒula lɛlɔ bɔdi bɔmɛni bɔ́ƒɔ kalɔ lɛlɔ ƒui.

¹⁴Na useyi uwi biala ni, mina bekisine beenwíni teebo na beebó adi aani bakpewe na bakɛ ɔma ɔmmɔ kemmo ƒui baaví.

¹⁵Baawia lɛla lɛni na badi. Na si bátakɛ lɛla lɛdi ni, livo liiƒí-ma na beesié taatátɛ ku kɔka na beebó adi.

¹⁶Nsu ami ndubudie ɔnu na libo kudu ka ebo ɔyikun geen. Na ɔtanta biala ni, ndubudie ɔnu na limwi-ɔ, ɔsika ƒula bɔyɔ bulávumana na awɔ ndi mina kabɛkɔ kesii kani na aagyumana-mi na ɔgbankpi uwi.

¹⁷O mina Unwoti, ndubudie ɔnu limwi-ɔ, ɔsika awɔ mɔɔkya-mi ɔyikun na awɔ ndi mina kama kekpokɔ na aayɔ́-mi uwi biala.