Read Lelemi Kɔgya 61 Bible Online

Kɔgya 61 - Lelemi bible

Kɔgya 61

¹Katɔti, buvele, nu-mi kɔvanu na abla ete-mi kalɛ na muuvele-ɔ.

²Ina ka nsɔ liiibo lɛnunsia ni, mɔɔkpali-ɔ lɛsiku ɔgyu kakaaka kalɔ lɛlɔ mɛni. Kpanku-mi na libo-ɔ kudɔ, ɔsika awɔ ndi mina lɛtakpɛ lɛni na lɛ́kuku.

³Adi mina kabɛkɔ na ese aani katu taasia kagyumanakɔ ɔtɔ kpakplaa éte-mi, kesii kani na muunye taanu mina bekisine eli.

⁴Na aya na lɛsɔ lɛkya-a kudɔ úsela uwi ƒui. Na ƒula avwi ebi-mi lɛlɔ.

⁵Énu ala ani lɛ́kpali-ɔ líse kenye ka mabla, O Unwoti. Na kadikɔ kani na eete bekyuli bani mɔɔyia-a ni, aka na éte ami lɛnɔ.

⁶Na aya na ɔga emeyi emomo ebu na nwuna lɛgadi litu uwi.

⁷Unwoti, siaku-nwu na nwuna lɛga bɔdi uwi ƒui. Na aya na ƒula bɔyɔ bɔni naaavumana ku ƒula litemi geen lɛgyumana-nwu.

⁸Na ndubɔtu ɔnu limwi-ɔ lɛnyi uwi biala. Na ala ani lɛ́kpali-ɔ líse kenye ka mabla ni, ndubɔbla-nya limeyi ndi limeyi.