Read Lelemi Kɔgya 64 Bible Online

Kɔgya 64 - Lelemi bible

Kɔgya 64

¹O Katɔti, muuvele-ɔ nnii nwini nu-mi na anu lɛla lɛni muukpóku-mi. Na enye etile mina bekisine bani mɔɔkya-mi liƒu.

²Gyumana-mi kalɛ na mina bekisine lili lɛni baasa na mina lɛlɔ lilebo-nwu kemmo lilete-ma. Na balalane bani náta ku otogyi baládi-mi lɛlɔ.

³Bádɔ bana linyemi aani kuwii na bana kenye ɔdu etemila na baatu taalɛ-mi aani kataminta atula.

⁴Bábɛ bakya kalɔ kalɔ beebó atula taalɛ bekyuli bani na bátabla lɛla lɛdi na baláyia.

⁵Na likyulikpi lɛmɛni lɛlɔ kani na benye kpakplaa na baasu ka badubɔbɛ bakywɛ-mi kɔkpagyuɛ na baasu banini, “Ukyuɛdi ulanu-bu.”

⁶Beeti kasusu kekpidi na baasu banini, “Bɔdubɔbla likpidi lɛmɛni na ukyuli ɔdi ulanu-bu kasusu uláti.”

⁷Nsu Katɔti ɔdubo nwuna atula bubo bɔlɛ-ma na baƒɔ lɛlɛ kɔnakunwi.

⁸Bana enyekpi ɔsu ni, ɔdubo bana ƒui udu bɔyila. Na ukyuli biala manu-ma ɔdubo lili buƒwimi na ɔpii-ma.

⁹Na liƒu lɛdubɔda bekyuli ƒui na basu lɛla lɛni na Unwoti ɔ́bla. Na ɔmmɔ ɔdubɔlɛmi-ma kasusu na bati lɛlɔ bɔda.

¹⁰Amii bani nsiaku Unwoti kama siin ni, lɛlɔ lɛyɔ-mii na Unwoti lɛlɔ na bikeli bɛtamiku-nwu na bimwi-nwu.